news

రఘురామకృష్ణం రాజు కేసులు ట్విస్ట్ లు మీద ట్విస్ట్ లు జరుగుతున్నాయి. ఉదయం హైకోర్టు హౌస్ మోషన్ పిటీషన్ డిస్మిస్ చేసి, ముందుగా సిఐడి కోర్టులోనే తేల్చుకోవాలని చెప్పటంతో, ఈ రోజు సాయంత్రం 5 గంటల ప్రాంతంలో ఆయన్ను గుంటూరులో ఉన్న ఆరో అదనపు మున్సిఫ్ మెజిస్ట్రేట్ కోర్టులో న్యాయవాది ముందు హాజరుపరిచారు. అయితే ఈ సందర్భంగా పెద్ద హైడ్రామా చోటు చేసుకుంది. సిఐడి ఇచ్చిన రిమాండ్ రిపోర్ట్ తప్పుల తడకగా ఉందని, ఒక ఎంపి పై ఇచ్చే రిమాండ్ రిపోర్ట్ ఇలాగేనా అంటూ జడ్జి అభ్యంతరం తెలిపారు. రిమాండ్ రిపోర్ట్ ని తిప్పి పంపించారు. సరి చేసుకుని రావాలని సిఐడిని ఆదేశించారు. దీంతో సిఐడి పోలీసులు హుటాహుటిన సిఐడి ఆఫీస్ కు పరుగులు పెట్టారు. అక్కడకు వెళ్లి రిమాండ్ రిపోర్ట్ ని సరి చేసి, మళ్ళీ జడ్జి ముందు పెట్టనున్నారు. అయితే ఈ రిమాండ్ రిపోర్ట్ పై జడ్జి ఏమి నిర్ణయం తీసుకుంటారో అనే ఆసక్తి నెలకొంది. ఇది ఇలా ఉంటే, పోలీసులు ఓవర్ ఆక్షన్ చేస్తున్నారు అంటూ, అక్కడ న్యాయవాదులు నిరసన తెలిపారు. కోర్టులో పోలీసులు పెత్తనం ఏమిటి అంటూ ఎదురు తిరిగారు. తమ క్లైంట్ ని కోర్టులో కలుసుకోవటానికి ఎవరి అనుమతి అవసరం లేదు అంటూ, ఎదురు తిరిగారు. దీంతో అక్కడ కొంచెం సేపు టెన్షన్ నెలకొంది.

ఇది ఇలా ఉంటే రఘురామకృష్ణం రాజు ని పోలీసులు కొ-ట్ట-టం, ఆ దె-బ్బ-లు కాళ్ళ మీద స్పష్టంగా కనిపిస్తూ ఉండటం, కందిపోయి ఉండటంతో, రఘురామరాజు ఆ గా-యా-ల-ను జడ్జికి చూపించారు. అంతే కాదు, పోలీసులు పై లిఖిత పుర్విక ఫిర్యాదు కూడా చేసారు. దీంతో ఈ విషయంలో కూడా ఏమి అవుతుంది, జడ్జి ఎలాంటి నిర్ణయం తీసుకుంటారు అనేది కూడా చూడాల్సి ఉంది. ఇలా ఇలా ఉంటే రఘురామరాజు తరుపు న్యాయావాదులు రెండు పిటీషన్లు వేసారు. ఒకటి ఆయనకు తగిలిన గా-యా-ల పై, వెంటనే హాస్పిటల్ కు తరలించాలని, దీంతో కోర్టు వెంటనే ఆయన్ను హాస్పిటల్ కు తీసుకుని వెళ్ళాలని కోరారు. గుంటూరు గవర్నమెంట్ హాస్పిటల్ కు తీసుకు వెళ్ళాలని కోరగా, రఘురామరాజు న్యాయవాదులు తమకు ప్రభుత్వం పై నమ్మకం లేదని, ప్రైవేటు హాస్పిటల్ కు తీసుకుని వెళ్ళాలని కోరగా, కోర్టు అనుమతి ఇచ్చింది. ఇక మరో పక్క, వెంటనే రఘురామ రాజు న్యాయవాదులు బెయిల్ పిటీషన్ కూడా దాఖలు చేసారు. వీటి అన్నిటి పై ఏమి జరుగుతుందో చూడాలి.

