news

మా ఎన్నికల వివాదంలో, వైసీపీ కార్యకర్తలు దూరారు అనే వార్తలు, ఇప్పుడు మంటలు పుట్టిస్తున్నాయి. ఇప్పటికే మా ఎన్నికల్లో ఆ వర్గం మీద ఈ వర్గం, ఈ వర్గం మీద ఆ వర్గం దూషణలకు దిగాయి. అయితే, ఎన్నికలు అయిపోవటం, ప్రకాష్ రాజ్ ఓడిపోయి, మంచి విష్ణు గెలవటం, అందరూ ఫోటోలు దిగటంతో, ఇక వివాదం ముగిసిపోతుందని అందరూ అనుకున్నారు. అయితే రెండు వర్గాలు ఈ వివాదాన్ని ఇంకా ఇంకా లాగుతూనే ఉన్నాయి. రెండు రోజుల క్రితం ప్రకాష్ రాజ్ సంచలన ఆరోపణలు చేసారు. సినిమీ ఇండస్ట్రీకి సంబంధం లేని వ్యక్తులు, మా ఎన్నికల్లో దూరారని, ఒక వైసిపి కార్యకర్త ఫోటో ఒకటి విడుదల చేసారు. అతనికి ఏమి సంబంధం ఉందని ఎన్నికల ప్రక్రియలో ఉన్నాడని నిలదీసారు. ఆ వ్యక్తి పేరు నూకల సాంబశివరావు, అలియాస్ సాంబా. జగ్గయ్యపేటకు చెందిన ఈ వ్యక్తి ఒక రౌడీ షీటర్ అని ప్రకాష్ రాజ్ చెప్తూ, జగన్ మోహన్ రెడ్డితో ఈ రౌడీ షీటర్ ఉన్న ఫోటోలు కూడా విడుదల చేసారు. ఈ విషయం పై ఆయన ఎన్నికల అధికారికి కూడా లేఖలు రాసారు. దీని పై సమాధానం చెప్పాలని కోరారు. తాము అందుకే సిసిటీవీ ఫూటేజ్ మొత్తం ఇవ్వమని కోరుతున్నాం అని, అక్రమాలు జరిగాయాని ప్రకాష్ రాజ్ అంటున్నారు. అయితే ఇప్పుడు ఇక్కడ ఈ వైసిపి కార్యకర్త విషయంలో మరో ట్విస్ట్ చోటు చేసుకుడ్ని.

ప్రకాష్ రాజ్ కు కౌంటర్ గా విష్ణు ఈ రోజు మరో వీడియో విడుదల చేసారు. ప్రకాష్ రాజ్ ఎవరు అయితే నూకల సాంబశివరావు అనే వ్యక్తి విష్ణు మనిషి అని చెప్తున్నారో, ఈ మనిషి ఇప్పుడు ప్రకాష్ రాజ్ ప్యానెల్ తో ఉన్న వ్యక్తులకు కూడా సాన్నిహితంగా ఉంటున్నాడు అంటూ విష్ణు మరో వీడియో విడుదల చేసి సంచలనానికి తెర లేపారు. ప్రకాష్ రాజ్ ప్యానెల్ సభ్యుడు శ్రీకాంత్ కొడుకు నటించిన పెళ్లిసందడి బృందం తిరుమల దర్శనానికి వెళ్ళినప్పుడు, ఆ బృందంతో ఈ వైసిపి రౌడీ షీటర్ సాంబ కనిపించాడు. ఇదే వీడియోని ఇప్పుడు విష్ణు పోస్ట్ చేసారు. జగన్, మోహన్ బాబు, విష్ణుతో సాంబకు దగ్గర సంబంధాలు ఉన్నాయని ప్రకాష్ రాజ్ చెప్పగా, ఇదే సాంబ ప్రకాష్ రాజ్ ప్యానెల్ తో ఉన్నవారితో కూడా సన్నిహిత సంబంధాలు ఉన్నాయని, దీనికి సమాధానం చెప్పలని విష్ణు వర్గం అంటుంది. అసలు ఈ వివాదంలో వైసిపి ఎందుకు దూరింది అనే విషయం పై క్లారిటీ రావటం లేదు. ఇదే వైసిపి నేతను ఇప్పుడు విష్ణు కూడా టార్గెట్ చేయటంతో, వైసిపి శ్రేణులు కూడా షాక్ తిన్నాయి. జగన్ కు సన్నిహితంగా ఉంటూ, వైసిపీ వాడిని పావుగా వాడుకుంటున్నారా అని వైసిపి శ్రేణులు కామెంట్స్ చేస్తున్నారు.ఇది ఇంకా ఎన్ని మలుపులు తిరుగుతుందో.

