news

ఆంధ్రప్రదేశ్ రాష్ట్రంలో ఎన్నికలకు ఇంకా రెండేళ్ళ సమయం ఉన్నా, ఇప్పుడే ఎన్నికల మూడ్ లోకి వెళ్ళిపోయారు. జగన్ మోహన్ రెడ్డి ముందస్తుకు వెళ్ళిపోతారు అంటూ ఊహాగాణాలు వస్తున్నాయి. దానికి తగ్గటుగానే పరిస్థితి కనిపిస్తుంది. ముఖ్యంగా జగన్ మోహన్ రెడ్డి పై రోజు రోజుకీ అన్ని వర్గాల్లో వ్యతిరేకత పెరిగిపోతుంది. ఇది మరింత విస్తరించే ముందే, జగన్ మోహన్ రెడ్డి ఎన్నికలకు వెళ్ళిపోవాలని భావిస్తున్నారు అంటూ వార్తలు వస్తున్నాయి. అలాగే జగన్ మోహన్ రెడ్డి ఆర్ధిక కష్టాలు కూడా ఉన్నాయి. మొత్తం అప్పులు మయం చేసి పడేసాడు. ఆదాయం లేదు, డబ్బులు లేవు, దీంతో పధకాలు కూడా వాయిదా పడుతున్నాయి. ఈ నేపధ్యంలోనే ఇప్పుడు ఇక్కడ ఒక ఆసక్తికర అంశం వెలుగులోకి వచ్చింది. ఉత్తర ప్రదేశ్ సహా 5 రాష్ట్రాల ఎన్నికల ఫలితాలు వచ్చిన సంగతి తెలిసిందే. అందులో బీజేపీ, పంజాబ్ తప్ప అన్నీ గెలుచుకుంది. ఈ రాష్ట్రాల్లో ప్రజలు దేన్నీ బేస్ చేసుకుని ఓట్లు వేసారు అనే అంశం పైన, అనేక సర్వే సంస్థలు సర్వే చేసాయి. ఇందులో చాలా ఆసక్తికర విషయాలు వేలుగులోకి వచ్చాయి. ముఖ్యంగా ఎన్నికలకు రెడీ అవుతున్న ఆంధ్రప్రదేశ్ పార్టీలకు, ఈ సర్వే సమాచారం ఎంతో ఉపయోగ పడుతుంది. ఆక్సిస్ మై ఇండియా అనే సంస్థ చేసిన సర్వే వివరాలు ఇలా ఉన్నాయి.

నాలుగు రాష్ట్రాల్లో ఈ సంస్థ సర్వే చేసింది. ఏ ప్రాతిపదికిన ఓట్లు వేసి గెలిపించారు అనేది సర్వే సారంశం. ఈ నాలుగు రాష్ట్రాల్లో ప్రదమైన అంశం, నా రాష్ట్రంలో జరిగిన అభివృద్ధి. దాదాపుగా ఈ నాలుగు రాష్ట్రాల్లో ఆవేరేజ్ న , 22 శాతం మంది ప్రజలు అభివృద్ధి కోసమే ఓట్లు వేసి గెలిపించినట్టు సర్వేలో తేలింది. ఇక సంక్షేమ పధకాలు అనేవి, మూడు రాష్ట్రాల్లో అసలు ఊసే లేదు, ఉత్తర ప్రదేశ్ లో మాత్రం, ఆరు శాతం మంది ప్రజలు సంక్షేమ పధకాలు గురించి ప్రస్తావించారు. అలాగే మరో సంస్థ చేసిన సర్వేలో కూడా, అభివృద్ధి కోసమే ఓట్లు వేశామని చెప్పారు. దీంతో మన ఆంధ్రప్రదేశ్ రాష్ట్రంలో, ఈ సర్వే ఫలితాలు చూసి, టిడిపి సంతోష పడుతుంది. రాష్ట్రంలో జగన్ మోహన్ రెడ్డి పాలనలో ఎక్కడా అభివృద్ధి లేదు. సంక్షేమం ఏదో చేసేస్తున్నట్టు చెప్తున్నారు కానీ, వాస్తవంలో అదీ సరిగ్గా లేదు. ఈ నేపధ్యంలోనే, ఇప్పుడు ఈ అంశాలు హైలైట్ అయ్యాయి. దేశంలో ప్రజలు అభివృద్ధిని కోరుకుంటున్నారు. మరి ఈ సర్వే ఫలితాలు మన రాష్ట్రానికి ఎంత వరకు ఉపయోగపడతాయో, మన రాష్ట్ర ప్రజలు ఏమి అనుకుంటున్నారో, ఎన్నికల వరకు చూడాలి మరి.