నర్సాపురం ఎంపీ రఘురామకృష్ణం రాజు, ప్రభుత్వం పేదలకు, ప్రభుత్వానికి, వాళ్ళు ప్రతిష్టకు భంగం కలిగిస్తున్నారు అంటూ, ఆయన పై ఏపి సిఐడి సుమోటాగా కేసు నమోదు చేసి, ఆయన్ను నిన్న అరెస్ట్ చేసిన విషయం తెలిసిందే. ఆయన్ను హైదరాబాద్ నుంచి నిన్న రాత్రి మంగళగిరిలోని సిఐడి కార్యాలయానికి తీసుకొచ్చారు. అయితే రఘురామకృష్ణ రాజు తరుపు న్యాయవాదులు, నిన్న ఈ విషయం పై హౌస్ మోషన్ పిటీషన్ దాఖలు చేసారు. ఈ పిటీషన్ పై ఈ రోజు వాదనలు జరిగాయి. రఘురామకృష్ణ రాజు తరుపున న్యాయవాది ఆదినారాయణ రావు వాదనలు వినిపించారు. విచారణ అనంతరం, రఘురామరాజు వేసిన పిటీషన్ ని, కోర్టు తిరస్కరించింది. బెయిల్ కోసం ముందుగా, సిఐడి కోర్టుకు వెళ్ళాలని, అక్కడే పిటీషన్ వేసుకోవాలని సూచించారు. సిఐడి కోర్టు కూడా సాధ్యమైనంత త్వరగా, ఈ విషయం పై నిర్ణయం తీసుకోవాలని స్పష్టం చేసారు. రఘురామరాజుని వెంటనే హైకోర్టుకు పంపిస్తామని కూడా, హైకోర్టుకు ప్రభుత్వ న్యాయవాది తెలిపారు. అయితే రఘురామకృష్ణం రాజుకి ఆరోగ్యపరమైన చర్యలు అవసరం అని, ఆయనకు మూడు నెలల క్రితం గుండె ఆపరేషన్ జరిగిందని, జాగ్రత్తలు తీసుకోవాలని ప్రభుత్వాన్ని ఆదేశించామని, రఘురామకృష్ణం రాజు తరుపు న్యాయవాది కోర్టుని కోరారు.

దీంతో ఆయన ఆరోగ్యం విషయంలో అన్ని రకాల జాగ్రత్తలు తీసుకోవాలని, కోర్టు ప్రభుత్వాన్ని ఆదేశించింది. హైకోర్టు ఆర్డర్ కూడా వెంటనే ఇస్తామని చెప్పారు. ఆయన్ను ఈ రోజు రిమాండ్ కు తరలించిన పక్షంలో, రేపు సిఐడి కోర్టులో, బెయిల్ పిటీషన్ దాఖలు అయ్యే అవకాసం కనిపిస్తుంది. అయితే బెయిల్ పిటీషన్ విచారణ సందర్భంగా, విచారణ ప్రారంభం అయిన వెంటనే, కింద కోర్టుకు వెళ్ళకుండా ఇక్కడకు ఎందుకు బెయిల్ కోసం వచ్చారని ప్రశ్నించింది. దీనికి సమాధానం ఇస్తూ, అరెస్ట్ చేసిన వ్యక్తి ఎంపీ అని, ప్రజాప్రతినిధిని సహేతుక కారణాలు లేకుండా అరెస్ట్ చేయటం కరెక్ట్ కాదు అని, హైకోర్టుకు తెలిపారు. అలాగే ఎఫ్ఐఆర్ లో కూడా సరైన సహేతుక కారణాలు లేవని, అలాంటిది కేవలం అభియోగాలు మోపి, ఎంపీని అరెస్ట్ ఎలా చేస్తారని కోర్టుకు తెలిపారు. అలాగే ఆయన ఆరోగ్యం కూడా బాగోలేదని చెప్తూ, ఈ కారణాలతోనే, రిమాండ్ వేయక ముందే, బెయిల్ కోసం హైకోర్టు కు రావటం జరిగిందని, కోర్టుకు తెలిపారు. అయితే కోర్టు ఈ వదనను అంగీకరించలేదు. సుప్రీం కోర్టు గతంలో ఇచ్చిన ఆదేశాలు ప్రకారం,ముందుగా కింద కోర్టుకు వెళ్ళాలని సూచించింది.

నర్సాపురం ఎంపీ రఘురామరాజుని కొద్ది సేపటి క్రిందట సిఐడి కోర్టులో న్యాయమూర్తి ముందు పోలీసులు హాజరుపరిచారు. అయితే ఆయనకు రిమాండ్ వేస్తారా లేదా అనేది, కొద్ది సేపట్లో తేలిపోనుంది. ఇప్పటికే కోర్టు సమయం అయిపొయింది కాబట్టి, ఈ రోజు ఇక బెయిల్ పిటీషన్ వేయటం కుదరదు. మళ్ళీ సోమవారం వారకు బెయిల్ పిటీషన్ వేసే అవకాసం లేదు. ఇది ఇలా ఉంటే రఘురామకృష్ణం రాజు కాళ్ళకు గా-యా-లు అయ్యాయి. పోలీసులు కొ-ట్టా-రంటూ, రఘురామకృష్ణం రాజు, లిఖిత పూర్వకంగా న్యాయమూర్తికి ఫిర్యాదు చేసారు. దీని పై న్యాయవాదులు ఏమి నిర్ణయం తీసుకుంటారో చూడాలి. ఇక మరో పక్క ఈ రోజు ఉదయం రఘురామరాజు హైకోర్టులో వేసిన హౌస్ మోషన్ పిటీషన్ పై వాదనలు జరిగాయి. ఈ సందర్భంగా, సుప్రీం కోర్టు ఆదేశాలు ప్రకారం ముందుగా కింద కోర్టులో అపీల్ చేసిన తరువాత, ఇక్కడకు రావాలని, సిఐడి కోర్టు తొందరగా తేల్చాలి అని, రఘురామరాజు ఆరోగ్యం జాగ్రత్తగా చూసుకోవాలని ఆదేశాలు ఇచ్చింది.