మన రాష్ట్ర ప్రతిపక్షమేమో, మేము అసెంబ్లీని బహిష్కరించాం, చంద్రబాబు ప్రభుత్వం అన్నిట్లో ఫెయిల్ అయ్యింది అంటుంటే, పక్క రాష్ట్ర అసెంబ్లీలో మన విధానాలను ప్రశంసిస్తూన్నారు... అదీ మనలను అన్ని విషయాల్లో వ్యతిరేకించే తెలంగాణా అసెంబ్లీలో మన ప్రభుత్వం గురించి, చంద్రబాబు చేస్తున్న పనులు గురించి, మన అమరావతి గురించి ప్రశంసించారు... తెలంగాణా ముఖ్యమంత్రి కెసిఆర్, కాంగ్రెస్ పార్టీ ఎమ్మల్యే జీవన్ రెడ్డి, మన గురించి తెలంగాణా అసెంబ్లీలో గొప్పగా చెప్పారు...
తెలంగాణా ముఖ్యమంత్రి కెసిఆర్ అయితే, మన అమరావతి రాజధాని డిజైన్ లు గురించి మెచ్చుకున్నారు.. ఆంధ్రప్రదేశ్ అసెంబ్లీ డిజైన్ లు ఎంత అద్భుతంగా ఉన్నాయో చూశారా అంటూ, అసెంబ్లీలో అన్నారు... మనం కూడా అంత గొప్పగా సెక్రటేరియట్ కట్టుకోవాలని, అమరావతి సెక్రటేరియట్ అంత గొప్పగా మనమూ నిర్మించుకుందాం అన్నారు.. ఒక పక్క, మన ప్రతిపక్షం మన కలల రాజధానిని భ్రమరావతి అంటూ హేళన చేస్తుంటే, కెసిఆర్ మాత్రం, మన అమరావతి గురించి, మన సెక్రటేరియట్ డిజైన్ ల గురించి గొప్పగా చెప్పారు...
మరో సందర్బంలో సీఎల్పీ ఉపనేత జీవన్‌రెడ్డి మాట్లాడుతూ, మిర్చి రైతులని ఆంధ్రప్రదేశ్ ప్రభుత్వం భ్రమ్మండంగా ఆదుకుంది అని, మన రాష్ట్ర ప్రభుత్వం కూడా అలా ఆదుకుంటే బాగుండేది అన్నారు.. ఆంధ్రప్రదేశ్ ప్రభుత్వం మిర్చికి ప్రకటించిన సబ్సిడీతో అక్కడ రైతాంగం గట్టెక్కింది అని, వారి కళ్ళలో ఆనందం నేను స్వయంగా చూసాను అంటూ తెలంగాణా అసెంబ్లీలో చెప్తూ, తెలంగాణ ప్రభుత్వం కూడా అలా ఆదుకోవాలి అని చెప్పారు... మొత్తానికి మన ప్రతిపక్షం అన్నిటికీ అడ్డుపడుతుంటే, అక్కడ ప్రభుత్వంతో పాటు, అక్కడి ప్రతిపక్షం కూడా మనల్ని, మన ముఖ్యమంత్రిని ప్రశంసిస్తూన్నారు...