news

జగన్ మోహన్ రెడ్డి మూడు రాజధానుల ప్రకటన వెంటనే ఉపసంహరించుకోవాలని డిమాండ్ చేస్తూ రాజధాని అమరాతి పరిధిలో రైతులు, మహిళలు, యువత నిర్వహిస్తున్న సకల జనుల స-మ్మె రోజు రోజుకు ఉదృతం అవుతోంది. ఓ పక్క ప్రభుత్వం నియమించిన కమిటీల నివేదికలు, మరో పక్క పోలీసులు వ్యవహరిస్తున్న తీరుకు నిరసనగా చేపట్టిన మహా ధ-ర్నాలు, రహదారుల దిగ్బం-ధనాలు, రిలే దీక్ష-లతో రాజధాని ప్రాంతం మారుమోగుతుంది. పోలీసుల తీరుకు నిరసనగా రైతులు, రైతు కూలీలు శనివారం బందను చేపట్టారు. రాజధాని గ్రామాల్లో స్వచ్ఛందంగా బం-ద్ కొనసాగింది. ఈ రోజు కూడా పోలీసుల తీరుకు నిరసనగా సహాయ నిరాకరణ చేపట్టాలని రాజధాని గ్రామాల ప్రజలు నిర్ణయించారు. మంచినీరు, కాఫీ, టీలు, భోజనాది సౌకర్యాలు కల్పించకూడదని నిర్ణయించారు. చివరకు తమ దుకాణాల ముందు కూర్చోవ డానికి కూడా రైతులు ఒప్పుకోకపోవడం పరిస్థితికి అద్దం పడుతోంది. తమ గ్రామాల మీదుగా పోలీసు వాహనాలను వెళ్లకుండా అడ్డుకునే ప్రయత్నం చేశారు.

శాంతియుతంగా నిర-సన చేస్తున్న తమ పట్ల పోలీసులు అనైతికంగా వ్యవహరించారంటూ మహిళలు విరుచుకుపడ్డారు. రైతుల తీరుతో, తాగేందుకు నీళ్ళు కూడా ఇవ్వకపొవటంతో, పోలీసులు షాక్ అయ్యారు. ముఖ్యంగా మహిళా పోలీసులకు ఈ ఉదయం నుంచి తీవ్ర ఇబ్బందులు పడుతున్నారు. సహాయ నిరకరణ ఉద్య-మం అంటే ఇలా ఉంటుందా అని వాపోతున్నారు. చివరకు  తమతో మాట్లాడటానికి కూడా ప్రజలు ఇష్టపడటం లేదని, తమను చూస్తేనే ముఖం తిప్పేసుకుని వెళ్లిపోతున్నారని మహిళా పోలీసులు అంటున్నారు. ఇక చేసేది లేక, పోలీసులకు కావలసిన అవసరాలు, విజయవాడ నుంచి తెప్పించుకుంటున్నారు. మహిళలపై పోలీసులు ప్రవర్తనకు నిరసనగా మందడంలో రైతులు, మహిళలు ఉదయమే రహదారిపైకి వచ్చి బైఠా-యించి నిరసన తెలిపారు.

రహదారి అంతటా పరదాలు పరచి రాకపోకలను పూర్తిగా స్తంభింప-జేశారు. సీడి యాక్సిస్ రోడ్డుపై ఆయా ప్రాంతాలకు చెందిన రైతులు బైఠా-యించి రహదా రిని దిగ్బం-ధనం చేశారు. మహిళలపై పోలీసుల తీరుకు నిరసిస్తూ వెలగపూడి నుంచి మందడం గ్రామం వరకు మహిళలు, చిన్నారులు, రైతులు పెద్ద ఎత్తున ర్యా-లీ నిర్వహించారు. దొండపాడులో రైతు మృతికి మందడం గ్రామస్తులు సంతాపం ప్రకటించారు. మందడంలో జరిగిన మహా ధర్నాలో పీసీసీ ఉపాధ్యక్షురాలు సుంకర పద్మశ్రీ సంఘీభావం తెలిపి ప్రభుత్వ ధోరణిని ఎండగట్టారు. తాళ్లాయిపాలెంలో అంబేద్కర్, వైఎ స్ఆర్, ఎన్టీఆర్ విగ్రహాలకు ఆ ప్రాంత రైతులు, మహిళలు ప్రభుత్వం తీసుకున్న మూడు రాజధా నుల నిర్ణయాన్ని ఉప సంహరించుకోవాలంటూ వినతిపత్రాలు అందించారు.  అమరా వతి రాజధానిని కొనసాగించాలని డిమాండ్ చేశారు. అభివృద్ధి వికేంద్రీకరణకు తాము ఎటు వంటి అభ్యంతరం తెలుపమని, అన్ని ప్రాంతాలు సమాన అభివృద్ధి సాధించాలన్నదే తమ అభిమత మని స్పష్టం చేశారు.

