సచివాలయంలో గురువారం సాయంత్రం, ఆంధ్రా వంటకాలకు ప్రాచుర్యం కల్పించడం కోసం రూపొందించిన ప్రత్యేక పుస్తకాన్ని ముఖ్యమంత్రి ఆవిష్కరించారు. ఈ సందర్భంగా సచివాలయంలో పర్యాటకశాఖ ఆంధ్రా వంటకాలను ప్రత్యేకంగా అందుబాటులో ఉంచింది. గంటికుడుములు, చింతచిగురు పప్పు, ములగపువ్వు కూర, కాకరకాయ ఉల్లికారం, అరటిపువ్వు పెసరకారం, దంపుడు బియ్యం పలావు, వెదురుబొంగు చికెన్‌ బిరియానీ... ఇలా ఆంధ్రాలోని కమ్మని వంటకాలన్నీ ఒకేచోట కొలువయ్యాయి..
చంద్రబాబు అన్ని స్టాల్స్ దగ్గరకి వెళ్లారు... అన్ని వంటకాల గురించి శ్రద్దగా అడిగి తెలుసుకున్నారు... ఆయనకు తెలిసింది చెప్పారు... ఎదో మమ అనిపించి వెళ్ళిపోకుండా, అక్కడ ఉన్న ప్రతి ఐటమ్ టేస్ట్ చేశారు... అక్కడ ఉన్న వారికి, ఎలాంటి ఫుడ్ తీసుకోవాలి, ఏ వంటకం తీసుకుంటే మంచిది, ఎలా వండుకుని తింటే ఆరోగ్యం లాంటివి చెప్పి, చంద్రబాబులోని మరో యాంగిల్ చూపించారు...
మరి, నిన్న కాస్త ఎక్కువగా లాగించినందుకు, భువనేశ్వరి గారు, ఇవాళ చంద్రబాబు గారికి టిఫిన్ పెట్టారో లేదో...