news

పోలవరం ప్రాజెక్టు పనులను బుధవారం స్వయంగా పరిశీలించిన కేంద్రమంత్రి గడ్కరీ ముఖ్యమంత్రి చంద్రబాబుతో కలిసి విలేకరులతో మాట్లాడారు. పోలవరాన్ని సకాలంలో పూర్తి చేసేందుకు కేంద్రం కృతనిశ్చయంతో ఉందని నిధుల మంజూరు, విడుదల విషయంలో రాజకీయాలకు తావులేదని గడ్కరీ పునరుద్ఘాటించారు. అనంతరం నిర్మాణ ప్రగతిపై అదికారుల్తో సమీక్షించారు. ఆ తర్వాత చంద్రబాబుతో కలసి గడ్కరి ఉమ్మడిగా మీడియా సమావేశం నిర్వహించారు. పోలవరం పనుల తీరు పట్ల గడ్కరీ సంతృప్తి వ్యక్తం చేశారు. పనుల్లో మరింత వేగం పెంచుతామన్నారు. నిర్మాణ క్రమంలో రాష్ట్ర ప్రభుత్వ పాత్ర ప్రశంసనీయమన్నారు. దేశంలోనే అతిపెద్దదైన పోలవరం ప్రాజెక్ట్‌ను తాము పూర్తి చేసి తీరుతామన్నారు.

గతంలో తానొచ్చేసరికి కూడా ఇక్కడ కొన్ని సమస్యలుండేవ న్నారు. తన పర్యటన సందర్భంగా కేంద్ర, రాష్ట్ర ప్రభుత్వాల అధికారులు సమన్వయంతో వాటిని పరిష్కరించుకున్నా రన్నారు. ఈ సారి కూడా కేంద్ర, రాష్ట్ర అధికారులు నాలుగు రోజులు ఇక్కడే ఉండి పెండింగ్‌ సమస్యల్ని పరిష్కరించు కోవాలని ఆయన సూచించారు. ఆ స్థాయిలో పరిష్కారం లభించని పక్షంలో సమస్యల నివేదికతో ఢిల్లికి రావాలని ఆయన సూచించారు. పోలవరం ప్రాజెక్టు సవరించిన అంచనాల్లో ఉన్న సమస్యలు.. వాటి పరిష్కారానికి ఎలా ముందుకు సాగనున్నారో ఆయన చాలా స్పష్టంగా చెప్పారు. రాష్ట్ర అధికారులను దిల్లీకి ఆహ్వానించారు. కూర్చుని తేల్చేద్దామని చెప్పారు. ‘మా అధికారులకు ఇప్పటికే చెప్పా. మళ్లీ చెబుతా. మీరు దిల్లీ వచ్చి ఏ కాగితాలు కావాలో అన్నీ సమర్పించి సమస్యలు పరిష్కరించుకోవాల’ని సూచించారు. మూడు రోజుల్లో నాకు సమర్పిస్తే తాను ఆమోదించి 8 రోజుల్లో ఆర్థికశాఖకు పంపుతామన్నారు. ఆ తర్వాత ఆర్థిక మంత్రితో ముఖ్యమంత్రి, తాను కలిసి సంయుక్త భేటీ ఏర్పాటు చేస్తానని గడ్కరీ హామీ ఇచ్చారు. ఎందుకు అంచనాలు పెరిగాయో ఆయనకూ వివరించి ఆమోదం తెచ్చుకుందామన్నారు.

కేంద్ర మంత్రి ప్రాజెక్టు చూసిన తర్వాత అక్కడే రాత్రి 9 గంటల వరకు దాదాపు 90 నిమిషాల సేపు అధికారులతో సమావేశమయ్యారు. సవరించిన అంచనాలపైనే ప్రధానంగా చర్చ జరిగింది. ‘ఎంత సమయం తీసుకోవచ్చు’ అని కేంద్రమంత్రిని జలవనరుల కార్యదర్శి శశిభూషణ్‌ ప్రశ్నించగా తనకు ఈ రోజు వేరే కార్యక్రమం ఏమీ లేదని ఎంతసేపయినా తనకు సమ్మతమేనని చెప్పి సమావేశం ప్రారంభించారు. పోలవరం ప్రాజెక్టులో క్షేత్రస్థాయి పరిస్థితుల వల్లే సేకరించే భూమి విస్తీర్ణం పెరిగిందని ముఖ్యమంత్రి చంద్రబాబు.. కేంద్ర మంత్రి నితిన్‌గడ్కరీకి స్పష్టం చేశారు. మీరు చెప్పినట్టే, మా అధికారులని, ఢిల్లీ పంపిస్తామని, మీరు ఎప్పుడంటే అప్పుడు వస్తారని, అన్ని వివరాలు ఇస్తామని, మీరు చెప్పినట్టు, 8 రోజుల్లో అన్నీ క్లియర్ చేస్తే సంతోషమని చంద్రబాబు బదులిచ్చారు. మీరు రెడీ అంటే, వచ్చే సోమవారం నుంచే, ఈ ప్రక్రియ మొదలు పెడదామని, చంద్రబాబు అన్నారు.