ఆంధ్రప్రదేశ్ లో జగన్ మోహన్ రెడ్డి ప్రతిపక్ష నేతగా ఉన్న సమయంలో, జగన్ మోహన్ రెడ్డి చేసిన ఆరోపణలు, ఇప్పుడు ముఖ్యమంత్రిగా వచ్చిన తరువాత, ఆ ఆరోపణలు నిజం కాదని, అదే జగన్ మోహన్ రెడ్డి ప్రభుత్వం తేల్చి చెప్పింది. నిన్న శాసనసభలో రాష్ట్ర హోంమంత్రి సుచరిత ఇచ్చిన లిఖితపూర్వక సమాధానంతో, ఈ విషయం బయట పడింది. ప్రధానంగా చంద్రబాబు ముఖ్యమంత్రిగా ఉన్న సమయంలో, 37 మంది డీఎస్పీలుగా ప్రమోషన్ ఇచ్చిన సమయంలో, 35 మంది ఒకే సామజిక వర్గం వారని, అందరూ చంద్రబాబు సామాజికవర్గం వారని, అప్పట్లో ప్రతిపక్ష నేతగా ఉన్న జగన్ మోహన్ రెడ్డి, ఫిర్యాదు చేయటమే కాకుండా, ఢిల్లీ వెళ్లి మరీ ఫిర్యాదు చేసారు. అప్పట్లో జగనే స్వయంగా, మీడియా ముందుకు వచ్చి, 37 మంది డీఎస్పీలుగా ప్రమోషన్ ఇస్తే, అందులో 35 మంది చంద్రబాబు సామాజికవర్గానికి చెందిన వారు ఉన్నారని ఆయన తీవ్ర ఆరోపణలు చేసారు. అయితే ఇదే అంశానికి సంబంధించి, అధికారంలోకి వచ్చి మూడేళ్ళు అవుతున్నా, ఎందుకు దర్యాప్తు చేయలేదు అంటూ, అదే విధంగా అసలు ఇందులో వాస్తవాలు ఏంటి, వారి కులాలు ఏంటి, అసలు ఈ అంశం పై ఏ చర్యలు తీసుకున్నారు, ఒకే సామాజికవర్గం అనేది నిజమేనా అంటూ తెలుగుదేశం పార్టీ ఎమ్మెల్యేలు ప్రశ్నలు వేసారు.

తెలుగుదేశం సభ్యులు వేసిన ప్రశ్నకు, రాష్ట్ర హోంమంత్రి సుచరిత లిఖిత పూర్వక సమాధానం పంపారు. ఈ సమాధానంలో ఆరోపణలు నిజం కాదని, ప్రమోషన్లలో ఎలాంటి అన్యాయం జరగలేదని, అందులో అందరూ ఒకే సామాజికవర్గానికి చెందిన వారు కాదని చెప్పి ఆమె స్పష్టంగా సమాధానం ఇచ్చారు. దీంతో ప్రతిపక్షంలో ఉన్నప్పుడు జగన్ చేసిన ఆరోపణలు నిజం కాదని తేలిపోయింది. అసెంబ్లీ సాక్షిగా ఇప్పుడు హోంమంత్రి సుచరిత సమాధానం ఇవ్వటంతో, ఈ అంశం పై తెలుగుదేశం పార్టీ తీవ్రంగా తప్పు బడుతూ, జగన్ చేసిన ఫేక్ ని బయట పెట్టారు. నిన్న అసెంబ్లీలో కూడా , గవర్నర్ కు ధన్యవాదాలు తెలిపే తీర్మానం పై, తెలుగుదేశం ఎమ్మెల్యే నిమ్మల రామానాయుడు మాట్లాడుతూ, అన్నీ అబద్ధాలు చెప్తూ బ్రతికారని, అప్పట్లో అబద్ధాలు చెప్పి అధికారంలోకి వచ్చారని, ధ్వజమెత్తారు. అధికారంలోకి వచ్చేందుకు అడ్డ దారులు తొక్కి, ఇప్పుడు అసలు వాస్తవం వారే అసెంబ్లీ సాక్షిగా చెప్పారని, ఇలాంటివి ఎన్నో ఉన్నాయని, టిడిపి ఆరోపిస్తుంది.

