ముఖ్యమంత్రి కుర్చీ కోసం నవంబర్ 6వ తారీఖు నుంచి వై.సీ.పీ. ఆధినేత వై.ఎస్.జగన్ మోహన్ రెడ్డి పాదయాత్ర చేస్తున్న సంగతి తెలిసిందే... ప్రజాసంకల్పం పాదయాత్రపైనే ఆ పార్టీ శ్రేణులంతా 2019 ఎన్నికలపై గంపెడు ఆశలుతో ఉన్నారు. నిన్నమొన్నటి వరకు ప్రజా సంఘాలను పట్టించుకొని వై.సి.పి.అధిష్ణానం పాదయాత్రతో ఆ సంఘాలు గుర్తుకొచ్చి వారి సహకారాన్ని అధినేతే స్వయంగా సహకారం అడిగినట్లు తెలుస్తుంది.
2019 ఎన్నికలను దృష్టిలో పెట్టుకొని ప్రజాసంకల్పం యాత్రను జరిపి 125 నియోజకవర్గాలలో యాత్ర చేపట్టి ప్రతి నియోజకవర్గంలో బహిరంగ సభలలో పాల్గొనున్నారు. ఈ యాత్రను విజవంతం చేసుకోవడానికి ప్రజాసంఘాలతో చర్చిస్తున్నట్లు తెలుస్తోంది. పాదయాత్ర విజయవంతం చేయడానికి నేతలు కరువవతారేమోనని ముందు చూపుతో వచ్చేనెల 10 నుంచి ప్రారంభమయ్యే శాసనసభా సమావేశాలకు వై.సి.పి. ఎమ్మేల్యేలు వై.సి.పి. ఫిరాయింపు దారులపై వేటు వేసేవరకు అసెంబ్లీ సమావేశాలు బహిష్కరణ చేస్తున్నామని పైపైకి చెప్పుకొస్తున్నారు. లోలోపలమాత్రం పాదయాత్రను విజయవంతం చేయడాని పక్కా వ్యూహమని రాజకీయ పరిశీలకులు వాఖ్యానిస్తున్నారు.
బి.సి., మైనారిటీలకు ప్రభుత్వం అనేక సంక్షేమ పధకాలను అమలుచేయడంతో పాటు వై.ఎస్. హయాంలో అమలు జరిగిన సంక్షేమ పధకాలకంటే రెట్టింపులో సంక్షేమ పధకాలను ప్రభుత్వం అమలు చేస్తుంది. జగన్ యాత్ర నిర్వహించోప్రాంతాల్లో వివిధ ప్రజా సంఘాలు, కుల సంఘాలతో మీటింగ్స్ ప్లాన్ చేస్తున్నారు... అయితే, ఇవి ఎంత వరకు సక్సెస్ అవుతాయి అనేది జగన్ పార్టీ శ్రేణులను ఆందోళనకు గురి చేస్తుంది... ఇన్నాళ్ళు మమ్మల్ని ఒక్కసారి అన్నా పిలిచారా ? మా సమస్యలు ఎప్పుడైనా విన్నారా ? ఇప్పుడు మీ రాజకీయ ప్రయోజనం కోసం మేమెందుకు సహకరించాలి అని కొన్ని ప్రజా సంఘాలు ప్రశ్నించటంతో, వైసీపీ పెద్దలు షాక్ తిన్నారు.. ఎదో సర్ది చెప్పినప్పటికీ, వారు సహకరిస్తారు అనే నమ్మకం మాత్రం కలగటం లేదు...