ఏపి అధికారుల పై కేంద్రం ఆగ్రహం వ్యక్తం చేసింది. ఆంధ్రప్రదేశ్ రాష్ట్రంలో ఎంపీ లాడ్స్ నిధుల ఖర్చు పై, వివరణ ఇవ్వాలి అంటూ, కేంద్రం లేఖ రాసింది. ఎంపీ లాడ్స్ నిధులు పక్కదోవ పడుతున్నాయి అంటూ, రఘురామకృష్ణం రాజు ప్రధాని కార్యాలయానికి ఇచ్చిన ఫిర్యాదు నేపధ్యంలోనే కేంద్రం నుంచి ఈ స్పందన వచ్చిందని తెలుస్తుంది. కేంద్రం సూచించిన నిబంధనలకు అనుగుణంగా నిధులు ఖర్చు చేయకపోవటం పై కేంద్రం, రాష్ట్రానికి లేఖ రాసింది. దీని పై పూర్తి స్థాయిలో వివరణ ఇవ్వాలి అంటూ, ప్రణాళికా విభాగం ముఖ్య కార్యదర్శికి, కేంద్రం లేఖ రాసింది.  మత సంబంధ భవనాలకు ఎంపీ ల్యాడ్స్ నిధులు కేటాయింపు విషయం పై కేంద్రానికి ఫిర్యాదు అందింది. బాపట్లలో ఒక చర్చి నిర్మాణానికి రూ.86 లక్షల నిధులను వెచ్చించారు అంటూ రఘురామరాజు తమ ఫిర్యాదులో తెలిపారు. చాలా చోట్ల ఇలాగే చేసారు అంటూ ఫిర్యాదు చేసారు. దీని పై కేంద్రం ప్రశ్నల వర్షం కురిపిచింది. మత సంస్థలకు  ఎంపీ లాడ్స్ నిధులు ఖర్చు చేయకూడదని తెలిసినా, ఎందుకు ఖర్చు చేసారు అంటూ కేంద్రం ప్రశ్నించింది. నిధులు దుర్వినియోగం కాకుండా చూడాలని, వీటికి అధికారులే బాధ్యులు అవుతారు అంటూ, కేంద్రం రాష్ట్ర అధికారులను హెచ్చరించింది. పూర్తిస్థాయిలో నివేదిక ఇవ్వాలని కోరింది.

తెలుగుదేశం పార్టీ అధికార ప్రతినిధి పట్టాభికి బెయిల్ రావటంతో, నిన్న సాయంత్రం రాజమండ్రి జైలు నుంచి విడుదల అయ్యారు. అక్కడ నుంచి ఆయన విజయవాడ బయలుదేరారు. మార్గమధ్యలో హనుమాన్ జంక్షన్ వద్ద, టిడిపి నేతలు ఘన స్వాగతం పలికి, జంక్షన్ లో ఉన్న హనుమాన్ దేవాలయానికి వెళ్లి పూజలు చేసారు. అక్కడ వరకు అంతా బాగానే సాగింది. పట్టాభిని అక్కడ వరకు ఎవరూ ఆపలేదు. అయితే పొట్టిపాడు టోల్ గేట్ వద్దకు రాగానే, అక్కడ పోలీసులు పెద్ద ఎత్తున మొహరించి, పట్టాభివాహనాన్ని, వాహనంతో పాటు ఉన్న ఇతర టిడిపి నేతల వాహనాన్ని ఆపేసారు. పట్టాభి వాహనం తప్ప, ఇతర వాహనాలు అన్నీ పోలీసులు ఆపేసారు. పట్టాభి వాహనం ముందు , వెనుక పోలీస్ జీపులు పెట్టి ముందుకు పోనిచ్చారు. అయితే పట్టాబి పై విజయనగరం జిల్లాలో, జగన్ ని సజ్జల ని తిట్టారు అంటూ, ఒక కేసు నమోదు అయ్యిందని, అక్కడ కేసు నమోదు అయ్యిందని ప్రచారం జరిగింది. అయితే ఈ కేసులోనే పట్టాభిని అరెస్ట్ చేసి పోలీసులు తీసుకుని వెళ్తున్నారు అని, క్షణాల్లో సమాచారం వైరల్ అయ్యింది. దీంతో పట్టాభిని మళ్ళీ అరెస్ట్ చేస్తున్నారు అంటూ పెద్ద ఎత్తున ప్రచారం జరిగింది. దీంతో కుటుంబ సభ్యులు, తెలుగుదేశం పార్టీ నేతలు కూడా ఒకసారి మళ్ళీ షాక్ కు గురయ్యారు.

పట్టాభితో పాటు ఉన్న వాహనాలను, పావుగంట తరువాత పోలీసులు విడుదల చేయటం, పట్టాభిని విజయవాడకు తీసుకుని వెళ్ళారని చెప్పటంతో, వారు అంతా పట్టాభి నివాసానికి చేరుకోగా, అక్కడ పట్టాభి లేక పోవటం చూసి షాక్ అయ్యారు. అయితే పట్టాభిని పోలీసులు తీసుకుని వెళ్ళారని ప్రచారం జరగటంతో, 12 గంటల ప్రాంతంలో పట్టాభిని తాము అరెస్ట్ చేయలేదని, ఆయనను అరెస్ట్ చేయాల్సిన అవసరం కూడా తమకు లేదని స్పష్టం చేసారు. కేవలం వెహికల్స్ ఎక్కువ ఉన్నాయని, కేవలం పట్టాభి వాహనాన్ని అనుమతి ఇచ్చాం అని, అయితే పట్టాభి వాహనం వేగంగా వెళ్లిపోయిందని పోలీసులు తెలిపారు. అయితే తనను మళ్ళీ అరెస్ట్ చేస్తారనే సమాచారం ఉండటంతోనే, పట్టాభి పొట్టిపాడు టోల్ గెట్ దాటగానే, వేరే వాహనం మారి, సేఫ్ ప్లేస్ లోకి వెళ్ళారని కొంత మంది టిడిపి నేతలు చెప్తున్నారని మీడియాలో వార్తలు వచ్చాయి. మరో తప్పుడు కేసులో అరెస్ట్ చేస్తారానే సమాచారం ఉండటంతోనే, పట్టాభి సేఫ్ ప్లేస్ లోకి వెళ్లినట్టు తెలుస్తుంది.