మొదట నుంచి టీఆర్ఎస్ - వైసీపీ కుమ్మక్కు రాజకీయాలు అందరికీ తెలిసిందే. తెలంగాణాలో మిషన్ భాగీరధ కాంట్రాక్టులు జగన్ మనుషులకి ఇవ్వటం దగ్గర నుంచి, మొన్న జరిగిన ఎన్నికల్లో జగన్, టీఆర్ఎస్ సపోర్ట్ గా చేసిన హడావిడి అందరికీ తెలిసిందే. అయితే, మొన్నటి నుంచి చంద్రబాబుకు రిటర్న్ గిఫ్ట్ ఇస్తా అంటూ కేసీఆర్ పదే పదే చెప్తూ, కవ్విస్తున్నారు. టీఆర్ఎస్‌తో జగన్ కుమ్మక్కయ్యారని టీడీపీ ఆరోపిస్తోంది. ఈ విమర్శలు ఇలా కొనసాగుతుండగానే చిత్తూరు జిల్లాలో బయటపడిన వ్యవహారం ఇప్పుడు అంతటా చర్చనీయాంశమైంది. నిజంగానే వైసీపీ నుంచి టీఆర్ఎస్‌కు రిటర్న్ గిప్ట్‌లు అందాయని భావించేలా ఆ వ్యవహారం ఉంది. రాబోయే ఎన్నికల్లో, కేసీఆర్, జగన్ కు ఎలా సహకరిస్తాడో చెప్పే ఉదాహరణ ఇది.
వైసీపీ నేతలు పంచిన గోడ గడియారాల్లో కేసీఆర్, ఇతర టీఆర్ఎస్ నేతల ఫోటోలు ఉండడం ఇప్పుడు రాజకీయంగా ధుమారం రేపుతోంది. రాబోయే ఎన్నికల కోసం వైసీపీ నేతలు ఇప్పటి నుంచే తాయిలాలు ఇవ్వడం మొదలుపెట్టారు. ఇందులో భాగంగా చిత్తూరు జిల్లాలో వైసీపీ నేతలు ఇంటింటికి గోడ గడియారాలు పంచుతున్నారు. మదనపల్లి నియోజకవర్గాల్లో పంచిన గడియారాల కవర్‌పై జగన్‌తోపాటు మాజీ ఎంపీ మిధున్ రెడ్డి, స్థానిక ఎమ్మెల్యే తిప్పారెడ్డి ఫోటోలు ఉన్నాయి. వైసీపీ నేతల ఫోటోల కింద మరో స్టిక్కర్ ఉందని గుర్తించారు. ఫోటో అడుగున ఇంకోదో ఉందని భావించారు. వెంటనే కవర్ తీసి చూడగా అవాక్కవడం వారి వంతైంది. కేసీఆర్, టీఆర్ఎస్ నేతల ఫోటోలు కనిపించాయి. ఇది రాజకీయంగా కలకలం రేపింది.
గత కొంతకాలంగా టీడీపీ, టీఆర్ఎస్ మధ్య పచ్చగడ్డి వేస్తే భగ్గుమంటోంది. తెలంగాణ ఎన్నికల ఫలితాల తర్వాత చంద్రబాబుకు రిటర్న్ గిప్ట్ ఇస్తానని కేసీఆర్ పదే పదే చెబుతున్నారు. టీడీపీ ఓడిపోతుందని కూడా చెప్పారు. ఏ పార్టీకి టీఆర్ఎస్ మద్దతు ఇస్తుందో బయటకు చెప్పలేదు. ఇదే సమయంలో టీఆర్ఎస్, వైసీపీ ములాఖత్ అయ్యాయని టీడీపి ఆరోపిస్తోంది. దీనికి తగ్గట్టే అక్కడ అసలు పోటీనే చెయ్యని వైసిపీ, కేసీఆర్ గెలిస్తే, ఇక్కడ సంబరాలు చేసుకుంది. వైసీపీ ఆధ్వర్యంలో,కేసీఆర్ కు పాలాభిషేకాలు చేసారు. ఆంధ్రాలని కుక్కలు, రాక్షసులు, ఆంధ్రులు తినేది పెంట అంటూ అవమానించిన కేసీఆర్ కు, ఏపి ప్రతిపక్ష నేతగా ఉంటూ, కేసీఆర్ భజన చేస్తున్నాడు జగన్.