news

వేల కోట్లు, లక్షల కోట్లు అవినీతికి పాల్పడి దోపిడీ సొమ్ము పోగేసుకొని ఇన్ కంటాక్స్ లు కడితే సరిపోతుందంటే అంతకంటే దారుణం ఇంకోటి ఉండదని విలేకరులు అడిగిన ప్రశ్నకు సమాధానంగా చంద్రబాబు గారు అభిప్రాయపడ్డారు. జగన్ మోహన్ రెడ్డి అవినీతి కేసుల్లో ఇన్కమ్ టాక్స్ డిపార్టుమెంటు, ఒక కేసు విసయంలో క్లీన్ చిట్ ఇచ్చిందని, దాని పై అభిప్రాయం చెప్పాలని చంద్రబాబుని కోరగా ఆయన స్పందించారు. చంద్రబాబు ఏ మన్నారు అంటే "అవినీతి సొమ్ముతో ఏమైనా చేయొచ్చంటే సరిపోతుందా? సాక్షిలో ఏం జరిగిందో చూడండి. రూపాయి పెట్టుబడి లేకుండా రూ.1200 కోట్లు మొబిలైజ్ చేశారని చాలా స్పష్టంగా చెప్పారు. అలా జరగడం అవినీతికాదని ఇన్ కంటాక్స్ వారికి అనిపిస్తే ఈ దేశంలో చేయగలిగింది ఏమీలేదు. అవినీతికి పాల్పడేవారిని ఎవరినీ పట్టుకోలేరు కూడా. రాబోయే రోజుల్లో కష్టపడకుండా సంపాదించడమనే జగన్ మోడల్ ప్రతి రాజకీయ నాయకుడికి న్యూమోడల్ గా మారుతుంది. సంపాదించుకున్న దానితో పనులు చేయడం.. ఆస్తులు బూస్టప్ చేసుకోవడం, 10రూపాయల షేరుని 2వేలు, 3వేలకు అమ్ముకోవడం, ఎన్నికల్లో పోటీచేయడం చేస్తారు. ఈ వ్యవహారాలపై కేంద్ర ప్రభుత్వం కూడా ఆలోచన చేయాలి. అలా చేయకపోతే రాజకీయ అవినీతి గురించి మాట్లాడే పరిస్థితి ఉండదు. భవిష్యత్ లో నీతిగా, నిజాయితీగా రాజకీయాల్లో ఉండాలని ఎవరూ కోరుకోరు..ఎవరూ ఉండరు కూడా. మొన్న నా నియోజకవర్గంలో మూడురోజులు పర్యటించాను. కుప్పం నియోజకవర్గం 40 సంవత్సరాలుగా తెలుగుదేశంపార్టీకే ఓటేస్తోంది. అలాంటి నియోజకవర్గంలో 250 వరకు క్వారీల్లో అక్రమ మైనింగ్ జరుగుతోంది."

"అలాదోచుకున్న సొమ్మంతా సక్రమమే అనిచెబుతారా.? రాష్ట్రంలో మద్యం అమ్మకాలకు నగదు చెల్లింపులే ఎందుకు అనుమతిస్తున్నారు? ఈ విధంగా అనేక పద్ధతుల్లో అవినీతి జరుగుతుంటే, దాన్ని ఇన్ కంటాక్స్ వారు సమర్థిస్తారా? అలా సమర్థిస్తే ఏ మనీతో ట్యాక్సులు కట్టినా వారికి హ్యపీనే కదా? రాబోయే రోజులలో గవర్నమెంట్ ఆఫ్ ఇండియా సీబీఐ,ఈడీ కేసుల విచారణలో ఇన్ కంటాక్స్ పాత్రేమిటనే దానిపై కూడా ఆలోచన చేయాలి. చట్ట సవరణలు తీసుకురావాల్సిన అవసరం ఎంతైనా ఉంది. విచారణలు జరుగుతున్నప్పుడు అంతా సెట్ చేయాలి.. అలా చేయకపోతే రాజకీయాలనే మున్ముందు ఒక వ్యాపారంగా తీసుకొని, ఎవరి ఇష్టమొచ్చినట్లు వారు ప్రవర్తిస్తారు. రాష్ట్రంలో ఒక్క కుప్పం నియోజకవర్గంలోనే అక్రమ మైనింగ్ జరగడం లేదు. ఇసుక, బైరటీస్, బాక్సైట్, గ్రానైట్, ముగ్గురాయి, సిమెంట్ ముడి ఖనిజం ఇలా అన్నిదోపిడీ చేస్తున్నారు. 175 నియోజకవర్గాల్లో ఇదే జరుగుతోంది. ఇంకో పక్కన గంజాయి సాగు. రాష్ట్రంలో ఎక్కడా లేనివి ధంగా గంజాయి సాగు జరుగుతోంది. దానికి తోడు ఎర్రచందనం స్మగ్లింగ్. మాదకద్రవ్యాల వ్యాపారం. ఈ విధంగా అక్రమంగా సంపాదించిన సొమ్ముతో రైట్ రాయల్ గా రాజకీయ నేతల్లా చలామణీ అవుతున్నారు." నఅని చంద్రబాబు అన్నారు...

