కన్నా లక్ష్మీనారాయణ మచ్చ లేని నాయకుడు... అవాక్కయ్యారా ? కాంగ్రెస్ పార్టీ, రాజశేఖర్ రెడ్డి సియంగా ఉండగా, మన కన్నా వేసిన కన్నాలు అన్నీ గుర్తుకు వచ్చాయి కదా ? నిన్న కాక మొన్న బీజేపీకి రాజీనామా చేసి, వైసిపీ పార్టీలో చేరుతున్న కన్నాని, తెల్లారే సరికి బీజేపీ రాష్ట్ర అధ్యక్షుడిని చేసారు.. ఇప్పుడు ఈ కన్నాలు సారు గారు, ఆంధ్రప్రదేశ్ రాష్ట్రంలో అధికారంలోకి తీసుకు వస్తున్నారు అంట... ఈ మాట చెప్పింది భారతీయ జనతా పార్టీ జాతీయ ప్రధాన కార్యదర్శి రాం మాధవ్... దక్షిణాది దండయాత్రకు వస్తున్నాం అంటూ, డాంబీకాలు పోతున్న రాం మాధవ్, ఆంధ్రప్రదేశ్ రాష్ట్రాన్ని కైవసం చేసుకుంటున్నాం అంటూ గుంటూరు వేదికగా ప్రకటించారు...
కన్నా లక్ష్మీ నారాయణ గురించి ఏమన్నారో తెలుసా ? "రాజకీయ అనుభవం ఉన్న నేత కన్నా.. మీ ముఖ్యమంత్రి కంటే ఐదేళ్లు ఎక్కువ అనుభవం ఉన్న నేత.. ప్రజల కోసం పనిచేసిన వ్యక్తిగా ఆయనకు పేరుంది. ఆంధ్ర ప్రజల అభివృద్ధికి బీజేపీకి కట్టుబడి ఉంది. మేం ఇచ్చిన హామీలు నూటికి నూరు శాతం అమలు చేస్తాం. ఇప్పటికే కేంద్రం 85 శాతం హామీలు నెరవేర్చింది. 100 కాదు 150 శాతం సహయ సహకారాలు అందించేందుకు మేం సిద్ధం. నూతన రాజకీయం ఇక్కడ తీసుకురావాలి. కన్నాకు పదవి ఇస్తే కులాన్ని చూసి ఇచ్చారంటున్నారు. అసలు ఇలా ఆలోచించే విధానానికి వ్యతిరేకంగా కొత్త రాజకీయం రాష్ట్రంలో తీసుకురావాలి. అబద్ధపు ప్రచారానికి వ్యతిరేకంగా న్యూ పాలిటిక్స్..ఫర్ న్యూ ఆంధ్రప్రదేశ్ కోసం రాష్ట్రంలో బీజేపీని అధికారంలోకి తీసుకురావాలి. మనమే అధికారంలోకి వస్తున్నాం" అంటూ రాం మాధవ్ అక్కడ ఉన్న వారికి కనువిప్పు కలిగిస్తూ, కన్నా గురించి చెప్పారు..
పదేళ్లు మంత్రిగా గుంటూరు జిల్లాను కొల్లగొట్టిన సంగతి కొత్తబిచ్చగాడు..రాంమాధవ్‌కు తెలియదేమో...? అప్పట్లో...రాంమాధవ్‌ ఎవరో...ప్రజలకు కానీ...ఇప్పటి..బిజెపి అధ్యక్షుడు 'కన్నా'కు కానీ తెలిసి ఉండదు. అందుకే...'కన్నా'లో నిజాయితీపరుడైన...నాయకుడు 'రాంమాధవ్‌'కు కనిపించి ఉంటారు. పదేళ్లు మంత్రిగా పదవీ బాధ్యతలు నిర్వహించిన 'కన్నా'...అవినీతి గురించి గుంటూరు ప్రజలే కాదు..రాష్ట్ర మంతా...కథలు..కథలుగాచెప్పుకున్నారు. ఆ సంగతి...పాపం ఈయనకు తెలిసి ఉండదు. తెల్లారితే పార్టీ మారే వ్యక్తిని బెదిరించి...పార్టీ అధ్యక్షున్ని చేసుకున్న బిజెపి పెద్దలు....ఆయన నీతిమంతుడు, చరిత్రకారుడు అని సర్టిఫికెట్‌ ఇవ్వడంకన్నా దౌర్బాగ్యం ఏముంటుంది. కులాలను అడ్డం పెట్టుకుని...టిడిపి... రాజకీయాలు చేస్తోందన్న రాంమాధవ్‌ చేసేది ఏమిటి..? 'కన్నా' బిజెపికి చేసిన సేవ ఏమిటి..? ఎందుకు ఆయనకు అధ్యక్ష పదవి వచ్చింది..? కులం కోటాలో కాదా...?