news

జగన్ మోహన్ రెడ్డి ఈ రోజు అకస్మాత్తుగా ఢిల్లీ పర్యటనకు వెళ్ళిన సంగతి తెలిసిందే. అయితే ఈ రోజు కూడా ముందుగా చెప్పిన సమయాని కంటే, నాలుగు గంటలు ముందుగానే ఢిల్లీ వెళ్లారు. ఢిల్లీ వెళ్ళిన జగన్ మోహన్ రెడ్డిని, ఆ పార్టీ ఎంపీలు స్వాగతం పలికారు. ఈ రోజు సాయంత్రం 6.30 గంటల సమయంలో, కేంద్ర హోం శాఖా మంత్రి అమిత్ షా తో జగన్ భేటీ అయ్యారు. ఈ భేటీ దాదాపుగా 50 నిమిషాల పాటు కొనసాగింది. అయితే ఈ భేటీ అసంపూర్తిగా ముగిసిందని, రేపు మళ్ళీ జగన్ మోహన్ రెడ్డిని, అమిత్ షా రమ్మన్నారని, రేపు ఉదయం 10.30 గంటలకు మళ్ళీ అపాయింట్మెంట్ ఇచ్చినట్టు తెలుస్తుంది. అయితే ఒక ప్రముఖ ఛానల్ ఇచ్చిన రిపోర్ట్ ప్రకారం, ఈ భేటీలో అమిత్ షా, ఆంధ్రప్రదేశ్ ప్రభుత్వ వైఖరి పై అసహనం వ్యక్తం చేసారని తెలుస్తుంది. ముఖ్యంగా న్యాయవ్యవస్థ పై అధికార పార్టీ జరుపుతున్న దాడి విషయంలో, లైన్ దాటుతున్నారని, ఇది మంచిది కాదని చెప్పినట్టు తెలిసింది.

ఇదే సమయంలో జగన్ మోహన్ రెడ్డి కూడా, అమరావతి భూములు విషయం, ఫైబర్ గ్రిడ్ విషయం, అంతర్వేది రధం దగ్ధం విషయంలో సిబిఐ విచారణ కోసం అడిగారని తెలుస్తుంది. అయితే ఈ విషయం పై ప్రధాని కార్యాలయంతో మాట్లాడాలని, ప్రిన్సిపల్ సెక్రటరీ పీకే మిశ్రాతో వీడియో కాన్ఫరెన్స్ తీసుకోవటంతో, జగన్ ఈ విషయాల పై సిబిఐ వెయ్యమని కోరారని తెలుస్తుంది. అయితే ఈ భేటీ ముఖ్యంగా న్యాయ వ్యవస్థ పై జరుగుతున్న దాడి విషయం పైనే జరిగిందని, అందుకే జగన్ వెంట అడ్వకేట్ జెనెరల్ తో పాటుగా, సుప్రీం కోర్టు రిటైర్డ్ జస్టిస్ జాస్తి చలమేశ్వర్ కుమారుడు, భూషణ్ కూడా ఉన్నారని తెలుస్తుంది. భూషణ్ కూడా లయార్ గా చేస్తున్నారు. వీళ్ళను కూడా తీసుకు వెళ్లారు అంటే, ఆలోచించాల్సిన విషయమే. అయితే వైసీపీ పార్టీ మాత్రం, పోలవరం, ప్రత్యెక హోదా, రాష్ట్రానికి రావాల్సిన నిధుల పై, అమిత్ షా తో చర్చించినట్టు చెప్తున్నారు.

ఆంధ్రప్రదేశ్ రాజధానిగా అమరావతి గత 5 ఏళ్ళుగా ఉంటున్న సంగతి తెలిసిందే. 2016 నుంచి ఇక్కడే సచివాలయం నడుస్తుంది, ఇక్కడే గవర్నర్ ఉంటున్నారు, ఇక్కడే అసెంబ్లీ ఉంది, ఇక్కడే శాసనమండలి ఉంది, 2019 నుంచి హైకోర్టు ఇక్కడే నడుస్తుంది. అయితే ప్రభుత్వం మారిపోగానే, మొత్తం మారిపోయింది. అమరావతి మూడు ముక్కలు చేస్తూ ప్రభుత్వం నిర్ణయం తీసుకుంది. వైజాగ్ లో సెక్రటేరియట్, అమరావతిలో అసెంబ్లీ, కర్నూల్ లో హైకోర్టు నిర్ణయం తీసుకున్నారు. అయితే ఈ అంశం కోర్టుకు చేరటంతో, ఇందులో ముందుకు వెళ్ళలేక పోతున్నారు. అయితే ప్రభుత్వానికి అమరావతి పై కానీ, కర్నూల్ పై కానీ ప్రేమ లేదని, కేవలం వైజాగ్ లో ఉన్న భూములు కోసం, అక్కడ వెళ్తున్నారని, చేస్తున్న ఏర్పాట్లు అన్నీ వైజాగ్ కోసమే ఉన్నాయి కానీ, కర్నూల్, అమరావతి కోసం ఏమి లేవని ప్రాతిపక్షాలు ఆరోపిస్తిన్నాయి. నిజానికి కర్నూల్ వైపు న్యాయ రాజధాని తీసుకుని వెళ్ళటానికి, అసలు ఏ విధమైన కసరత్తు చెయ్యలేదు.

