అన్నీ ప్లాన్ ప్రకారం జరుగుతున్నాయి... కర్ణాటక ఎన్నికలు అవ్వగానే, రాష్ట్ర బీజేపీ అధ్యక్షుడుని ప్రకటించింది బీజేపీ.. అయితే, ఆ పదవి పై ఎన్నో ఆసలు పెట్టుకున్న వీర్రాజుకి కాకుండా, రాజీనామా చేసి, జగన్ పార్టీలోకి మరో గంటలో చేరాల్సి ఉండగా, హాస్పిటల్ లో చేరిన, కన్నా లక్ష్మీనారాయణను బీజేపీ రాష్ట్ర అధ్యకుడుగా ప్రకటించారు... కాంగ్రెస్ పార్టీలో నుంచి వచ్చి, ఒక సంవత్సరం బీజేపీలో ఉండి, రాజీనామా చేసిన వ్యక్తి, బీజేపీ అధ్యక్ష పదవికి దిక్కు అయ్యాడు.. ఇలాంటి స్థితిలో ఉన్న బీజేపీ, చంద్రబాబుకి చుక్కలు చూపిస్తుంది అంట... సరే.. మొత్తానికి, కన్నా లక్ష్మీ నారయణను, అద్యక్షుడుని చెయ్యటం వెనుక, కులం అనే కోణం కూడా ఉంది... ఈ కులాల కుంపటి రాజేసే ఉద్దేశంలో ఉన్న బీజేపీ, కన్నాను ఎన్నిక చేసింది..
అయితే, ఒక దశలో రాష్ట్ర ప్రభుత్వంపై దూకుడుగా వ్యవహరిస్తున్న సోము వీర్రాజునే అధ్యక్షుడిగా నియమించే అవకాశం ఉందని ప్రచారం జరిగింది. ఇప్పుడు అదే దూకుడు, ఓవర్ ఆక్షనే, వీర్రాజుకు దెబ్బ అని చెప్తున్నారు... ఇలాంటి వాడు అధ్యక్షుడు ఏంటి అని, అలా పిచ్చి మాటలు మాట్లాడే వారు ఉండాలి కాని, అధ్యక్ష పదవిలో కాదని, అమిత్ షా భావించినట్టు తెలుస్తుంది. మరో పక్క, సోము వీర్రాజుని అధ్యక్షుడుగా ఉంచవద్దు అంటూ, రాష్ట్ర బీజేపీ నేతలు వారం క్రితం అమిత్ షా కు ఒక లేఖ రాసారు.. సొంత ప్రాంతంలో కనీసం కార్పొరేటర్‌గా కూడా గెలవలేని కొందరు నాయకులు ప్రజల ముందు, మీడియా ముందు ఇష్టానుసారం మాట్లాడుతున్నారని లేఖలో పేర్కొన్నారు నేతలు. ఈ వ్యాఖ్యలు పరోక్షంగా, సోము వీర్రాజు ఉద్దేశించి చేసిన వ్యాఖ్యలుగా అర్ధమవుతుంది.
అంతే కాదు, ఇంకా కొంత మంది బీజేపీ నాయకులు అవినీతికి మారుపేరుగా మారారన్నారు. 2014 ఎన్నికల ముందు ఇతర పార్టీల నుంచి వచ్చిన, సీనియర్‌ నాయకులను తీవ్రంగా అవమానిస్తున్నారు... దీనివల్ల వారు బీజేపీని వీడి మరో పార్టీలో చేరక తప్పని పరిస్థితిని సృష్టిస్తున్నారు... ఒక అసమర్థ నాయకుడిని పార్టీ రాష్ట్ర అధ్యక్షుడిగా నియమించే అవకాశాలున్నట్లు వార్తలు వస్తున్నాయి, ఇలాంటి పరిస్థితుల్లో రాష్ట్ర అధ్యక్షుడి ఎంపికలో తప్పటడుగులు వేస్తే సీనియర్‌ నేతలు ఇబ్బంది పడుతున్నారు. అంతేకాదు... ఒకరిద్దరు ప్రజా ప్రతినిధులు కూడా పార్టీని వీడిపోయే ప్రమాదం ఉంది'' అంటూ కన్నా లక్ష్మీనారాయణ ఉదంతాన్ని పరోక్షంగా ప్రస్తావించారు... అయినా సరే, ఎవరూ దిక్కు లేక, చివరకు రాజీనామా ఇచ్చేసి, జగన్ పార్టీలో చేరుతున్నా అని చెప్పిన కన్నా లక్ష్మీనారయణే, బీజేపీ కి దిక్కు అయ్యాడు.. ఇక వీళ్ళు చూపించే చుక్కలు చూద్దాం రండి...