news

ఆంధ్రప్రదేశ్ హైకోర్టు, ఈ రోజు ఆంధ్రప్రదేశ్ లో ఉన్న వాలంటీర్ వ్యవస్థ పై కీలక వ్యాఖ్యలు చేసింది. ఇందులో ప్రధానంగా, వాలంటీర్ల వ్యవస్థ నుంచే లబ్దిదారులను ఎంపిక చేయటం పై , హైకోర్టు మౌలికమైన ప్రశ్న లేవనెత్తింది. వాలంటీర్లు వైఎస్ఆర్ చేయూత పధకం పై అర్హులైన వారికి, రాజకీయ కక్షతో అమలు కాకుండా నిలిపివేసరని చెప్పి, పెదకూరుపాడు మండలం, గార్లపాడు గ్రామస్తులు దాదాపుగా 26 మంది హైకోర్టులో పిటీషన్ వేసారు. ఈ పిటీషన్ లో గ్రామస్తుల తరుపున , న్యాయవాది అరుణ్ శౌరి వాదనలు వినిపించారు. అయితే ఈ పిటీషన్ వేసిన తరువాత, ఆ 26 మందికి పధకం వర్తింప చేయటం పట్ల హైకోర్టు ఆశ్చర్యం వ్యక్తం చేసింది. అప్పుడు అర్హులు కాని వారు, ఇప్పుడే ఎలా అర్హులు అయ్యారు అంటూ ప్రశ్నించింది. దీంతో వాలంటీర్లు ఏడుగురుకి, హైకోర్టు వ్యక్తిగతంగా నోటీసులు జారీ చేసింది. దీంతో పాటు ప్రభుత్వాన్ని కూడా, హైకోర్టు పలు కీలక ప్రశ్నలు లేవనెత్తింది. వాలంటీర్లకు ఉన్న సర్వీస్ రూల్స్ ఏమిటి అని హైకోర్టు న్యాయమూర్తి జస్టిస్ బట్టు దేవానంద్ ప్రశ్నించారు. వాలంటీర్ అంటే స్వచ్చందంగా అని అర్ధం ఉంది కదా, మరి వాలంటీర్లకు జీతాలు పేరుతో డబ్బులు ఇస్తున్నట్టు, తమకు తెలుస్తుందని, వారికి డబ్బులు ఎలా ఇస్తారని హైకోర్టు ప్రశ్నించింది.

పెన్షన్ సొమ్ముతో పారిపోయిన వాలంటీర్ అని ఒకసారి, శ్రీకాకుళం జిల్లాలో పత్రికల్లో వచ్చిన వార్తల పై హైకోర్టు ప్రస్తావించింది. వాలంటీర్లు ఈ విధంగా పనులు చేస్తుంటే, వారిని శిక్షించే వారు ఎవరని హైకోర్టు ప్రశ్నించింది. వాలంటీర్లు తప్పు చేస్తే, శిక్షించే అధికారం ఎవరికి ఉందని, హైకోర్టు ప్రశ్నించింది. వాలంటీర్లు లబ్దిదారులని ఎంపిక చేయటం ఏమిటి అని ప్రశ్నించటమే కాకుండా, గ్రామ సచివాలయంలో ఎవరు అయితే సచివాలయ సిబ్బంది ఉన్నారో, రాష్ట్ర ప్రభుత్వం పబ్లిక్ సర్వీస్ కమిషన్ ద్వారా ఎంపిక చేసిందో, వారి అందరూ ఏమి చేస్తున్నారని ? ఈ లబ్దిదారుల ఎంపిక చేసే విషయంలో, వారు కదా కీలక పాత్ర పోషించాల్సింది అంటూ హైకోర్టు ప్రశ్నించింది. వాలంటీర్ అనే పదం ఉన్న వ్యక్తి లబ్ది దారులను ఎలా ఎంపిక చేస్తారాని, ఈ మొత్తం సందేహాలు నివృత్తి చేయాలని, వాలంటీర్ సర్వీస్ రూల్స్ తో పాటుగా, పూర్తి స్థాయిలో నివేదిక తమకు ఇవ్వాలని, హైకోర్టు ప్రభుత్వాన్ని ఆదేశిస్తూ, హైకోర్టు ఆదేశాలు జారీ చేయటం పై, ఇపుడు సర్వత్రా ఆసక్తి నెలకొంది.

