అధికారం కోసం, దేశంలో వ్యవస్థలని నాశనం చేస్తున్న అమిత్ షా, మోడీల అసలు రంగు దేశ ప్రజలు చూస్తున్నారు.. నాలుగు రోజులు నుంచి, ఎలా ఎమ్మల్యేలను లొంగదీసుకుంటున్నారో చూస్తున్నాం... నిన్న గాలి జనార్ధన్ రెడ్డి, 150 కోట్లు ఒక్క ఎమ్మల్యేకు ఆఫర్ ఇస్తూ, దొరికిపోయాడు.. అయితే, ఈ రోజు ఏకంగా కర్ణాటక ముఖ్యమంత్రి యడ్యూరప్ప బేరసారాలు చేస్తూ దొరికిపోయాడు... పలువురు భాజపా నేతలు కాంగ్రెస్ ఎమ్మెల్యేలకు గాలం వేస్తున్నట్లు పలు ఆడియో సీడీలను ఇప్పటికే విడుదల చేసిన కాంగ్రెస్.. ఇప్పుడు ఏకంగా ముఖ్యమంత్రి యడ్యూరప్ప తమ ఎమ్మెల్యేతో మాట్లాడిన సంభాషణలను విడుదల చేసింది..
కాంగ్రెస్ ఎమ్మెల్యే బీసీ పాటిల్‌తో యడ్యూరప్ప మాట్లాడినట్లు కాంగ్రెస్ పేర్కొంది. ఇందుకు సంబంధించిన ఆడియో టేపును తాజాగా విడుదల చేసింది. కాంగ్రెస్ ప్రతినిధి ప్రియాంక చతుర్వేది తన ట్విటర్‌ ఖాతాలో ఈ ఆడియోను పోస్ట్‌ చేశారు. బీసీ పాటిల్, యడ్యూరప్ప మధ్య జరిగిన సంభాషణ.. యడ్యూరప్ప: మంత్రి పదవితో పాటు రూ.5 కోట్లు ఇస్తా... పాటిల్ : ఇక ముందు నా పొజిషన్ ఏంటి? యడ్యూరప్ప: నువ్వు మంత్రి అవుతావు... పాటిల్ : నాతో పాటు ఇద్దరు..ముగ్గురు ఉన్నారు... యడ్యూరప్ప: నీ వెంట ఉన్న వారిని తీసుకొని రా.. నాపై విశ్వాసం ఉంది కదా, ఒకసారి కొచ్చి వెళ్తే ఇక దొరకవు.. పాటిల్ : అది జరగని విషయం... యడ్యూరప్ప: ఇంట్లో వాళ్లకి సమస్య ఉందని వెనక్కి వచ్చేయ్‌... పాటిల్ : ఐదు నిమిషాల్లో మీకు ఫోన్‌ చేసి చెబుతా... యడ్యూరప్ప: శ్రీరాములుకు ఫోన్‌ చేసి చెప్పు...
మరో పక్క, ముఖ్యమంత్రి యడ్యూరప్ప కుమారుడు కూడా ప్రలోభాలకు పాల్పడ్డారని కాంగ్రెస్ ఆరోపిస్తుంది. నికి సాక్ష్యం ఇదిగో అంటూ ఓ ఆడియోను విడుదల చేసింది. యడ్యూరప్ప కుమారుడు విజయేంద్ర తమ ఎమ్మెల్యేలకు రూ.5కోట్లు, మంత్రి పదవి ఆఫర్ చేశారని కాంగ్రెస్ ఆరోపిస్తోంది. విజయేంద్ర మాట్లాడుతున్నట్లుగా ఉన్న వీడియో ఒకటి విడుదల చేసింది. మరికొద్ది గంటల్లో యడ్యూరప్ప బలపరీక్ష జరగనున్న నేపథ్యంలో ఈ ఆడియో మరింత ఆసక్తికరంగా మారింది...