జగన్ మోహన్ రెడ్డి రేపటి నుంచి అమెరికా పర్యటనకు వెళ్తున్న సంగతి తెలిసిందే. ఇది పూర్తిగా ఆయన వ్యక్తిగత పర్యటన. ఆయన చిన్న కూతురుని, యూనివర్సిటీలో జాయిన్ చెయ్యటానికి వెళ్తున్నారు. అలాగే అక్కడ ప్రవాసాంధ్రులతో కూడా జగన్ భేటీ కానున్నారు. అయితే జగన్ మోహన్ రెడ్డి అక్కడ ఇంకొక వ్యక్తిని కలుస్తున్నారని, ఇది ఆ పర్యటనలోనే హైలైట్ అంటూ వైసీపీ ప్రచారం చేస్తుంది. కొన్ని రోజుల క్రితం సోషల్ మీడియాలో ఒక వీడియో వైరల్ అయ్యింది. అమెరికాలో ఒక అమెరికా వ్యక్తి, స్పష్టమైన తెలుగులో మాట్లాడుతూ, మన తెలుగు వారితో మాట్లాడుతున్న వీడియో ఒకటి వైరల్ అయిన సంగతి తెలిసిందే. అక్కడ ఒక స్టేడియంలో, ఐస్ క్రీం అమ్ముతూ, ఉన్న ఆ వ్యక్తి, మన తెలుగు వారితో, తెలుగులో మాట్లాడుతూ, అందరినీ ఆశ్చర్యపరిచారు. యుట్యూబ్, ఫేస్బుక్ లో అది బాగా ఫేమస్ అయ్యింది.
అతని పేరే, ఇసాక్ రిచర్డ్స్. ఇతను అమెరికా వ్యక్తి, న్యూజిలాండ్ క్రికెట్ స్టేడియంలో ఐస్ క్రీం అమ్మే వారు. అయితే ఆ వీడియో వైరల్ అవ్వటంతో, ప్రాముఖ్యత వచ్చింది. ఇప్పుడు ఈయన అమెరికాలో ఉంటున్నారు. అయితే జగన్ అమెరికా పర్యటనలో, ఇసాక్ రిచర్డ్స్ ను కలుస్తారాని వైసీపీ వర్గాలు అంటున్నాయి. అయితే ఇంత చిన్న విషయానికి, జగన్ మోహన్ రెడ్డి, ఇతన్ని ఎందుకు కలుస్తున్నారో అర్ధం కావటం లేదు. ప్రస్తుతం ఇసాక్ రిచర్డ్స్ కి, అమెరికాలో, తెలుగు సర్కిల్స్ లో మంచి క్రేజ్ ఉందని, తెలుగు ఈవెంట్స్ అన్నిటికీ ఇతన్ని పిలుస్తున్నారని, అందుకే ఆ క్రేజ్ ఉన్న వ్యక్తిని కలిసి, తెలుగు బాగా మాట్లాడుతున్నందుకు జగన్ అభినందిస్తారాని అంటున్నారు. జగన్ అమెరికా పర్యటనలో ఇదే హైలైట్ అంటున్నారు.
అయితే ఇసాక్ రిచర్డ్స్ అసలు తెలుగు ఎలా నేర్చుకున్నారు ? మన తెలుగు రాష్ట్రాల్లో ఎందుకు తిరిగారు అనేది ఆరా తీస్తే, ఈయన గుaరించి కొన్ని విషయాలు తెలిసాయి. ఇవి ఇప్పటికే ప్రచారం కూడా అయ్యాయి. ఇసాక్ రిచర్డ్స్ విజయవాడ, విశాఖపట్నంలో రెండేళ్ళుకు పైగా ఉన్నారంట. ఆ సమయంలో ఏమి చేసే వారు అంటే, ఆయన ఇక్కడ మత ప్రచారం చేసే వారంట. రెండేళ్ళ పాటు క్రీస్టియానిటీని ఇక్కడ వ్యాప్తి చెయ్యటంలో భగంగా, ఆయన తెలుగు బాగా నేర్చుకున్నారని తెలుస్తుంది. అయితే అప్పట్లో మత ప్రచారం కోసం తెలుగు నేర్చుకుంటే, ఇప్పుడు ఆ తెలుగు భాష, అతన్ని ఒక్క వీడియోతో సెలబ్రిటీని చేసింది. జగన్ ని కలిసిన తరువాత, ఆయన ఇంకా ఎన్ని సంగతలు చెప్తారో చూడడం.