కేంద్రమంత్రి నితిన్ గడ్కరీ ఈ రోజు పోలవరం ప్రాజెక్ట్ దగ్గరకు వచ్చి సమీక్ష చేసారు. నితిన్ గడ్కరీతో పాటు, సీఎం చంద్రబాబు కూడా పోలవరంలో పర్యటించారు. పోలవరం స్పిల్ వే పనులను పరిశీలించారు. ఈ సందర్భంగా పనుల పురోగతి పై గడ్కరీకి చంద్రబాబు వివరించారు. తరువాత, ఇద్దరూ మీడియాతో మాట్లాడారు. అయితే ఈ సందర్భంలో, నితిన్ గడ్కరీ మాట్లాడిన మాటలతో, రాష్ట్ర బీజేపీ నేతలు ఫీజులు ఎగిరిపోయాయి. ప్రతి రోజు, పోలవరం పై రాష్ట్ర బీజేపీ నేతలు విషం చిమ్ముతున్నారు. చంద్రబాబు అవినీతి చేస్తున్నారని, అసలు పోలవరంలో ఏమి పనులు జరగటం లేదని, ఇంకో రోజు పోలవరం మోడీ వేసిన భిక్ష అని, ఇలా నోటికి ఏది వస్తే అది మాట్లడటం చూస్తున్నాం. అయితే, వారికి సామాధనంగా, వారి సొంత పార్టీ మంత్రే, ఈ రోజు చంద్రబాబు పై ప్రశంసల వర్షం కురిపించారు.

పోలవరం ప్రాజెక్ట్‌ నిర్మాణంలో అద్భుతమైన పురోగతి సాధించారని, నేను పోయిన సారి వచ్చినప్పటికీ, ఇప్పటికీ చాలా తేడా ఉందని, రిమార్కబుల్ అంటూ చంద్రబాబు పై ప్రశంసలు కురిపించారు. పోలవరం పూర్తి చేయాలని చంద్రబాబు గట్టి పట్టుదలతో ఉన్నారని, చంద్రబాబు సంకల్పం తనను ఆశ్చర్యపరుస్తోందని గడ్కరీ పొగడ్తలు గుప్పించారు. ఎంత పెద్ద మిషనరీ ఉన్నా, వనరులు ఉన్నా, చంద్రబాబు లాంటి పట్టుదల ఉన్న వారు ఉంటేనే, ఇలాంటి ప్రాజెక్ట్ లు పూర్తవుతాయి అన్నారు. ఇంతకు ముందే పోలవరం ప్రాజెక్ట్‌ను సందర్శించాల్సి ఉంది, నాకు కొన్ని సమస్యలు ఉన్నాయి, అవేంటో మీకు తెలుసు అంటూ గడ్కరీ చమత్కరించారు.

నీటి సదుపాయం ఉంటే ఎంత మేలు జరుగుతుందో రైతుగా తనకు తెలుసునని కేంద్రమంత్రి నితిన్‌ గడ్కరీ అన్నారు. పోలవరం ప్రాజెక్టు నిర్మాణానికి కేంద్ర ప్రభుత్వం కట్టుబడి ఉందన్నారు. పోలవరం పనులు వేగంగా జరుగుతున్నాయని అన్నారు. ఏప్రిల్‌ నాటికి సివిల్స్‌ వర్క్స్‌ పూర్తిచేస్తామని అధికారులు అన్నారని, ఫిబ్రవరి నాటికి పూర్తిచేయాలని సూచించానన్నారు. పోలవరానికి నిధుల సమస్య లేదన్నారు. ముందస్తుగా నిధులు ఇవ్వాలని సీఎం అడిగారని, ఆర్థికశాఖతో చర్చిస్తాననని వెల్లడించారు. సహాయ, పునరావాసంలో గిరిజన ప్రాంతాలకు తొలి ప్రాధాన్యత ఇవ్వాలన్నారు. అభివృద్ధి పనుల విషయంలో తాము రాజకీయం చేయబోమని, పోలవరాన్ని రాజకీయాలతో ముడిపెట్టొద్దని అన్నారు. సవరించిన అంచనాలపై ఆర్థిక శాఖ నుంచి ఆమోదం తీసుకోవాల్సి ఉందన్నారు.