అయితే ఇప్పుడు తాజాగా కేంద్రం చెప్పిన విషయం చూస్తే, ఇదే నిజం అనిపించేలా ఉంది. దేశంలో ఎక్కడైనా హైకోర్టు బెంచ్ లు ఏర్పాటు చేసే ఉద్దేశం ఈ ప్రభుత్వానికి ఉందా అని, ఉత్తరప్రదేశ్ ఎంపీ అడిగిన ప్రశ్నకు, కేంద్ర న్యాయశాఖ మంత్రి రవిశంకర్‌ ప్రసాద్‌ సమాధనం చెప్తూ, మాకు అసలు ఉద్దేశం లేదని చెప్పారు. అంతే కాదు, తమకు ఏ రాష్ట్రం నుంచి కూడా ఇప్పటి వరకు పూర్తి స్థాయి ప్రతిపాదన రాలేదని చెప్పారు.. ఆంధ్రప్రదేశ్ లో హైకోర్టు ప్రధాన బెంచ్ 2019 జనవరి 1 నుంచి, అమరావతిలో పని చేస్తుందని అన్నారు. ఏ రాష్ట్రంలో హైకోర్టు బెంచ్ కావాలి అన్న, రాష్ట్రాలు ప్రతిపాదనలు పంపించాలని, తరువాత హైకోర్టు చీఫ్ జస్టిస్, రాష్ట్ర ప్రభుత్వం పంపించిన ప్రతిపాదనను ఒప్పుకోవాలని, అలాగే గవర్నర్ కూడా ఒప్పుకోవాలని కేంద్ర మంత్రి చెప్పారు. మొత్తానికి, ఈ సమాధానం బట్టి, కర్నూల్ లో హైకోర్టు గురించి, ఏపి రాష్ట్ర ప్రభుత్వం, ఇంకా ఎటువంటి ప్రతిపాదన పంపించాలేదని అర్ధం అయ్యింది.

అది 30 ఏళ్ళు రాజశేఖర్ రెడ్డిని మోసిన పార్టీ. రెండు సార్లు రాజశేఖర్ రెడ్డిని సియం చేసిన పార్టీ. జగన్ మోహన్ రెడ్డి రాజకీయ అరంగేట్రం చేసిన పార్టీ. జగన్ ని ఎంపీని చేసిన పార్టీ. రాహుల్ గాంధీకి 42 ఎంపీ సీట్లు గెలిచి, మా నాన్న చివరి కోరిన తీరుస్తా అని జగన్ చెప్పారు. తరువాత జగన్ విబేధించిన బయటకు వచ్చారు అనుకోండి. అలాంటి పార్టీని పట్టుకుని నిండు సభలో విజయసాయి రెడ్డి దళారీ పార్టీ అంటూ కాంగ్రెస్ పార్టీ పై విరుచుకు పడ్డారు. ఆదివారం, రైతు బిల్లులు పై చర్చ సందర్భంలో, వైసీపీ పార్టీ పూర్తిగా బీజేపీకి మద్దతు ప్రకటించింది. విపక్ష పార్టీలు అన్నీ బీజేపీకి వ్యతిరేకంగా మాట్లాడాయి. తెలుగుదేశం పార్టీ కూడా రైతు బిల్లు పై అభ్యంతరం చెప్పింది. అయితే వైసీపీ మాత్రం, ఎలాంటి షరతులు లేకుండా, భేషరతుగా మద్దతు పలికింది. ఈ బిల్లుని పూర్తిగా మద్దతు ఇస్తున్నాం అంటూ విజయసాయి రెడ్డి రాజ్యసభలో ప్రకటించారు. తన ఉపన్యాసం అంతా చెప్పిన తరువాత, చివరలో ఈ బిల్లుని వ్యతిరేకించింది, కేవలం దళారులే అని అన్నారు. అలాంటి దళారులకు మద్దతు తెలుపుతున్న కాంగ్రెస్ పార్టీ కూడా ఒక దళారి పార్టీ అంటూ విరుచుకు పడ్డారు.

బీజేపీ కంటే, ఎక్కువగా వైసీపీ కాంగ్రెస్ ని తిట్టటంతో అందరూ అవాక్కయ్యారు. వీళ్ళు బీజేపీ మిత్రపక్షం కాదు కదా అంటూ ఆశ్చర్యపోయారు. అయితే విజయసాయి రెడ్డి వ్యాఖ్యల పై కాంగ్రెస్ పార్టీ సభలో తీవ్ర వ్యతిరేకత వ్యక్తం చేసింది. కాంగ్రెస్‌ సీనియర్‌ నేత ఆనందశర్మ తీవ్రంగా స్పందించారు. ఆ సభ్యుడి ప్రవర్త, మాట తీవ్ర అభ్యంతరకరం అని, ఆ సభ్యడు క్షమాపణ చెప్పాలని కోరారు. మీ ప్రవర్త, వ్యక్తిత్వం అన్నీ మాటకు తెలుసు, మీరు అవినీతి చేసి జైలుకు వెళ్లి వచ్చి బెయిల్ పై ఉన్నారు, మీరు బెయిల్ కు అర్హులు కాదు అంటూ విరుచుకు పడ్డారు. మరో సీనియర్ నేత గులాంనబీ ఆజాద్‌ మాట్లాడుతూ, మీ చరిత్ర అంతా మాకు తెలుసు, మిమ్మల్ని మళ్ళీ ఆ స్థానానికే పంపుతాం, మీరు బీజేపీకి ఎందుకు మద్దతు పలుకుతున్నారో మాకు తెలుసు, సిగ్గుపడండి అంటూ విజయసాయి రెడ్డి పై విరుచుకు పడ్డారు.