బీజేపీ జాతీయ అధ్యక్షుడు అమిత్‌షా తెదేపా రాజకీయ ప్రయోజనాలకే ఎన్డీయే నుండి వెళ్లిపోయిందంటూ చేసిన వ్యాఖ్యలపై రాష్ట్ర ఆర్థిక శాఖామంత్రి యనమల రామ కృష్ణుడు తీవ్ర అభ్యంతరం వ్యక్తం చేశారు. మంత్రి మీడియా ప్రతినిధులతో మాట్లా డుతూ ఎన్డీయే నుండి టిడిపి బయటకు రావడానికి కారణం రాజకీయ ప్రయోజ నాలకంటే రాష్ట్ర ప్రయోజనాలే ముఖ్య మని, రాష్ట్రానికి కేంద్ర ప్రభుత్వం చేస్తున్న అన్యాయానికి నిరస నగానే ఎన్డీయేలోని భాగస్వామ్యాన్ని కాదనుకున్నామని ఆయన స్పష్టం చేశారు. తప్పు తమవైపు ఎక్కడ ఉంటుందో అని టిడిపిపై విమర్శలు చేయడం సిగ్గుచేటన్నారు. విభజన అనం తరం రాష్ట్ర ప్రయోజనాలు కాపాడుకోవడానికి, రాష్ట్ర అభివృ ద్ధిని దృష్టిలో పెట్టుకొని ఎన్డీయేలో భాగస్వామిగా చేరాం.
ఈ విషయం ఎన్డీయే కూటమిలోని అన్ని పార్టీల నేతలకూ తెలి సిందేనని.. బిజెపి జాతీయ అధ్యక్షుడి హోదాలో మీకు తెలియ కపోయవడం ఏమిటని మంత్రి యనమల ఎద్దేవా చేశారు. నాలుగు సంవత్సరాలు రాష్ట్రానికి మొండి చెయ్యి చూపించి రాష్ట్ర అభివృద్ధికి, సంక్షేమానికి ఏవిధమైన సహకారం అం దించకపోగా, టిడిపీని అనేక విధాలుగా ఇబ్బందులు పెట్టాలనే దురుద్దేశంతో బీజేపీ పనిచేసిందని యనమల ఆగ్రహం వ్యక్తం చేశారు. కుళ్లు రాజకీయాల నుండి రాష్ట్రా న్ని కాపాడటానికి రాష్ట్ర ప్రజలకు పోరాటం ద్వారా న్యాయం చెయ్యాలనే ఉద్దేశంతోనే ఎన్డీయే నుండి బయటకు వచ్చామని మంత్రి స్పష్టం చేశారు. చంద్రబాబు రాజకీయ చరిత్రతో పోలిస్తే అమిత్‌షా రాజకీయ చరిత్ర చాలా చిన్నది.. అమిత్‌షా మోడీ, రాజకీయాల్లో కి రానప్పుడే టీడీపీ నేషనల్‌ ఫ్రంట్‌ను స్థాపించి ఆరోజే కేంద్రంలో ఉన్న కాం గ్రెస్‌ను ఓడించి కాంగ్రెసేతర ప్రభుత్వాన్ని అధికారంలోకి తీసుకువచ్చిన ఘనత టీడీపీది, ముఖ్యమంత్రిదే అన్నా రు.
అలాగే వాజ్‌పేయి ప్రభుత్వానికి టిడిపి వెన్నుదన్నుగా ఉన్న విషయం అమిత్‌షా గుర్తుంచుకోవాలని సూచించారు. వాజ్‌ పేయ్‌, ఎన్‌.కే.అద్వానీ ఉన్నప్పుడు నైతిక విలువలు పాటిం చారు, కానీ ఇప్పుడు మోడీ, అమిత్‌షాల జంట బీహార్‌, కర్ణా టక, గోవా, మేఘాలయ వంటి రాష్ట్రాల్లో అనైతిక ఆలోచ నలతో రాజకీయ స్వార్థంతో పనిచేశారని దుయ్యబట్టారు. చంద్రబాబు ఎన్డీయే నుండి బయటకు వచ్చిన వెంటనే దేశ రాజకీయాల్లో మార్పు రావడం, కర్ణాటక వేదికగా చేసుకొని ప్రాంతీయపార్టీలు ఒక్కటవ్వడంతో బీజేపీ పార్టీ వెన్నులో వణుకు ప్రారంభమైందని వ్యాఖ్యానించారు. మోడీ పరిపాలన బలహీన వర్గాలవారికి రైతాంగానికి ఉపయోగంగా లేవు. ఏటియంల్లో వంద రూపా యలు దొరకని పరిస్థితి మోడీ ప్రభుత్వమే కారణమన్నారు. మోడీ పాలనలో ఆర్థిక వ్యవహారాలు ఛిన్నాభిన్నం అవ్వడమే కాకుండా ఆర్థికాభివృద్ధి పడిపోయిం దని గుర్తుచేశారు. అందుకే ఈ మధ్య వస్తున్న సర్వేల్లో మోడి రేటు విపరీతంగా పడి పోయిందని, ప్రజల్లో బీజేపీపై తీవ్రమైన వ్యతిరేకత ఉండటం వల్ల కేంద్రంలో బీజేపీ అధికారంలోకి రావడం కల్ల అన్నారు. ఎన్డీయేలో భాగమైన శివసేన పార్టీని బీజేపీ ఇబ్బందులు పెట్టిన సంగతిని దేశ ప్రజలు మర్చిపోరన్నారు.