ఈ రోజు జనసేన అధినేత పవన కళ్యాణ్ పుట్టిన రోజు సందర్భంగా, ఆంధ్రప్రదేశ్ ముఖ్యమంత్రి చంద్రబాబు నాయుడు, మంత్రి నారా లోకేష్, ట్విట్టర్ ద్వారా పవన్ కళ్యాణ్ కు, శుభాకాంక్షలు చెప్పిన సంగతి తెలిసిందే. దానికి పవన్ కళ్యాణ్ స్పందించారు. తనకు పుట్టినరోజు శుభాకాంక్షలు తెలిపిన ప్రతి ఒక్కరికీ కృతజ్ఞతలు అంటూ జనసేనాని పవన్ కల్యాణ్ అఫీషియల్‌గా ఓ ప్రెస్ నోట్‌ ద్వారా తెలిపారు. చిన్నప్పటి నుంచి పుట్టినరోజు వేడుక జరుపుకోవడం అలవాటు లేనందున.. ఈ రోజు (సెప్టెంబర్ 2) కూడా ఎటువంటి వేడుక జరుపుకోలేదని తెలిపారు.
అభిమానంతో తనకు పుట్టినరోజు శుభాకాంక్షలు తెలుపుతూ వేడుకలు జరిపిన తెలుగు రాష్ట్రాల అభిమానులకు, విదేశాల్లో ఉన్న అభిమానులకు, జనసేన కార్యకర్తలకు, అభిమానులకు ఆయన పేరుపేరునా ధన్యవాదాలు తెలిపారు. పుష్పగుచ్చం పంపి శుభాకాంక్షలు తెలిపిన రామోజీరావుకు, ట్విట్టర్ ద్వారా శుభాకాంక్షలు తెలిసిన ఏపీ ముఖ్యమంత్రి చంద్రబాబునాయుడు, మంత్రి నారా లోకేష్‌లకు ఆయన ప్రత్యేక కృతజ్ఞతలు తెలిపారు.
నిజానికి ముఖ్యమంత్రి చంద్రబాబు, ట్విట్టర్ ద్వారా అనేక సందర్భాల్లో చాలా మందికి విషెస్ చెప్పారు... ప్రధాన మంత్రి దగ్గర నుంచి, కేంద్ర మంత్రులు, రాష్ట్ర మంత్రులు, పార్టీ ముఖ్యులు ఇలా అందరికీ శుభాకాంక్షలు తెలుపుతూ ఉంటారు... పండగలప్పుడు కూడా రాష్ట్ర ప్రజలకు శుభాకాంక్షలు తెలుపుతారు.... పోయిన ఏడాది, ఏకంగా అందరూ టీవీలో లైవ్ చూస్తూ ఉండగా, అసెంబ్లీ సమావేశాలు జారుతూ ఉండగా, జగన్ పుట్టిన రోజు పురస్కరించుకుని, చంద్రబాబు విషెస్ చెప్పారు... చంద్రబాబు స్వయంగా జగన్ సీట్ దగ్గరకు వెళ్లి విషెస్ చెప్పారు... ఈ రోజు పవన్ కి విషెస్ చెప్పటం, దానికి పవన్ కృతజ్ఞతలు చెప్పటం మంచి విషయం. వ్యక్తిగత దూషణలకు పోకుండా, గౌరవప్రదంగా రాజకీయాలు ఉండాలని కోరుకుందాం...