అనంతపురం జిల్లా సోమందేపల్లిలో అనుకోని అతిధి సందడి చేసింది... అనంతరం జిల్లా పరిషత్‌ ఉన్నత పాఠశాల ఆవరణలో ఏర్పాటు చేసిన సమావేశంలో రాష్ట్రానికి చేనేత పరిశ్రమకు బ్రాండ్ అంబాసడర్ గా ఉన్న సినీనటి పూనం కౌర్ సందడి చేశారు. ఈ రోజు పూనం పుట్టినరోజు సందర్భంగా సామాన్య ప్రజల మధ్య, చేనేత కార్మికుల మధ్య స్వయంగా ఉండి, వారి బాగోగులను ప్రత్యక్షంగా చూశారు. రెండు నెలల క్రితం వైజాగ్ స్నూకర్ వరల్డ్ ఛాంపియన్షిప్ ప్రారంభోత్సవానికి వచ్చిన సందర్భంలో, ముఖ్యమంత్రి పూనం కౌర్ తో మాట్లాడి, ఆమెను రాష్ట్రానికి చేనేత పరిశ్రమకు బ్రాండ్ అంబాసడర్ గా నియమించారు... అయితే, అందరిలా కాకుండా, ఆమెకు అప్పగించిన బాధ్యత కోసం, ఏకంగా ఆమె పుట్టిన రోజు నాడే రంగలోకి దిగారు.
అనంతపురం జిల్లా సోమందేపల్లి వచ్చిన ఆమె చేనేత కార్మికుల ఇళ్లకు వెళ్లి వారి సమస్యలను అడిగి తెలుసుకున్నారు. తర్వాత అక్కడి జిల్లా పరిషత్‌ ఉన్నత పాఠశాల ఆవరణలో ఏర్పాటుచేసిన సమావేశంలో పాల్గొని ప్రసంగించారు. ఈ కార్యక్రమంలో పలువురు ప్రముఖులు, విద్యార్థులు, ప్రజలు, పూనం కౌర్ జన్మదినాన్ని పురస్కరించుకొని ఆమెకు శుభాకాంక్షలు తెలిపారు. నిజానికి సినీనటి పూనం కౌర్ ను, రాష్ట్రానికి చేనేత పరిశ్రమకు బ్రాండ్ అంబాసడర్ గా నియమించిన సందర్భంలో చాలా విమర్శలు వచ్చాయి... మన తెలుగు వారిని పెట్టకుండా, ఎక్కడ నుంచో వచ్చిన వారిని పెట్టుకోవటం ఏంటి అనే విమర్శలు వచ్చాయి. నిజానికి, మన హైదరాబాద్ సినీ హీరోలకు, మిగతా నటులకు మన రాష్ట్రం అంటే చిన్న చూపు.. ఆంధ్రప్రదేశ్ లో మొక్కలు నాటండి అంటే ఒక్కరు కూడా రాలేదు..
అదే తెలంగాణా ప్రభుత్వం హరిత హారం అంటే, షూటింగ్ లు ఆపుకుని మరీ ఎగబడ్డారు... రాజధాని శంకుస్థాపనకి ఒక్కరు రాలేదు... అక్కడ సియం మనవాడి పుట్టిన రోజు అయినా, సెలెబ్రేట్ చేసుకుంటారు... మన ముఖ్యమంత్రి ఎన్ని మంచి పనులు చేసినా, ఒక్కరు కూడా ఏనాడు మెచ్చుకోలేదు... అక్కడ మంత్రిగారు ట్విట్టర్ లో ట్వీట్ చేస్తూ కూర్చున్నా, అహా ఓహో అంటూ, రోజుకి ఒకరు పొగుడుతారు.. మరి అలాంటి వాళ్ళకి, మన రాష్ట్రం అంటే కనీసం ప్రేమ లేని వారికి, మన రాష్ట్రానికి సంబంధించిన బ్రాండ్ అంబాసడర్ హోదా ఎందుకు ఇవ్వాలి ? అందుకే ఎక్కడ నుంచో వచ్చిన పూనం కౌర్ ని చేనేత బ్రాండ్ అంబాసడర్ చేశారు చంద్రబాబు... తప్పేముంది, దీంట్లో... ఇవాళ ఎక్కడి నుంచో వచ్చిన పూనం కౌర్, మన రాష్ట్రంలోని ఒక మారు మూల ఊరిలో తన పుట్టిన రోజు వేడుకులు, చేనేత కార్మికలు కష్టాలు తెలుసుకుంటూ జరుపుకున్నారు... మరి మాన హైదరాబాద్ సినిమా బ్యాచ్ కంటే, ఈవిడ చాలా నయం కదా...