కాంగ్రెస్ అభ్యర్థుల ఎంపికపై ఏఐసీసీ తీవ్ర కసరత్తు చేస్తోంది. మాజీ ముఖ్యమంత్రి వైఎస్‌ రాజశేఖర్‌రెడ్డి, ఆయన కుడి భుజం కేవీపీ రామచంద్రరావుకు గతంలో అత్యంత సన్నిహితంగా ఉన్నవారితోపాటు టీఆర్‌ఎస్‌ ప్రేరణతో కాంగ్రె్‌సలో చేరారని అనుమానిస్తున్నవారిని, ఎన్నికలకు ముందే సీఎం పదవిపై దృష్టిసారించిన వారిని జాబితాలో లేకుండా ఏఐసీసీ జాగ్రత్తలు తీసుకుంటోందని విశ్వసనీయ వర్గాలు తెలిపాయి. మిత్రపక్షాల బూచిని చూపించి పొన్నాల లక్ష్మయ్య, మొదలైన వారిని పక్కన పెట్టేందుకు ఇదే కారణమని రాజకీయ వర్గాలు భావిస్తున్నాయి.
మరికొంత మందిని పై నుంచి ఊడిపడ్డారనే పేరుతో పక్కన పెట్టారని, వారిలో కోరుట్ల సీటును ఆశిస్తున్న నరసింగరావు ఉన్నారని తెలుస్తోంది. బీసీ నాయకుడు కొమిరెడ్డి రాములుకు రాకుండా ఆయన్ని రంగంలోకి దించారని ప్రచారం జరిగింది. కాగా అనుమానం ఉన్నవారిని మొదటి జాబితాలో ప్రకటించకుండా ఆపి, రెండో జాబితాలో క్లియర్‌ చేసేందుకు కూడా ఇదే కారణమని తెలుస్తోంది. సికింద్రాబాద్‌ సీటును ఆశిస్తున్న బండ కార్తికరెడ్డి, రాజేంద్రనగర్‌ సీటును ఆశిస్తున్న సబితా ఇంద్రారెడ్డి కుమారుడు కార్తీక్‌రెడ్డి తదితరుల పేర్లు కూడా వైఎస్‌ వర్గానికి గతంలో సన్నిహితులనే పేరుతోనే పక్కన పెట్టినట్లు సమాచారం. సీఎల్పీ నేత కావడం వల్ల జానారెడ్డికి సీటు ఇవ్వక తప్పలేదని అంటున్నారు.
అయితే, మరో పక్క, కేసీఆర్, జగన్, కేవీపీ సాన్నిహిత్యం గురించి అందరికీ తెలిసిందే. కేవీపీ కోవర్ట్ లు ద్వారా, మహా కూటమిని దెబ్బ కొట్టానికి కేసీఆర్ ప్లాన్ చేసినట్టు రాహుల్ గాంధీకి స్పష్టమైన సమాచారం ఉండటంతో, కేవీపీ వర్గం అనుకున్న వారందరినీ పక్కన పెట్టేసారు. ఈ విధంగా, కేసీఆర్, జగన్, కేవీపీ కుట్రకు ఫుల్ స్టాప్ పెట్టేసారు. కేవీపీ మహా కూటమిలో కాంగ్రెస్ రాకుండా చెయ్యని ప్రయత్నం లేదు. తద్వారా కీసీఆర్ కు సహాయం చెయ్యాలని కేవీపీ ప్రయత్నం చేసారు. అయితే అవేమీ కుదరలేదు, కాంగ్రెస్ మహా కూటమిలో చేరిపోయింది. ఇప్పుడు కేవీపీ మనషుల్లో ఒక్కరికి కూడా టికెట్ రాకుండా చేసారు.