news

జోగి రమేష్ కొంత మంది గూండాలను వేసుకుని వచ్చి, చంద్రబాబు ఇంటి పైనే దా-డి చేసిన సంగతి తెలిసిందే. అయితే అనూహ్యంగా ఇప్పటికే టిడిపి నేతల పైన నాన్ బెయిలబుల్ కేసులు పెట్టి, వైసీపీ నేతల పైన బెయిలబుల్ కేసులు పెట్టారు. అలాగే డిఐజి ఎస్పీలు కూడా, మీడియా సమావేశం పెట్టి, జోగి రమేష్ తప్పు ఏమి లేదని, మొత్తం టిడిపి నేతలదే తప్పు అని, జోగి రమేష్ కేవలం చంద్రబాబుతో మాట్లాడటానికి వెళ్ళారని చెప్పారు. అయితే దీని పై టిడిపి నేతలు షాక్ తిన్నారు.న్యాయస్థానంలోనే తేల్చుకోవాలని హైకోర్టు మెట్లు ఎక్కారు. తమ పై ఆధారాలు లేకుండా ఎస్సీ, ఎస్టీ కేసులు పెట్టారని ఆగ్రహం వ్యక్తం చేసారు. కోర్టు ముందు వాదనలు వినిపించారు. దీని పై ఇరు వర్గాల వాదనలు విన్న హైకోర్టు, టిడిపి నేతలకు ఊరటను ఇచ్చేలా ఆదేశాలు ఇచ్చింది. చంద్రబాబు నివాసం పై జోగి రమేష్, అతని మనుషులు దా-డి చేస్తే, చంద్రబాబు నివాసం పై ఎస్సీ, ఎస్టీ చట్టంతో, పలు సెక్షన్ల కింద కేసులు పెట్టారు. అదే విధంగా కారు అద్దాలు ధ్వం-సం చేసి, విధులకు ఆటంకం కలిగించారని చెప్పి, తెలుగుదేశం నేత నాదెండ్ల బ్రహ్మం పై కూడా కేసులు నమోదు చేసారు. అయితే ఈ కేసులు కొట్టి వేయాలని, చంద్రబాబు నివాసం వద్దకు వారే వచ్చి, వారని అడ్డుకుంటే, తమ పైనే కేసులు మోపారని, కోర్టుని ఆశ్రయించారు.

ఈ రోజు కోర్టులో, ఈ రెండు పిటీషన్లు కూడా విచారణకు వచ్చాయి. ఈ సందర్భంగా తెలుగుదేశం పార్టీ నేతల తరుపున, న్యాయవాదులు పోసాని వెంకటేశ్వర్లు, కృష్ణారెడ్డి వాదనలు వినిపించారు. ఈ సెక్షన్లు అన్నీ కుద ఏడేళ్ళ లోపు శిక్షలు కావటంతో, వీరి అందరికీ కూడా సీఆర్పీసీ 41 సెక్షన్ కింద నోటీసులు ఇచ్చి, వారిని విచారణకు పిలిచి పంపించి వేయాలని వాదనలు వినిపించారు. అదే విధంగా ఈ కేసుకు సంబంధించి, టిడిపి నేతలను అరెస్ట్ చేసే ప్రయత్నం చేస్తున్నారని, ప్రొసీజర్ ఫాలో కాకుండా, ఇలా చేయటం చట్ట విరుద్ధమని వాదించారు. ఈ నేపధ్యంలోనే హైకోర్టు, వీరి అందరికీ సిఆర్పీసీ 41 సెక్షన్ కింద నోటీసులు ఇవ్వాలని ఆదేశాలు జారీ చేసింది. ప్రొసీజర్ ప్రకారమే వెళ్లాలని, తాదేపల్లి పోలీసులకు ఆదేశాలు ఇచ్చింది. ఏడేళ్ళ లోపు శిక్ష పడే కేసులు, ముందుగా 41 సెక్షన్ కింద విచారణ చేసి, పంపించి వేయాలని, వీరిని అరెస్ట్ చేసే హక్కు కూడా లేదని టిడిపి వర్గాలు కోర్టు ముందు వాదించాయి. మొత్తానికి టిడిపి నేతల పైనే ఎదురు కేసు పెట్టిన పోలీసులకు చిక్కు ఎదురు అయ్యింది.