రాష్ట్రంలో ఆర్ధిక పరిస్థితి దారుణంగా ఉందని, త్వరలోనే ఆర్ధిక ఎమర్జెన్సీ విధించే అవకాసం ఉందని, రాష్ట్ర పరిస్థితి చూస్తే అలాగే ఉందని, ఆర్టికల్ 360 కింద ఆర్ధిక అత్యవసర పరిస్థితి విధించే అవకాశాలు ఉన్నాయి అంటూ, మాజీ ఆర్ధిక మంత్రి, శాసన మండలి ప్రధాన ప్రతిపక్ష నేత యనమల సంచలన వ్యాఖ్యలు చేసారు. "గత 8నెలల్లో వైసిపి పాలనలో రాష్ట్రంలో ప్రగతి గుండుసున్నా.. ఆదాయం పడిపోవడమే కాకుండా రెవిన్యూ వ్యయం పెరిగింది. మూలధన వ్యయం రూ.10,486కోట్లు తగ్గింది. ఉద్యోగుల జీతాలు,పెన్షన్లు ఇవ్వడమే కనాకష్టం అయ్యింది. సంక్షేమంపై వ్యయం రూ.2వేల కోట్లు తగ్గించేశారు. పేదల సంక్షేమ పథకాలకు తూట్లు పొడిచారు. టిడిపి ప్రభుత్వ పథకాలను రద్దు చేశారు, కోతలు విధించారు. చేతగానితనంతో రాష్ట్రాన్ని ఆర్ధికసంక్షోభంలోకి నెట్టారు. మూలధన వ్యయంలో మూడింట 2వంతులు కోతలు. ఇలాగైతే భవిష్యత్తులో కూడా ఆదాయం పెరగదు. వచ్చే ఆదాయం అంతా జీతాలు, పెన్షన్లకే సరి..అభివృద్ది పనులకు, సంక్షేమానికి పైసా లేదు. రెవిన్యూ డెఫిసిట్, ఫిస్కల్ డెఫిసిట్ విపరీతంగా పెరిగాయి. ఆహార ద్రవ్యోల్బణం 5% పైగా పెరిగింది. తలసరి ఆదాయం రెండేళ్ల దిగువకు పడిపోయింది. ధరలు పెరిగాయి, కొనుగోలు శక్తి తగ్గింది, పొదుపుశక్తి పడిపోయింది.అటు రాష్ట్రాన్ని అధ:పాతాళంలోకి నెట్టారు. ఇటు పేదల నోటివద్ద ముద్ద నేలపాలు చేశారు. రివర్స్ టెండర్ల పేరుతో అభివృద్దిని రివర్స్ చేశారు, దానితో పేదల సంక్షేమం కూడా రివర్స్ అయ్యింది.

రాజకీయ సంక్షోభంలో వైసిపి చిక్కుకుంది. వైసిపి భవిష్యత్తు అగమ్యగోచరంగా మారింది. రాష్ట్రానికి, జాతికి సరిదిద్దలేని నష్టం చేశారు. ఒక్క ఛాన్స్ అడిగి తీసుకుని, అదీ ఎంతకాలం నిర్వాకం చేస్తారో తెలీని స్థితి..ఇన్ని సమస్యలున్నా సీఎం జగన్ చిద్విలాసంగా ఉన్నారు. పైశాచిక ఆనందంలో మునిగితేలుతున్నారు. ఒక్కఛాన్స్ వచ్చింది, రాష్ట్రాన్ని సర్వనాశనం చేశానన్న పిచ్చి ఆనందమే ఆయనకు మిగిలింది. ఈ ఏడాది బడ్జెట్ అంచనాల్లో ద్రవ్యలోటు రూ.35,260కోట్లు ఉంటే, 8నెలల్లోనే రూ.35వేల కోట్ల అప్పులు చేశారు. రాబోయే 4నెలల్లో ఇంకెంత అప్పు చేస్తారో తెలీని దుస్థితి. ఈ ఏడాది అప్పుల అంచనా రూ.68వేల కోట్లు ఉంటే, వైసిపి నిర్వాకాలతో ఎక్కడా అప్పు పుట్టని పరిస్థితి. రాష్ట్ర ఆర్ధిక పరిస్థితి చక్కదిద్దే సామర్ధ్యం వీళ్లకు లేదు. అందుకే రాష్ట్రాన్ని ఆందోళనల్లో ముంచారు. మొన్న ఇసుక కోసం ఆందోళనలు, నిన్న గిట్టుబాటు ధరల కోసం ఆందోళనలు, ఇప్పుడు రాజధాని కోసం ఆందోళనలు.. ఈ ఆందోళనలతో రాష్ట్రంలో పెట్టుబడుల వ్యతిరేక వాతావరణం..