సచివాలయ ఉద్యోగుల సంఘం అధ్యక్షుడు వెంకట్రామిరెడ్డికి, సచివాలయ ఉద్యోగులు చుక్కలు చూపించారు. నిన్న ఆయన్ను దాదాపుగా ఘెరావ్ చేసినంత పని చేసారు. ముఖ్యంగా సచివాలయ ఉద్యోగులు పీఆర్సీ విషయంలో, ప్రభుత్వం చెప్పిన దానికి తల ఊపి బయటకు వచ్చి, అందరం సంతోషంగా ఉన్నాం అని చెప్పటం పై ఆగ్రహం వ్యక్తం చేసారు. అషుతోష్ మిశ్రా నివేదిక ఏదైతే ఉందో, అందుకు అనుగుణంగానే మీరు పీఆర్సీ ఒప్పుకోవాలని చెప్పాం కదా, మరి మీరు వెళ్లి అక్కడ ఇవేమీ చెప్పకుండా, ఎందుకు తిరిగి వచ్చారని, ఆగ్రహం వ్యక్తం చేసారు. సచివాలయ ఉద్యోగ సంఘం తరుపున, మీరు మీ వాదనలు ఎందుకు గట్టిగా వినిపించలేక పోయారని, ఆగ్రహం వ్యక్తం చేసారు. ఫిట్ మెంట్ విషయంలో తగ్గింపుకు మేము అంగీకరించం అని చెప్పినా కూడా, మీరు అక్కడకు వెళ్లి ఎందుకు అంగీకరించారు అని అడిగారు. పదవ పీఆర్సీ ఉన్నది ఉన్నట్టు అమలు పరిచి, 27 శాతం ఐఆర్ ను, అయుదు డీఏలు ఇచ్చి, అదే కొనసాగించినా తమకు అభ్యంతరం లేదని అన్నారు. అలాంటిది ఇప్పుడు తమకు తగ్గించి, కొత్త ఫిట్ మెంట్ ఇస్తే ఎలా అంగీకరిస్తామని, కొత్త పీఆర్సీకి తాము ఒప్పుకోమని వారు తేల్చి చెప్పారు. దీని పై సిఎంఓ అధికారులతో మాట్లాడి, ప్రభుత్వ పెద్దలను ఒప్పించాలని అన్నారు.

కొత్త పీఆర్సీ తమకు అవసరం లేదని వాళ్ళు తేల్చి చెప్పారు. 62 ఏళ్ళ వయసుకు రిటైర్మెంట్ ఎవరు అడిగారని, అలా చేయటం వల్ల, సచివాలయ ఉద్యోగుల్లో చాలా మందికి, 15 ఏళ్ళ వరకు కూడా ప్రొమోషన్లు లేకుండా అయిపోతారని, ఈ ప్రతిపాదనకు తాము అంగీకరించం అని, తక్షణం దీని పైన నిర్ణయం తీసుకోవాలని, ప్రభుత్వ పెద్దల పై ఒత్తిడి తేవాలని అన్నారు. 30 శాతం HRAను యధావిధగా కొనసాగించాలని డిమాండ్ చేసారు. 2018 నుంచి సచివాలయం జాయిన్ అయిన వారికి, 30 శాతం HRA అమలు కావటం లేదని, అది కూడా అమలు అయ్యేలా చూడాలని అన్నారు. తాము పెట్టిన డిమాండ్స్ అన్నీ కూడా, ఒక రిప్రజంటేషన్ రూపంలో, సచివాలయ ఉద్యోగ సంఘ నేత వెంకటరామి రెడ్డికి ఇచ్చారు. ఉద్యోగస్తులు అందరూ ఆయన చుట్టూ గుమికూడి, తీవ్ర నిరసన తెలిపారు. త్వరలో జనరల్ బడీ మీటింగ్ పెట్టాలని, మొత్తం అక్కడే తేల్చుకుంటాం అంటూ, వెంకట్రామి రెడ్డికి తేల్చి చెప్పారు, సచివాలయ ఉద్యోగులు. మరి ఏమి అవుతుందో చూడాలి.

