విజయవాడ దుర్గగుడి ముందు ఫ్లై ఓవర్ నిర్మాణ పనుల నిమిత్తం నాలుగు నెలల పాటు ఆ మార్గాన్ని మూసి వేస్తున్నారు. ఈ ఆంక్షలు నాలుగు నెలల పాటు అమల్లో ఉంటాయి. ఈ మార్గంలో ప్రయాణించే వాహనాలను వివిధ మార్గాల్లోకి మళ్లిస్తారు.
గొల్లపూడి, పున్నమిఫూట్, భవానీపురం వైపు నుంచి నగరంలోకి వచ్చే వాహనాలు కబేళా, సీవీఆర్ ఫ్లైఓవర్ మీదుగా చిట్టినగర్ మార్కెట్ వైపు రావాలి.
గొల్లపూడి, కబేళా, సీవీఆర్ ఫ్లైఓవర్ నుంచి చిట్టినగర్, ఎర్రకట్ట, బీఆర్టీఎస్ రోడులో వెళ్లాలి.
గొల్లపూడి, కబేళా, సీవీఆర్ ఫ్లైఓవర్ పైపుల రోడు, ఆంధ్రప్రభ కాలనీ, అజిత్ సింగ్ నగర్ ఫ్లైఓవర్ మీదుగా బుడమేరు వైపు వెళ్లాలి.
పోలీసు కంట్రోల్ రూం నుంచి గొల్లపూడి వైపు వెళ్లే వాహనాలు పోలీసు కంట్రోల్ రూం, కేఆర్ మార్కెట్, చిట్టినగర్, సితార, గొల్లపూడి మీదుగా వెళ్లాలి.
ఏలూరు రోడ్డు , బుడమేరు, అజిత్ సింగ్ నగర్ ఫ్లైఓవర్, ఆంధ్రప్రభ కాలనీ, వైవీరావు ఎస్టేట్ మీదుగా గొల్లపూడి చేరుకోవాలి.
హైదరాబాద్ నుంచి ఏలూరు వైపు వచ్చే వాహనాలు ఇబ్రహీంపట్నం, మైలవరం, నూజివీడు, హనుమాన్ జంక్షన్ మీదుగా వెళ్లాలి.
ఏలూరు నుంచి హైదరాబాద్ వైపు వచ్చే వాహనాలు హనుమాన్ జంక్షన్, నూజివీడు, మైలవరం, ఇబ్రహీంపట్నం మీదుగా వెళ్లాలి.
హైదరాబాద్ నుంచి గుంటూరు వైపు వెళ్లే భారీ వాహనాలు, ఇబ్రహీంపట్నం, జి.కొండూరు, కందులపాడు క్రాస్ రోడ్డు, కొత్తూరు తాడేపల్లి, జక్కంపూడి లేఅవుట్, పాముల కాలువ, వైవీ రావు ఎస్టేట్, రామవరప్పాడు రింగ్ నుంచి బెంజి సర్కిల్ వారధి మీదుగా వెళ్లాలి.
గుంటూరు నుంచి హైదరాబాద్ వైపు వెళ్లే భారీ వాహనాలు వారధి, బెంజి సర్కిల్, రామవరప్పాడు రింగ్, వైవీరావు ఎస్టేట్, పాముల కాలువ, జక్కంపూడి లే అవుట్, కె.తాడేపల్లి, కందులపాడు క్రాస్ రోడు, జి.కొండూరు, ఇబ్రహీంపట్నం మీదుగా వెళ్లాలి.
హైదరాబాద్ నుంచి చెన్నైకి వెళ్లే భారీ వాహనాలు నార్కెట్పల్లి, మిర్యాలగూడ, పిడుగు రాళ్ల సత్తెనపల్లి మీదుగా వెళ్లాలి.
చెన్నై నుంచి హైదరాబాద్ కు వెళ్లే భారీ వాహనాలు ఒంగోలు, మేదరమెట్ల, అద్దంకి, పిడుగురాళ్ల, మిర్యాలగూడ, నల్లగొండ, నార్కెట్పల్లి మీదుగా వెళ్ళాలి.
విశాఖపట్నం నుంచి హైదరాబాద్ కు వెళ్లే వాహనాలు దేవరపల్లి, సత్తుపల్లి, తల్లాడ, ఖమ్మం, సూర్యాపేట మీదుగా వెళ్లాల్సి ఉంటుంది.
విశాఖపట్నం నుంచి చెన్నైకు వెళ్లే వాహనాలు జంక్షన్ నుంచి గుడివాడ, పామర్రు, చల్లపల్లి, అవనిగడ్డ, బాపట్ల, ఒంగోలు మీదుగా వెళ్లాలి.
