లేటెస్ట్ గా వచ్చిన మహేష్ బాబు సినిమా, భారత్ అనే నేను సినిమాలో, స్కూల్స్ గురించి వచ్చే సీన్ గుర్తుండే ఉంటుంది. కాని అది సినిమా, మన రాష్ట్రంలో ఇలాంటివి రియాలిటీలో జరుగుతున్నాయి. మొన్నటి దాక ప్రభుత్వ స్కూల్స్ అంటే, ఎదో టైం పాస్ కి పంపించే వారు. ఆ ప్రభుత్వ స్కూల్స్ పుణ్యమా అని, ప్రైవేటు స్కూల్స్ దండుకోవటం మొదలు పెట్టాయి. అయితే చంద్రబాబు ముఖ్యమంత్రి అయిన తరువాత ఒక ప్రణాలిక ప్రకారం, అన్నీ మార్చుకుంటూ వచ్చారు. ప్రైవేటు స్కూల్స్ కి దీటుగా స్కూల్స్ లో మౌలిక వసతులు మెరుగుపరుస్తున్నారు. డిజిటల్ క్లాస్ రూమ్స్ మొదలు పెట్టారు, ఇంగ్లీష్ మీడియం చదువు మొదలు పెట్టారు, టీచర్స్ సరిగ్గా పని చేసేలా, వారి పని తీరుని, పిల్లల పాస్ పెర్సెంటేజ్ తో బేరీజు వేసుకుని, చదువుని కూడా లైన్ లో పెట్టారు. ఈ సంవత్సరం పదవి తరగతి ఫలితాల్లో ఎప్పటికంటే, ఎక్కువ రిజల్ట్స్ వచ్చాయి. ఇక్కడతో ఆగిపోలేదు, ఎవరూ ఊహించని మరో కార్యక్రమం ప్రభుత్వం తీసుకుంది.
చదువులో వెనుకబడిపోతున్న విద్యార్థు సామర్ధ్యం పెంచేందుకు రాష్ట్రప్రభుత్వం సోమవారం నుంచి జ్ఞాన ధార కార్యక్రమానికి శ్రీకారం చుట్టింది. ఈ విద్యా సంవత్సరం ప్రారంభం నాటికి తెలుగు, గణితం, ఇంగ్లీషు సబ్జెక్టుల్లో విద్యార్థుల సామర్ధ్యాలను పెంచి ఆ సబ్జెక్టుల్లో వెనుకుబాటు లేకుండా చేయడమే లక్ష్యంగా ఈ జ్ఞానధార కార్యక్రమాన్ని ప్రభుత్వం చేపడుతుంది. జ్ఞానధార కార్యక్రమాన్ని రాష్ట్ర ప్రభుత్వం రెండు విడతలుగా చేపట్టనుంది. మొదటి విడత ఐదు నుంచి ఆరో తరగతిలో చేరే విద్యార్థులకు, రెండో దశలో 9నుంచి 10 తరగతిలోకి వచ్చే విద్యార్ధులకు శిక్షణ ఇవ్వనున్నారు. రెండోదశలో కనీస సామర్ధ్యాలను చేరుకోలేని విద్యార్ధులకు దీన్ని కొనసాగించి ఏడాది చివరి వరకు సామర్ధ్యాలు ఇచ్చేందుకు ప్రభుత్వం రంగం సిద్ధం చేసింది. ప్రాథమికోన్నత పాఠశాలల్లో ఐదో తరగతి నుంచి 9,10 తరగతి చదువుతున్న విద్యార్థుల్లో సి-గ్రేడ్‌, డి-గ్రేడుల్లో ఉన్నవారిని గుర్తించారు. శిక్షణా కార్యక్రమంలో మండల కేంద్రంలోని గురుకుల పాఠశాలల్లో, బిసి, ఎస్సీ వసతిగృహాలు, మోడల్‌ స్కూలు, కెజిబివి పాఠశా లల్లో బాల, బాలికలకు వేర్వేరు కేంద్రాలను ఏర్పాటు చేసి శిక్షణ ఇవ్వను న్నారు. శిక్షణలో భోజనం, ఇతర వసతి సౌకర్యాలు కల్పించనున్నారు.
జ్ఞానధార కార్యక్రమానికి ఎంపికయ్యే విద్యార్థుల శిక్షణ టైముటేబుల్‌ ఇలా ఉంది. ఉదయం యోగా, అనంతరం బోధనా తరగతలు, మధ్యాహ్నం హోంవర్క్‌, హ్యాండ్‌ రైటింగ్‌, డ్రాయింగ్‌, క్రాప్ట్‌ వంటి కార్యక్రమాలు ఉంటాయి. అనంతరం సాయంత్రం 5గంటల నుంచి వ్యాయామం. అనంతరం సాయంత్రం రాత్రి భోజన సమయం వరకు లఘుచిత్రాల ప్రదర్శన ఉంటుంది. ప్రతి ఆధివారం వారంలో నేర్చుకున్న సబ్జెక్టులపై వారంతపు పరీక్షలు నిర్వహిస్తారు. హోంవర్కు సమయంలోనే రాయించడం, తెలుగులో చదివించడం, వ్యాకరణం, లెక్కల్లో ప్రాథమిక సూత్రాలు, సైన్సులో మెళకువలు, ఇంగ్లీషులో మాట్లాడే సామర్ధ్యం పెరిగేలా విద్యార్థులతో చదివించడం, మాట్లాడించడం వంటి నైపుణ్యాలను నేర్పించనున్నారు.