మాజీ మంత్రి, జగన్ మోహన్ రెడ్డి బాబాయ్, అయిన వైఎస్ వివేక కేసు ఇంకా ఇంకా సాగుతూనే ఉంది. 107వ రోజు వరుసుగా సీబీఐ విచారణ చేస్తుంది. కడప కేంద్ర కారాగారం అతిధిగృహంలో సీబీఐ విచారణ చ్జేస్తిమ్దో. ఇప్పటికే వివేకా హత్యకేసులో ఉమాశంకర్ రెడ్డికి కస్టడీ ముగియటంతో, పులివెందుల కోర్టులో సీబీఐ హాజరు పరిచింది. ఉమాశంకర్‍రెడ్డిని నాలుగు రోజులపాటు కస్టడీలో విచారించిన సీబీఐ, ఆయన నుంచి కీలక సమాచారం రాబట్టినట్టు మీడియాలో వార్తలు వస్తున్నాయి. అలాగే కడప జమాలపల్లి వాసి విజయశంకర్ రెడ్డి కూడా సిబిఐ విచారణకు హాజరు అయ్యారు. వాహనాలు, ఆయుధాలు, ఇలా రకరకాల విషయాల్లో సిబిఐ క్లారిటీ తెచ్చుకుంటుంది. అయితే ఇది ఇలా ఉంటే నిన్న సిబిఐ ఒక ట్విస్ట్ ఇచ్చింది. కొంత మంది టీవీ చానల్స్ వారికి నోటీసులు ఇచ్చి, వారిని విచారణకు హాజరు కావాలని ఆదేశించింది. అయితే ఇదేదో మొదటిగా గుండె పోటు అని చెప్పిన ఛానల్ ను విచారణకే పిలిచారేమో అని అందరూ అనుకున్నారు. అక్కడే అసలు ట్విస్ట్ నెలకొంది. సిబిఐ నోటీసులు ఇచ్చింది, వివేక వాచ్ మెన్ రంగన్న వాంగ్మూలం అంటూ, కొన్ని టీవీ చానల్స్ ప్రచారం చేయటం, రంగన్న ను ఇంటర్వ్యూ తీసుకున్నారనే కోణంలో, సిబిఐ అధికారులు ఆ మీడియా ప్రతినిధులకు నోటీసులు ఇచ్చారట.

రంగన్న ఇచ్చిన వాంగ్మూలం కోర్టుల జడ్జి ముందు ఇస్తే, అది ఎవరికీ బయటకు తెలిసే అవకాసం లేదని, రంగన్న ఇద్దరు పేర్లు చెప్పారు అంటూ మీడియాలో కధనాలు వచ్చాయని, ఆ ఇద్దరి పేర్లు మీడియాకు ఎలా తెలుసు అనే కోణంలో సిబిఐ విచారణ చేస్తున్నట్టు చెప్తున్నారు. ఈ విషయం పైనే మీడియా ప్రతినిధులకు నోటీసులు జారీ చేసి, వారిని విచారణకు పిలిచారు. ఈ రోజు మీడియా ప్రతినిధులను విచారణ చేసినట్టు తెలుస్తుంది. అయితే, అసలు వివేక కేసులో కీలకమైన అంశాల పై కాకుండా, ఇలాంటి చిన్న చిన్న అంశాల పై సిబిఐ ఎక్కువ ఫోకస్ పెట్టటం వెనుక విమర్శలు వస్తున్నాయి. విచారణ మొదలైన ఇన్ని రోజులకు కూడా వైఎస్ సునీత అనుమానం వ్యక్తం చేసిన కొంత మంది కీలక వ్యక్తులను విచారణకు పిలవలేదు. సిబిఐ వారి విచారణలో వారి పేర్లు లేవు కాబట్టి ఇంకా విచారణకు పిలిచి ఉండరని అంటున్నారు. ఇప్పటికే సిబిఐ రివ్వార్డ్ కూడా ప్రకటించింది. అయినా ఈ కేసు మాత్రం తేలటం లేదు. అసలు ఈ కేసు ఎప్పటికి తేలుతుందో, అసలు దోషులు దొరుకుతారో లేదో చూడాలి.