విజయసాయి రెడ్డి, ఒకప్పుడు వైఎస్ఆర్ కాంగ్రెస్ పార్టీలో ఒక వెలుగు వెలిగిన నేత. ప్రజా బలం లేకపోయినా, లాబయింగ్ బలంతో, జగన్ కేసుల్లో సహా నిందితుడు అనే క్వాలిఫెకేషన్ తో, వైఎస్ఆర్ పార్టీలో నిన్నటి వరకు ఒక వెలుగు వేలితారు. నెంబర్ టుగా ఎక్కడ లేని క్రేజ్ తెచ్చుకున్నారు. అయితే జగన్ మోహన్ రెడ్డి అధికారింలోకి వచ్చిన తరువాత, ఆయన ప్రభావం తగ్గుతూ వచ్చింది. సజ్జలకు అధిక ప్రాధాన్యత రావటంతో, చివరకు విజయసాయి రెడ్డిని, ఉత్తరాంధ్ర జిల్లాల నుంచి కూడా గెంటేసారు. ఇలా వైసీపీలో పతనం అంచున ఉన్న విజయసాయి రెడ్డి, ఇప్పుడు బీజేపీ ప్రాపకం కోసం పాకులాడుతున్నారు. పార్టీ మార్పు అయినా కావచ్చు, తన కేసులు అయినా కావచ్చు కానీ, ఏదో ఒక దాంట్లో, ప్రతిఫలం కోసం, ఈ మధ్య విజయసాయి రెడ్డి తపించిపోతూ, తన పార్టీ వైసీపీ అనేది మర్చిపోయి, బీజేపీ భజనలో ఆరి తేరి పోయారు. జాతీయ స్థాయిలో నిన్న ఫోకస్ అయిన అంశం, రాహుల్ గాంధీ అంశం. రాహుల్ గాంధీ నేపాల్ పర్యటనలో, ఒక పార్టీలో నైట్ క్లబ్ లో ఉన్న అంశం నిన్న బీజేపీ ప్రమోట్ చేస్తూ, రచ్చ రచ్చ చేసింది. రాహుల్ గాంధీకి దేశ పట్ల బాధ్యత లేదని, పార్టీ పట్ల బాధ్యత లేదని, ఇలా రకరకాలుగా బీజేపీ, రాజకీయంగా లబ్ది పొందటం కోసం, హడావిడి చేసింది.

కాంగ్రెస్, బీజేపీ కొట్టుకుంటుంటే, వారి మధ్యలోకి విజయసాయి రెడ్డి దూరారు. మా మోడీ యూరోప్ పర్యటనకు వెళ్తే హేళన చేసారు కదా, ఇప్పుడు మీ రాహుల్ గాంధీ చేసింది ఏంటి అంటూ ప్రశ్నించారు. అంతే కాదు, అంతటితో ఆగలేదు, చైనా వాళ్ళ హనీ ట్రాప్ లో రాహుల్ గాంధీ పడ్డారు అంటూ వ్యాఖ్యలు చేసారు. హనీ ట్రాప్ అంటే, అమ్మాయల వలలో పడటం. అలాగే చైనా రాయబారి హౌ యాంక్వితో రాహుల్ గాంధీ సన్నిహితంగా ఉన్నారు అంటూ, రాహుల్ గాంధీ వైఖరి పై తప్పు పడుతూ ట్వీట్ పెట్టి, మోడీ దగ్గర మార్కులు కొట్టేసే ప్రయత్నం చేసారు. దీని పైన కాంగ్రెస్ పార్టీ ఘాటుగా స్పందించింది. అవినీతికి కేర్ ఆఫ్ అడ్రెస్ అయిన విజయసాయి రెడ్డి, వాస్తవం గ్రహించాలని, మీ మీద ఉన్న కేసులకు భయపడి, మీ సాహెబ్ మోడీని సంతోష పెట్టటానికి ట్వీట్లు చేస్తున్నారు కానీ, అక్కడ వాస్తవం రాహుల్ గాంధీ ఒక పెళ్ళికి వెళ్ళారని, దానిలో తప్పు ఏమి ఉంది అంటూ, కాంగ్రెస్ పార్టీ, విజయసాయి రెడ్డికి ఘాటుగా బదులు ఇచ్చింది. కెలికి మరీ తన్నించుకోవటంలో, విజయసాయి రెడ్డి ముందు ఉంటారని, మరోసారి రుజువైంది.