హైకోర్టు చేతిలో జగన్ మోహన్ ప్రభుత్వానికి, ఎన్ని మొట్టికాయలు పడ్డాయో అందరికీ తెలుసు. జగన్ మోహన్ రెడ్డి ప్రభుత్వం తీసుకుంటున్న అనాలోచిత, అడ్డగోలు, చట్ట వ్యతిరేకత నిర్ణయాలకు కోర్టుల దగ్గర ఎదురు దెబ్బలు తిన్న సంగతి తెలిసిందే. అయితే ప్రతి దానికి కోర్టులతో చంద్రబాబు చేయిస్తున్నాడు అంటూ ఒక విష ప్రచారం అయితే వైసీపీ చేస్తుంది. ఇలాంటి చట్ట వ్యతిరేక నిర్ణయమే అమరావతి. ఒక పక్క అభివృద్ధి చేస్తాం అని, అమరావతి రైతుల దగ్గర నుంచి ఏపి ప్రభుత్వం భూములు తీసుకుంది. దీని కోసం ఒక చట్టం, ఒక ఒప్పందం లాంటివి కూడా జరిగాయి. అయితే వైసీపీ ప్రభుత్వం వచ్చిన తరువాత, ఒప్పందం లేదు ఏమి లేదు, చట్టం లేదు ఏమి లేదు అని మొత్తం రద్దు చేసి పడేయటంతో, రైతులు కోర్టుకు వెళ్లారు. అయితే కోర్టు, ప్రభుత్వానికి మొట్టికాయలు వేసింది. రాష్ట్ర ప్రభుత్వం అమరావతి డెవలప్ చేయాల్సిందే అంటూ, 307 పేజీల సుదీర్ఘ తీర్పు ఇచ్చింది. అయితే దీని పైన జగన్ మోహన్ రెడ్డి ప్రభుత్వం ఎలా స్పందిస్తుందో అర్ధం కావటం లేదు. ఇప్పటికే హైకోర్టు పై పరోక్షంగా విమర్శలు చేస్తూ, మా అసెంబ్లీ చేసిన తీర్మానానికి కోర్టు జోక్యం ఏమిటి అంటూ, వైసీపీ ప్రజా ప్రతినిధులు వాపోతున్నారు. ఈ క్రమంలోనే ఇప్పుడు బడ్జెట్ లో చూస్తే, వీరి వైఖరి పై ఒక క్లారిటీ వస్తుంది.

జగన్ మోహన్ రెడ్డి ప్రభుత్వం అమరావతి రాజధాని నిర్మాణానికి అసలు నిధులు ఏమి బడ్జెట్ లో కేటాయించ లేదు. కేవలం అక్కడ అమరావతి రైతులకు ఇచ్చే కౌలు, పెన్షన్లు లాంటి వాటికి మాత్రమే కేటాయింపులు చేసారు. మొత్తం అమరావతి కోసం రూ.1329.21 కోట్లు కేటాయిస్తున్నట్టు చెప్పారు. అయితే అందులో 800 కోట్లు కేంద్రం నుంచి వస్తాయని అంచనా వేస్తున్నారు. అసలు కేంద్రం ఎందుకు ఇస్తుంది ? ఇప్పటికే గత టిడిపి హాయాంలో కేంద్రం 1500 కోట్లు ఇచ్చింది. ఇప్పుడు జగన్ మోహన్ రెడ్డి ప్రభుత్వం అమరావతిని నాశనం చేస్తుంటే, కేంద్రం ఎందుకు ఇస్తుంది అనేది క్లారిటీ లేదు. అంటే మిగతా 529 కోట్లలో కౌలుకి, పెన్షన్లకు, ఇతర అవసరాలకు సరిపోతాయి. మరి కోర్టు ఆదేశాలు ప్రకారం, అమరావతిలో అభివృద్ధి పనులకు నిధులు ఎక్కడ ? దీని పైన ఎలాంటి క్లారిటీ లేదు. జగన్ మోహన్ రెడ్డి ప్రభుత్వం హైకోర్టు ఉత్తర్వులు ధిక్కరించే సాహసం చేస్తుందా ? లేదా సుప్రీం కోర్టుకు అపీల్ కు వెళ్తుందా ? అమరావతి విషయంలో, జగన్ ప్రభుత్వ వైఖరి ఎలా ఉంటుందో చూడాలి మరి.