కేంద్ర జలవనరుల శాఖ మంత్రి నితిన్‌ గడ్కరీ ముఖ్యమంత్రి చంద్రబాబుతో కలిసి పోలవరం ప్రాజెక్టును సందర్శించారు. అక్కడే గడ్కరీ, చంద్రబాబు కలిసి మీడియాతో మాట్లాడారు. ఈ సందర్భంగా మీడియా ముఖంగా చంద్రబాబు, పోలవరం ప్రాజెక్ట్ లో రావాల్సిన డబ్బులు, అప్రూవల్స్ పై గడ్కరీకి నివేదించారు. పోలవరం ప్రాజెక్ట్‌ కు సంబంధించి రాష్ట్రానికి కేంద్రం ఇవ్వాల్సిన 2,278 కోట్లను వెంటనే చెల్లించాల్సిందిగా ముఖ్యమంత్రి చంద్ర బాబు కేంద్రమంత్రికి విజ్ఞప్తి చేశారు. ఈ ప్రాజెక్ట్‌కు ఇంత వరకు 14,141.80 కోట్లు ఖర్చు చేశామని ముఖ్య మంత్రి చంద్రబాబు గడ్కరికి తెలిపారు. దీనికి జాతీయ హోదా రాకముందు 5,135.87కోట్లు ఖర్చుపెట్టా మన్నారు. జాతీయ హోదా లభించిన తర్వాత 9,005.93కోట్లు ఖ ర్చు చేశామన్నారు.

ఇందులో కేంద్రం నుంచి 6,727.26 కోట్లు తిరిగొచ్చాయన్నారు. ఇంకా 2,278.67 కోట్లు జమకావా ల్సుందన్నారు. ఈ మొత్తాన్ని త్వరగా విడుదల చేయాలని విజ్ఞప్తి చేశారు. కాగా 2019డిసెంబర్‌ నాటికల్లా ప్రాజెక్ట్‌ను పూర్తి చేస్తామన్నారు. ముఖ్యమైన పనులన్నిం టిని వచ్చే ఏప్రిల్‌లోనే పూర్తి చేయ గలమన్నారు. 1941లోనే ఈ ప్రాజెక్ట్‌కు సమగ్ర నివేదిక తయారు చేశారన్నారు. 1983లో దీనికి 884కోట్లు అంచ నాలేశారన్నారు. 1987నాటికి 2,665కోట్లకు అంచనాలు పెరిగాయన్నారు. 2005లో కేంద్ర జలవన రుల సంఘం 10,150కోట్ల అంచనాలకు ఆమోదం తెలిపిందన్నారు. 2009లో దీనికి అనుమతులిచ్చారన్నారు.

2010నాటికి అంచనా వ్యయం 16,010కోట్లకు చేరిందన్నారు. భూసే కరణ కోసం 2,900కోట్లు అవసరమౌతాయని అంచనాలేశా రన్నారు. కాగా నూతన చట్టం మేరకు ఇది 31వేల కోట్లకు పెరిగిందన్నారు. దీంతో మొత్తం ప్రాజెక్ట్‌ వ్యయం 57,940 కోట్లకు చేరిందన్నారు. పోలవరం కుడికాలువ పనులు 93శాతం పూర్తయ్యాయన్నారు. ఎడమకాలువ త్వరలోనే పూర్తవుతుందన్నారు. ఇంతవరకు తాను 56శార్లు ఈ ప్రాజెక్ట్‌పై సమీక్షించానన్నారు. స్వయంగా సందర్శించడం ఇది 25వ సారిగా ఆయన చెప్పారు. పనులు మరింత వేగం గా పూర్తయ్యేందుకు కొంతమొత్తాన్ని అడ్వాన్స్‌గా చెల్లించా లని కేంద్రమంత్రికి విజ్ఞప్తి చేశారు.