తెలుగుదేశంలో న‌వ్యోత్తేజం పొంగి పొర‌లుతోంది. చంద్ర‌బాబు రాక‌తో ఉత్త‌రాంధ్ర ఉద్వేగంగా మారింది. ఒకే ఒక్క ప‌ర్య‌ట‌న‌తో ఫామ్‌లోకొచ్చిన వీరేంద్ర సెహ్వాగ్‌లా వైసీపీపై విరుచుప‌డ్డారు చంద్ర‌బాబు. విశాఖ‌లోనే కాదు ఉత్త‌రాంధ్ర‌లో చంద్ర‌బాబుని అడుగుపెట్ట‌నివ్వ‌మ‌ని శ‌ప‌థాల శ‌బ్దాలు చేసిన వారు, మూడు రాజ‌ధానుల ప్ర‌తిపాద‌న‌తో తెలుగుదేశాన్ని ఇరుకున‌పెట్టామ‌ని చంక‌లు గుద్దుకున్న‌వారు. అంద‌రికీ ఒకే ఒక టూరులో దిమ్మ‌తిరిగే ఝ‌ల‌క్ చంద్ర‌బాబు ఇచ్చారు. విశాఖ విమానాశ్ర‌యంలో దిగుతూ ఘ‌న‌స్వాగ‌తం అందుకున్న బాబు. శ్రీకాకుళం చేరేవ‌ర‌కూ జ‌నం..జ‌నం...ప్ర‌భంజ‌నంగా ముందుకు సాగారు.. విశాఖ‌లో దిగుతూనే టిడిపి స‌మీక్ష స‌మావేశం నిర్వ‌హించి నేత‌ల‌కు దిశానిర్దేశం చేశారు.. చంద్ర‌బాబు చాణ‌క్యం ఇక్క‌డి నుంచే ఆరంభ‌మైంది.. భీమిలి వెళ్తూ...అవినీతి అన‌కొండ జ‌గ‌న్‌రెడ్డి సాయిరెడ్డి మింగేసిన రుషికొండ వైపు కాన్వాయ్‌ని తిప్పారు. విశాఖ‌లో కొండ‌ల్ని పిండి చేసి ఎలా జ‌గ‌న్‌రెడ్డి గ్యాంగులు క‌నుమ‌రుగు చేస్తున్నాయో చ‌ర్చ‌కి పెట్టారు. రుషికొండ‌కి వెళ్ల‌కుండా చంద్ర‌బాబుని అడ్డుకుని...అక్క‌డే తాము అక్ర‌మాలు చేస్తున్నామ‌ని ప‌రోక్షంగా జ‌గ‌న్‌రెడ్డి గ్యాంగ్‌ అంగీక‌రించేలా చేయ‌డంలో చంద్ర‌బాబు మార్క్ రాజ‌కీయం ఉంది. ప‌ర‌దాలు చాటున‌, వ‌ల‌ల ర‌క్ష‌ణ‌లో ప‌ర్య‌టిస్తున్న జ‌గ‌న్‌రెడ్డికి ... ప్ర‌జ‌లే ర‌క్ష‌ణ‌గా చేసే ప‌ర్య‌ట‌న‌లు ఎలా వుంటాయో క‌ళ్ల‌కు క‌ట్టేలా చూపించారు సీబీఎన్‌.

టీ టైమ్‌ని కూడా ప్ర‌జ‌ల‌తోనే మ‌మేకం అయ్యేలా సరి కొత్త రాజకీయ ప్రోగ్రాం కి చంద్రబాబు శ్రీకారం చుట్టారు. ఇక భీమిలి స‌భ‌లో త‌న అమ్ముల‌పొదిలో ఒక్కో అస్త్రం తీసి సూటిగా సంధించారు. తాను ఏం చెప్ప‌కుండానే ఉత్త‌రాంధ్ర‌కి జ‌గ‌న్ రెడ్డి చేసిన ద్రోహం...తాను చేయ‌బోయే న్యాయం ఏంటో ప్ర‌జ‌ల‌తోనే చెప్పించారు. నేను తెచ్చేవి ఐటీ ఉద్యోగాలు- జ‌గ‌న్ ఇచ్చేవి వ‌లంటీర్ ఉద్యోగాల‌ని ఏం కావాలో తేల్చుకోమ‌న్నారు బాబు. విశాఖ టిడిపి కార్యాల‌యం ఎదుట బీసీ మహిళాసంఘం పేరుతో విజ‌య‌సాయిరెడ్డి ఫ్యాన్స్ ఓ న‌లుగురు మ‌హిళ‌లు ఆందోళ‌న చేసి హ‌డావిడి చేశారు. వీళ్ల‌కి కౌంట‌ర్‌ని వేలాది మంది ప్ర‌జ‌ల‌తో చంద్ర‌బాబు ఇప్పించారు. రాజ‌ధాని కావాలా? అభివృద్ధి కావాలా? అని వేలాది మంది ప్ర‌జ‌ల్ని అడిగారు చంద్ర‌బాబు. ప్ర‌జ‌లంతా ముక్త‌కంఠంతో అభివృద్ధే కావాల‌ని నిన‌దించారు. అమ‌రావ‌తి రాజ‌ధానిగా వుంటుంది..విశాఖ ప్ర‌పంచ‌స్థాయిలో అభివృద్ధి చెందుతుంద‌ని ఎటువంటి శ‌ష‌భిష‌లు లేకుండా స్ప‌ష్టం చేశారు దార్శ‌నికుడు నాయుడు. ఒకే ఒక్క టూర్‌లో తెలుగుదేశంకి ప్ర‌జాద‌ర‌ణ ఏ స్థాయిలో వుందో, వైసీపీపై ప్ర‌జావ్య‌తిరేక‌త ఎంత‌గా పెరిగిందో చూపించ‌గ‌లిగారు. అభివృద్ధి పేరుతో విశాఖ‌ని దోచుకుంటోన్న జ‌గ‌న్‌రెడ్డి గ్యాంగుల అవినీతిని బ‌య‌ట‌పెట్టారు. మాకు అవినీతి వ‌ద్దు..అభివృద్ధి ముద్దు అని ప్ర‌జ‌ల‌తోనే చెప్పించ‌గ‌లిగారు. ఉత్త‌రాంధ్ర గ‌డ్డ తెలుగుదేశం అడ్డా అని మ‌రోసారి స్ప‌ష్టం చేశారు. ఇదీ చంద్ర‌బాబు చాణ‌క్యం అంటే...ఇదీ విజ‌న‌రీ లీడ‌ర్ స్కెచ్ అంటే..