ఆంధ్రప్రదేశ్ రాష్ట్రంలో సినిమా టికెట్ల వివాదం నడుస్తున్న సంగతి తెలిసిందే. ఒక పక్క టికెట్ రేట్లు తగ్గించటం, మరో పక్క ఆన్లైన్ టికెట్లు, ఇలా రకరకాలుగా, సినిమా ఇండస్ట్రీని ప్రభుత్వం ఇబ్బంది పెడుతుంది. కొంత మందిని సెలెక్టెడ్ గా టార్గెట్ చేసుకుని, ప్రభుత్వం ఇలా చేస్తుందనే అభిప్రాయం అందరిలో ఉంది. అయితే విచిత్రంగా, సినిమా ఇండస్ట్రీ నుంచి ఎవరూ ఈ అంశం పై సీరియస్ గా ముందుకు వచ్చి, జగన్ ప్రభుత్వంతో చర్చలు జరపలేదు. ఎవరికి వారు ఇష్టం వచ్చినట్టు, వచ్చి కలుస్తున్నారు. చిరంజీవి ఒకసారి, దిల్ రాజు ఒకసారి, రాం గోపాల్ వర్మ, ఇలా ఎవరి ఇష్టం వచ్చినట్టు వాళ్లు వస్తున్నారు. అయితే ఈ ప్రధాన అంశం పై, తెలుగుదేశం పార్టీ పెద్దగా స్పందించ లేదు. అయితే నిన్న ప్రసన్న కుమార్ రెడ్డి మాట్లాడుతూ, చంద్రబాబు సినిమా వాళ్ళతో ఆడిస్తున్నాడని, సినిమా ఇండస్ట్రీలో చంద్రబాబు సామాజిక వర్గం వారు ఉన్నారు అంటూ, ఇష్టం వచ్చినట్టు మాట్లాడారు. అయితే ఈ అంశం పైన ఈ రోజు చంద్రబాబు మాట్లాడారు. ఈ రోజు జరిగిన ప్రెస్ కాన్ఫరెన్స్ లో చంద్రబాబు మాట్లాడుతూ, సినిమా ఇండస్ట్రీ గురించి చెప్తూ, సినిమా ఇండస్ట్రీ ఏదో మాకు అనుకూలం అన్నట్టు మాట్లాడుతున్నారని, వారు ఎప్పుడూ తమకు వ్యతిరేకంగానే పని చేసారని అన్నారు.

ఆయన ఏమన్నారు అంటే, "నిన్న మొన్నా చూస్తున్నా, ఏమి మాట్లాడుతున్నారో. సినిమాల పైన మాట్లాడుతూ, మమ్మల్ని లాగుతారు. ఒక పద్దతి కూడా లేదు వీళ్ళకు. ఆ మాట్లాడే తీరు కూడా లేదు. నేను ఎప్పుడూ కూడా ఇలా చేయలేదు. సినిమా ఇండస్ట్రీ ఎప్పుడూ నాకు వ్యతిరేకంగానే చేసారు. ఎప్పుడూ కూడా నాకు సినిమా ఇండస్ట్రీ సపోర్ట్ చేయలేదు. 2009లో చిరంజీవి పార్టీ పెట్టకుండా ఉంటే, మేమే వచ్చే వాళ్ళం కదా ప్రభుత్వంలోకి, అందరూ అంటారుగా ఆ మాట. నేనేమీ మాట్లాడలేదే. ఆయన పార్టీ పెట్టినా, నేను తెలంగాణాలో అలయన్స్ పెట్టినా, నేను అధికారంలోకి రాలా. ఇవన్నీ కొన్ని జరిగాయి. దానికి నేను చిరంజీవి మీద కోపం తెచ్చుకోలా. అంతకు ముందు ఆయన నాకు ఫ్రెండ్. తరువాత రాజకీయంగా విబేధించాం. ఇది పార్ట్ అఫ్ ది గేం. ఎప్పుడూ ఆయన మీద కక్ష లేదు. మనం చేయాల్సిన పని మనం చేసాం, వాళ్ళు చేయాల్సింది వాళ్ళు చేస్తారు. ఇప్పుడు చిరంజీవి నాతొ బాగున్నాడు. నా పైన వ్యతిరేకంగా చాలా మంది సినిమాలు తీసారు. ముందు తీసారు, ఇప్పుడు తీసారు. ప్రభుత్వంలో ఉన్నప్పుడే నా మీద వ్యతిరేకంగా తీసారు. ప్రజాస్వామ్యంలో మనం కమ్యూనికేషన్ చేసుకోవటం ముఖ్యం. బెదిరింపుల ద్వారా, బ్లాక్ మెయిల్ ద్వారా, ప్రభుత్వ అధికారంతో, వాళ్ళని అణిచి వేయటం చాలా ఘోరం. సినిమా వాళ్ళని, రాజకీయ నాయకులని, సోషల్ ఆక్టివిస్ట్ లని, చివరకు కామన్ మ్యాన్ పైన కూడా వచ్చేసారు. ఇవన్నీ తట్టుకునే వాళ్ళు నిలబడుతున్నారు. " అని చంద్రబాబు అన్నారు.