అందుబాటులో ఉన్న మంత్రులతో ముఖ్యమంత్రి చంద్రబాబునాయుడు గురువారం ఉదయం భేటీ అయ్యారు. మంత్రులు గంటా శ్రీనివాసరావు, నారాయణ, కాల్వ శ్రీనివాసులు, సోమిరెడ్డి చంద్రమోహన్‌‌రెడ్డి తదితరులతో చంద్రబాబు భేటీ అయ్యారు. ఈ సందర్భంగా జగన్ తో కేటీఆర్ భేటీ, 19వతేదీన కోల్‌కతా టూర్‌పై చర్చ తదితర అంశాలపై వీరిమధ్య చర్చ జరిగింది. కాగా... రేపు సాయంత్రం సీఎం చంద్రబాబు కోల్‌కతా వెళ్లనున్నారు. మమతా బెనర్జీ నిర్వహించనున్న ర్యాలీలో చంద్రబాబు పాల్గొననున్నారు. పశ్చిమబెంగాల్ సీఎం మమతా బెనర్జీ నిర్వహించనున్న ర్యాలీలో పాల్గొననున్నారు. ఈ నేపథ్యంలో చంద్రబాబు తన దావోస్ పర్యటనను రద్దు చేసుకున్నారు. పార్టీ నేతల సూచనతో పర్యటన రద్దు చేసుకున్నారు. ఎన్నికలు, పార్టీ కార్యక్రమాలపై దృష్టి సారించనున్నారు.
ఆంధ్రప్రదేశ్ అభివృద్ధి చెందడాన్ని ప్రతిపక్షాలు జీర్ణించుకోలేకపోతున్నాయని ఆయన ఆగ్రహం వ్యక్తం చేశారు. ప్రజా రాజధాని అమరావతిలో అభివృద్ధి పనులు చూసి.. విపక్ష నేతలకు కంటగింపు కలుగుతోందని విమర్శించారు. రాయలసీమ, ఉత్తరాంధ్రలో పారిశ్రామిక ప్రగతి చూసి అసూయపడుతున్నారని అన్నారు. ప్రాంతాల మధ్య చిచ్చు రగిలించాలని కుట్రలు పన్నుతున్నారని, రాయలసీమ, ఉత్తరాంధ్రలో చిచ్చుపెట్టాలని చూశారని చంద్రబాబు ఆరోపించారు. రాష్ట్రాన్ని మోసం చేసే వ్యక్తుల పట్ల అప్రమత్తంగా ఉండాలని ఆయన నేతలను హెచ్చరించారు. జగన్‌తో కేటీఆర్ హడావుడిగా భేటీ అయ్యారని, బీజేపీ వ్యతిరేక శక్తులు ఏకం కాకుండా కుతంత్రాలు చేస్తున్నారని చంద్రబాబు మండిపడ్డారు.
రాజకీయ స్వలాభం కోసం విపక్షాలు ఎంతకైనా సిద్ధపడుతున్నాయని ఆయన ధ్వజమెత్తారు. ఐదేళ్లలో అద్భుతమైన అభివృద్ధి సాధించామని.. 670కి పైగా అవార్డులు వచ్చాయని చెప్పుకొచ్చారు. ఒక్కరోజులో రూ.లక్ష కోట్ల పెట్టుబడులతో ఏపీపై అక్కసు పెట్టుకున్నారని వ్యాఖ్యానించారు. ప్రాంతాల మధ్య చిచ్చు రగల్చాలని కుట్రలు, పన్నుతున్నారని... రాయలసీమ, ఉత్తరాంధ్ర మధ్య చిచ్చు పెట్టాలని చూశారని చంద్రబాబు ఆరోపించారు. రాష్ట్రాన్ని మోసం చేసే వ్యక్తుల పట్ల అప్రమత్తంగా ఉండాలని ఆయన నేతలను చంద్రబాబు హెచ్చరించారు. ఏపీకి హోదా ఇస్తే తమకూ ఇవ్వాలని కేసీఆర్ అన్నారని గుర్తుచేశారు. షెడ్యూల్ 9, షెడ్యూల్ 10 సంస్థల విభజనకు అడ్డంకులు పెట్టారన్నారు. చివరికి సుప్రీంకోర్టు తీర్పును అమలు చేయనివ్వలేదని సీఎం చంద్రబాబు తీవ్రస్థాయిలో ఆగ్రహం వ్యక్తం చేశారు.