వర్చ్యువల్ రియాలిటీ, ఇంటర్నెట్ అఫ్ థింగ్స్, బ్లాక్ చైన్ టెక్నాలజీ... ఇవన్నీ మాట్లాడుతుంది, ఈ టెక్నాలజీలు వాడుతుంది, ఏ మైక్రోసాఫ్ట్, గూగులో అనుకునేరు... ఇవన్నీ మాట్లాడుతుంది, ఇంప్లిమెంట్ చేస్తుంది ఒక రాష్ట్ర ముఖ్యమంత్రి... మన రాష్ట్ర ముఖ్యమంత్రి చంద్రబాబు... టెక్నాలజీ పట్ల, ఆయనకు ఉన్న అవగాహన, టెక్నాలజీ ఉపయోగించుకుని సమర్ధవంతమైన పరిపాలన చెయ్యటం, టెక్నాలజీతో ఉద్యోగాల కల్పన ఇవన్నీ చూశాం... ఇప్పుడు మరో సరి కొత్త టెక్నాలజీ కోసం చంద్రబాబు ప్రయత్నిస్తున్నారు... అమెరికా పర్యటనలో దాని మీద అవగాహన చేసుకుంటున్నారు..
VR , అంటే Virtual Reality ఈ మధ్య కాలం లో చాలా పేరు పొందింది. మొట్టమొదట, గూగుల్, “cardboard” అనే పరికరం తో ముందుకు వచ్చింది. ఇది ఒక అట్టపెట్టితో చెయ్యబడిన ఒక చిన్న పరికరం, ఇందులో మీరు మీ ఫోన్ ను ఇన్సర్ట్ చేసి, configure చేసుకుంటే చాలు, 360 డిగ్రీల కోణంలో ఈ ప్రపంచాన్ని నిజమైన అనుభూతి పొందవచ్చు. దీనినే VR headset అంటారు. ప్రపంచ నలు మూలలా ఆధునికమైన కెమెరాలతో చిత్రీకరింపబడిన వీడియోస్ VR లో చూస్తే ఆ లోకమే వేరు అనిపిస్తుంది. అనుకున్న దానికన్నా ఈ VR తక్కువగా పరచారం లోకి వచ్చినా, భవిష్యత్తు మొత్తం VR ఆధారంగా టెక్నాలజీ ఉంటుందనటం లో ఏ మాత్రం సందేహం లేదు.
ఇంకా క్లియర్ గా అర్ధం అయ్యేలా చెప్పాలి అంటే, బాహుబలి సినిమా గురించి చెప్పుకోవాలి... VR సినిమా లెవల్ లో వెళ్ళటం ఎక్కడ లేదు, హాలీవుడ్ కూడా ఇంకా మొదలుపెట్టలేదు. అలాంటింది, బాహుబలి సినిమా ద్వారా ప్రపంచానికి VR ను ప్రవేశపెట్టాడు మన “జక్కన్న”. బాహుబలి VR ను ముంబై లో జరిగిన “MAMI” ఫిలిం ఫెస్టివల్ లో ప్రవేశపెట్టారు . బాహుబలి VR ఎక్స్పీరియన్స్ కోసం బాహుబలి కోసం తయారు చేసిన ప్రత్యేకమైన VR headset ను జక్కన్న అండ్ టీమ్ రీలీజ్ చేశారు. అయితే ఈ "వర్చ్యువల్ రియాలిటీ", ఎంటర్టైన్మెంట్ విషయంలోనే కాదు, హెల్త్, ఎడ్యుకేషన్, ఫార్మింగ్, వాటర్ రిసోర్సెస్ ఇలా ఇన్నిట్లో ఇప్పుడిప్పుడే ఈ టెక్నాలజీ వాడుతున్నారు. అమెరికా పర్యటనలో ఉన్న ముఖ్యమంత్రి ఈ "వర్చ్యువల్ రియాలిటీ" టెక్నాలజీ మీద జరిగిన వర్క్ షాప్ లో పాల్గున్నారు... ఈ VR అనేక విధాలుగా రూపాంతరాలు చెందుతూనే ఉంది, ఇది ఖచ్చితంగా ఫ్యూచర్ లో మారబోయే రియాలిటీ అనే అనాలి.