ఎవడికైనా సొంత పార్టీ నేతలను అంటే కోపం వస్తుంది.. ఈ వైసిపీ పార్టీకి ఏంటో, బీజేపీ నాయకులను అంటే, వీరికి కోపం వస్తుంది... కోపంతో ఆగుతారా అంటే, కొట్టటం దాకా చేస్తున్నారు... మొన్నటి మొన్న విజయసాయి రెడ్డి, ఇలాగే మోడీని అంటే కోపం తెచ్చుకున్నాడు... అసెంబ్లీలో మోడీని చంద్రబాబు తిట్టాడు అని, విజయసాయి రెడ్డి వెళ్లి రాజ్యసభలో నోటీసు ఇచ్చాడు... ఇదెక్కడి వింతో అర్ధం కావటం లేదు... బీజేపీ నాయకులు కూడా ఇంత బాధ పడటం లేదు... మోడీని ఒక్క మాట అన్నా, జగన్, విజయసాయి అస్సలు ఒప్పుకోవటం లేదు... అందుకే వాళ్ళ కార్యకర్తలు కూడా, మోడీని ఎవరన్నా తిడితే, వెళ్లి వారి మీద ఎగబడుతున్నారు... దాడి కూడా చేస్తున్నారు...
ఈ రోజు ఎపి ఎన్.జి.ఓ సంఘం అద్యక్షుడు అశోక్ బాబు పై, ఇలాగే దాడి చేసారు వైసిపీ గుండాలు... దాడి చేసింది మన రాష్ట్రంలో కూడా కాదు.. బెంగుళూరులో... కర్నాటక అసెంబ్లీ ఎన్నికల నేపథ్యంలో బెంగళూరులో నిర్వహించిన తెలుగు సంఘాల భేటీలో ఈ ఘటన జరిగింది... రాష్ట్రానికి నరేంద్ర మోడీ అన్యాయం చేసాడు అని, కర్ణాటకలో తెలుగు వారు అందరూ బీజేపీని ఓడించాలని, అశోక్ బాబు అక్కడ ఉన్న తెలుగువారితో అన్నారు. ఒక చోట మోడీని ఓడిస్తే, మిగిలిన రాష్ట్రాలతో ఎలా డీల్ చేయాలో ఆయనకు తెలుస్తుందని అశోక్ బాబు అన్నారు. వాజ్ పేయి హయాంలో అన్ని రాష్ట్రాలు హాపీగా ఉన్నాయని, కాని మోడీ హయాంలో ఆ పరిస్తితి లేకుండా పోయిందని అశోక్ బాబు అన్నారు.
అయితే, అశోక్ బాబు బీజేపీకి వ్యతిరేకంగా ప్రచారం చేస్తున్నాడని తెలుసుకున్న వైసిపీ నేతలు, ఆహ్వానం లేకున్నా, సమావేశం జరుగుతున్న సదరన్ హోటల్ వద్దకు వచ్చారు... మోడీని ఓడించమానటానికి నువ్వు ఎవరు అంటూ అశోక్ బాబు పై విరుచుకు పడ్డారు... మోడీని ఓడించమని చెప్పమని, చంద్రబాబు నిన్న పంపించాడా, అంటూ అశోక్ బాబు పై దాడి చేసారు.... మోడీకి వ్యతిరేకంగా ప్రచారం చేస్తే చూస్తూ కూర్చోమని, వైసిపీ నాయకులు అక్కడ ఉన్న వారికి వార్నింగ్ ఇచ్చారు.. కాగా, గత కొంత కాలంగా, వైసిపీ ఆధ్వర్యంలో, కర్ణాటకలో, బీజేపీకి అనుకూలంగా ప్రచారం జరుగుతున్న సంగతి తెలిసిందే.. మొన్నటి దాకా, విజయసాయి రెడ్డి వీరిని స్వయంగా పర్యవేక్షించి, బీజేపీ తరుపున ప్రచారం చేపించి వచ్చారు... మొత్తానికి, మోడీని ఒక్క మాట అంటే, బీజేపీ కంటే ముందే, వైసిపీ నాయకులు వచ్చి ఎగబడుతున్నారు..