నిన్న పవన్ కళ్యాణ్ వైజాగ్ లో, తన ఉక్రోషం మొత్తం బయటకు కక్కాడు. పెట్టిన పేరు విభజన హామీల పై కవాతు, కాని ప్రసంగం మొత్తం, ఈ సారి వెరైటీగా లోకేష్ మీద సాగింది. మధ్యలో చంద్రబాబుని తిడుతూ ఉన్నా, ఎందుకో కాని, నిన్నటి స్పీచ్ అంతా లోకేష్ మీదే విమర్శలు సందించాడు పవన్. పోనీ ఆ విమర్శలు ఏమన్నా హుందాగా ఉన్నాయా అంటే, రోడ్డు పక్కన గాలి మంద మాట్లాడుకునే మాటలు లాగా ఉన్నాయి. ప్రతి సారి, పవన్ ఇలాగే మాట్లడతాడు కాని, నిన్న మాత్రం పీక్స్ కు వెళ్ళిపోయాడు. తన ప్రతిభ, తెలివి, రెండు లక్షల పుస్తాకాల జ్ఞానం ఒకేసారి బయటకు తీసాడు. అసలు ఎందుకు మాట్లాతున్నాడో తెలీదు, ఏమి మాట్లాడుతున్నాడో తెలియదు, ఎవర్ని అంటున్నాడో తెలియదు, ఈ కన్ఫ్యూషన్ లో , ఆయన ఫాన్స్ కూడా జుట్టు పీక్కున్నారు.
ముందుగా ఫ్రాంక్లిన్ టెంపుల్టన్ గురించి చెప్పుకోవాలి. పవన్ కు, ఫ్రాంక్లిన్ టెంపుల్టన్ కు, మంచి అవినాభావ సంబంధం ఉన్నట్టు ఉంది. కొన్ని రోజుల క్రితం, ఫ్రాంక్లిన్ టెంపుల్టన్ అనేది సంస్థ కాదు, వ్యక్తి అన్నాడు పవన్. దాని పై కొన్ని కౌంటర్ లు వచ్చాయి. అయితే నిన్న పవన్ మాట్లాడుతూ, ఫ్రాంక్లిన్ టెంపుల్టన్ అనేది వ్యక్తి కాదు రా, సంస్థ రా చవటల్లారా, దద్దమ్మల్లారా అంటూ, తిట్టాడు. ఎవర్ని అన్నాడో తెలియదు కాని, చూసే అభిమానులకు మాత్రం, తనని తాను తిట్టుకుంటున్నాడా ఏంటి అని అనుకున్నారు. ఇక ఎప్పుడో చిరంజీవి కూతురు శ్రీజ, ప్రేమించి, ఢిల్లీ వెళ్ళిపోయిన సంగతి చెప్తూ, రాజకీయ నాయకులకు ఆ విషయం లింక్ పెట్టాడు. సోదరుడు కూతురు ప్రేమను కూడా రాజకీయం కోసం వాడుకోవటంతో, పవన్ ఫాన్స్ ఫ్యూజ్ లు ఎగిరిపోయాయి.
ఇక లోకేష్ సంగతికి వస్తే, లోకేష్ ఢిల్లీకి సైకిల్ యాత్ర చెయ్యాలి అంట, లోకేష్ రైలుకు ఎదురుగా వెళ్లి ఆపాలి అంట, ఇలా ఒకటి కాదు రెండు కాదు, మరీ చిల్లరతనంగా మాట్లాడాడు. శ్రీకాకుళంలో రైల్వే స్టేషన్ లేదు అన్నాడు. లక్ష ఎకారాలు విశాఖలో కబ్జా అయిపోయాయి అన్నాడు. ఇలా అనేక గుళికలు వదిలాడు. చివరగా నేను గెలవకపోయినా పరవాలేదు, మిమ్మలను గెలిపించను అంటూ ఫైనల్ ట్విస్ట్ ఇచ్చాడు. అయితే నిన్న పవన్ అలా పీక్స్ కు వెళ్లి మాట్లాడటానికి కారణం, రేణు దేశాయ్ ఇంటర్వ్యూ అనే వాదనలు వినిపిస్తున్నాయి. నేను ఎంతో ఉన్నతమైన వ్యక్తిత్వం ఉన్న వాడిని అని చెప్పుకునే పవన్ నిజ స్వరూపాన్ని, నిన్న రేణు దేశాయ్ బట్టబయలు చేసింది. అందులో ఒక 10 సెకండ్లు అయితే, మనోడు ఎంత గొప్ప వాడో అనే విషయం చెప్పింది. ఈ విషయం సోషల్ మీడియాలో ట్రెండ్ అవ్వగా, మెయిన్ స్ట్రీమ్ మీడియాలో కూడా వచ్చింది. దీంతో, తన గుట్టు బయట పడింది అనే ఫ్రస్ట్రేషన్ లో, నిన్న పవన్ కళ్యాణ్ ఆ కోపం అంతా, ఇలాంటి పిచ్చ మాటలు మాట్లాడుతూ, పీక్స్ కు వెళ్ళిపోయారు.