రస్ అల్ ఖైమా.. గతంలో రాజశేఖర్ రెడ్డి ప్రభుత్వం ఉండగా, ఈ పేరు మారుమొగి పోయింది. ఆయన చనిపోయిన తరువాత కూడా ఈ పేరు జగన్ అక్రమ ఆస్తుల కేసులో మారుమోగింది. ఏడాది క్రితం సెర్బియాలో, నిమ్మగడ్డ ప్రసద్ ని అరెస్ట్ చేసి, రస్ అల్ ఖైమా ఫిర్యాదుతోనే. రెడ్ కార్నర్ నోటీస్ ఇచ్చి మరీ అరెస్ట్ చేసారు. రస్ అల్ ఖైమా సంస్థ అప్పట్లో వాన్పిక్ పోర్ట్ నిర్మాణం, ఇండస్ట్రియల్ ప్రాజెక్ట్ కోసం ఒప్పందం కుదుర్చుకుంది. అయితే తరువాత ఇది పెద్ద స్కాం వైపుకు మళ్ళింది. రస్ అల్ ఖైమా డబ్బుతోనే, నిమ్మగడ్డ ప్రసాద్ జగన్ కంపెనీలలో రూ.854కోట్ల వరకు పెట్టుబడులు పెట్టారు. తరువాత ఈ స్కాం బయట పడటంతో, రస్ అల్ ఖైమా సీరియస్ అయ్యి ఈ ప్రాజెక్ట్ నుంచి తప్పుకుంది. తరువాత ఈ ప్రాజెక్ట్ పైన కూడా సిబిఐ ఒక చార్జ్ షీట్ వేసింది. ఇందులో కూడా జగన్ ఏ1, విజయసాయి రెడ్డి ఏ2. ఈ విషయం పక్కన పెడితే, రస్ అల్ ఖైమా కంపెనీ తాము పెట్టిన పెట్టుబడులు దారి మళ్ళించారని, ఆ డబ్బు ఇప్పించాలని గతంలోనే భారత ప్రభుత్వానికి లేఖ రాసారు. తరువాత, అంతర్జాతీయ న్యాయస్థానాలకు కూడా ఆశ్రయించారు. అయితే ఈ కేసులోనే నిమ్మగడ్డ ప్రసాద్ అరెస్ట్ అవ్వటం తెలిసిందే. ఇప్పుడు ఈ కేసు ఇంకా నానుతూనే ఉంది. అయితే ఇదే రస్ అల్ ఖైమాతో గతంలో మరో ఒప్పందం కూడా ఉంది.

రస్ అల్ ఖైమాకు బాక్సైట్ సరఫరా చేస్తామని గతంలో ఒప్పందం చేసుకున్నారు. దాని పై కూడా ఒప్పందం చేసుకున్నారు. తరువాత రాజశేఖర్ రెడ్డి చనిపోవటం, ప్రభుత్వాలు మారటం, తెలుగుదేశం ప్రభుత్వం వచ్చిన తరువాత బాక్సైట్ తవ్వకాలు ఆపేయటంతో, రస్ అల్ ఖైమా ఇక్కడ కూడా నష్టపోయింది. అయితే రస్ అల్ ఖైమా ఈ విషయం పై కూడా సీరియస్ అయ్యి, తమకు నష్టపరిహారం ఇవ్వలని కోరుతున్నారు. దీని పై ఆర్బిట్రేషన్ కూడా కూడా వెళ్లారు. దీంతో రస్ అల్ ఖైమా వ్యవహారం తేల్చటానికి ,జగన్ మోహన్ రెడ్డి ప్రభుత్వం ఇప్పుడు ప్రయత్నం చేస్తుంది. రస్ అల్ ఖైమా సంస్థతో మాట్లాడటానికి, రాష్ట్రానికి చెందిన అధికారులను ద్వివేది నేతృత్వంలో అక్కడకు పంపిస్తున్నారు. అయితే ఇప్పుడు బాక్సైట్ ఇవ్వటం కుదరదు, వాళ్ళు అడిగినట్టు నష్టపరిహారం ఇవ్వాలి అంటే, రూ.600 కోట్లు చెల్లించాల్సి ఉంటుంది. ఈ నేపధ్యంలోనే కేంద్ర సాయం కూడా కోరారు. విశాఖలో రస్ అల్ ఖైమా ప్లాంట్ పెడతారని, ఛత్తీస్‌గఢ్, ఒడిశా నుంచి బాక్సైట్ సరఫరా చేయాలని కేంద్రాన్ని కోరుతున్నారు. మరి చివరకు ఏమి అవుతుందో చూడాలి. మొత్తానికి అప్పటి పాపాలు, ఇప్పటికీ రాష్ట్రాన్ని వెంటాడుతూనే ఉన్నాయి.