ఆంధ్రప్రదేశ్ లో తొలిసారిగా హాట్ ఎయిర్ బెలూన్ ఫెస్టివల్ కు, అందాల అరకు ఆతిధ్యం ఇవ్వనుంది... నవంబర్ 14 నుండి 16 వరకు, దేశంలోని అత్యుత్తమమైన హాట్ ఎయిర్ బెలూన్ ఫెస్టివల్ కు అరకు అందాలకు, రంగురంగుల హాట్ ఎయిర్ బెలూన్స్ తోడవ్వనున్నాయి... ప్రముఖ తాజ్ బెలూన్ ఫెస్టివల్ నిర్వచించిన ఈ – ఫాక్టర్ మరియు స్కై వాల్ట్ సంస్థలతో కలిసి ఆంధ్రప్రదేశ్ టూరిజం ఈ ఉత్సవాన్ని నిర్వహిస్తోంది. ఈ ఫెస్టివల్ లో, పదిహేడు దేశాలు పాల్గొంటాయి.
ఢిల్లీ నుండి ఒక బృందం ఈవెంట్ స్థానాన్ని ఖరారు చేసేందుకు అరకు వ్యాలీకి రెండు రోజుల క్రితం వచ్చి వెళ్ళింది... క్యాంపింగ్ సైట్ తో పాటు, బెలూన్ ఫెస్టివల్ వేదిక గుర్తించి వెళ్లారు. ఈ ఫెస్టివల్ అంతర్జాతీయ ప్రమాణాలతో సమానంగా నిర్వహించనున్నారు... అంతర్జాతీయ ప్రమాణాలతో ప్రతి ఏటా ఈ హాట్ ఎయిర్ బెలూన్ ఫెస్టివల్ ను పెద్ద ఎత్తున నిర్వహించేందుకు ప్రభుత్వం చర్యలు తీసుకుంటోంది.
U.K., స్విట్జర్లాండ్, యుఎస్, జపాన్, మలేషియా, తైవాన్ వంటి దేశాల నుండి 17 దేశాల నుంచి వచ్చి ఈ ఫెస్టివల్ లో పాల్గుంటారు. నిర్వాహకులు మెగా ఈవెంట్ కోసం వివిధ నగరాలలో ప్రచారం చేయ్యనున్నారు . ఆకుపచ్చ అరకు వ్యాలీ, రంగురంగుల బెలూన్లతో మరింత శోభాయమానంగా కనిపించనుంది. హాట్ ఎయిర్ బెలూన్ ఫెస్టివల్ కు ముందు, విశాఖపట్నం ఆర్కే బీచ్ లో 'సౌండ్ ఆన్ సాండ్' అనే మెగా సంగీత కార్యక్రమాన్ని నిర్వహిస్తారు. నవంబర్ 10 నుండి 12 వరకు జరిగే ఈ మెగా సంగీత కార్యక్రమంలో ఉషా ఉతుప్, బెన్నీ దయాల్, బైజూ ధర్మజన్, అమాయ దబ్లీ, మొహమ్మద్ ఇర్ఫాన్, రేవంత్, అసీస్ కౌర్లు పాల్గుంటారు...