రాజధానిపై అయోమయం సృష్టించారు. 3రాజధానులు అంటా గందరగోళం చేశారు. టిడిపి హయాంలో వచ్చిన పెట్టుబడులను తరిమేశారు. యువత ఉపాధి అవకాశాలను పోగొట్టారు. సంపద సృష్టి అవకాశాలన్నీ మూసుకుపోయాయి. అన్ని శాఖల్లో ఆర్ధిక అస్థిరత ఏర్పడింది. క్రెడిట్ అవకాశాలు నీరుగారిపోయాయి. కాబట్టి తక్షణం రాష్ట్రంలో ఆర్ధిక అత్యవసర పరిస్థితి విధించాలి. ఆర్టికల్ 360 కింద ఆర్ధిక అత్యవసర పరిస్థితి విధించాలి. వైసిపి నేతలు భూకబ్జాలు, ఇసుక దందాలు,మద్యం మాఫియాలో తలమునకలు.. రాష్ట్రాన్ని రక్షించడం వైసిపి నేతలకు ఎటూ చేతకాదు. అందుకే ప్రజలే రాష్ట్రాన్ని కాపాడుకోవాలి. ‘‘సేవ్ ఆంధ్రప్రదేశ్’’ నినాదం అన్నిచోట్ల ప్రతిధ్వనించాలి" అంటూ యనమల రామకృష్ణుడు సంచలన వ్యాఖ్యలు చేసారు.

గతంలో అమరావతి నిర్మాణం కోసం, అప్పటి రాష్ట్ర ప్రభుత్వం ప్రజల నుంచి విరాళాలు తీసుకున్న సంగతి తెలిసిందే. ఈ విరాళలతో ఏదో కట్టేయాలని కాదు, ప్రజలు అందరూ భాగస్వామ్యం అవ్వాలని, ఈ అమరావతికి నేను కూడా ఒక పది రూపాయలు ఇచ్చాను, రాష్ట్ర రాజధానికి నేను నా వంతు సహాయం చేశాను అనే భావన ప్రజలకు కలగటానికి, అప్పటి పాలకులు ఇలా చేసారు. మై బ్రిక్, మై అమరావతి పేరుతొ, 10 రూపాయల చొప్పున ఇటుక పెట్టి, సామాన్యులు కూడా కొనుక్కుని, రాజధానిలో నా భాగస్వామ్యం కూడా ఉంది అని అనుకునేలా చేసారు చంద్రబాబు. అప్పట్లో చాలా సంస్థలు కూడా స్వచ్చందంగా చందాలు పోగీసి రాష్ట్ర ప్రభుత్వానికి ఇచ్చాయి. కొత్త రాష్ట్రం, రాజధాని కట్టుకోవాలి, ఇలా అనేక విధాలుగా అలోచించి, విరాళాల రూపంలో సహాయం చేసారు. ఇదే కోవలో, ఏబీఎన్ ఆంధ్రజ్యోతి సంస్థలు కూడా, ఏపి రాజధాని పేరిట విరాళాలు ఇచ్చాయి. మొత్తం 2 కోట్ల 52 లక్షల 47 వేల 259 రూపాయలను 2014 అక్టోబరు 24వ తేదీన, అప్పటి ముఖ్యమంత్రి చంద్రబాబుకు, ఏబీఎన్ ఆర్కే ఇచ్చారు.

అయితే ఇప్పుడు రాష్ట్ర ప్రభుత్వం అమరావతిలో కేవలం అసెంబ్లీ ఉంటుంది, పరిపాలన మొత్తం వైజాగ్ కు వెళ్తుంది అంటూ, హడావిడి చేస్తుంది. ఇప్పటికే కమిటీ రిపోర్ట్ లు ఈ విధంగా వచ్చాయి. మరో కమిటీ వేసారు. అది కూడా రాగానే, క్యాబినెట్, అసెంబ్లీ, అఖిలపక్షం పెట్టి, మూడు రాజధానుల నిర్ణయం అధికారికంగా ప్రకటిస్తారు. దీంతో అమరావతిని చంపేసే పరిస్థితి తెచ్చారు. అప్పట్లో అమరావతికి విరాళాలు ఇచ్చిన వారు అందరూ, ఇప్పుడు తమ విరాళాల పరిస్థితి ఏమిటి అని అడుగుతున్నారు. తాము అప్పట్లో ఒక మంచి రాజధాని కోసం, అమరావతికి తమ భాగస్వామ్యం కూడా ఉండాలని, అప్పటి రాష్ట్ర ప్రభుత్వానికి విరాళాలు ఇచ్చామని, అంతే కాని చంద్రబాబుకు కాదని, మరి, ఇప్పుడు మా విరాళాలు సంగతి ఏమిటి అంటూ ప్రశ్నిస్తున్నారు.

ఇదే విషయం పై ఏబీఎన్ కు విరాళాలు ఇచ్చిన వారు కూడా తమను ప్రశ్నిస్తున్నారాని, అప్పట్లో 50 వేలు రూపాయలు ఇచ్చిన ఒక దాత, ఇప్పుడు మా విరాళం ఈ ప్రభుత్వం ఏమి చేస్తుంది అని అడుగుతున్నారని, ఏబీఎన్ వీకెండ్ కామెంట్ లో ఆర్కే చెప్పారు. అయితే, అలాంటి వారికి నా దగ్గర సమాధానం లేదని, తమ సంస్థని నమ్మి, అప్పట్లో ఏపి రాజధానికి విరాళాలు ఇచ్చిన వారందరికీ, నేను క్షమాపణ చెప్తున్నానని, ఇంతకు మించి నా దగ్గర కూడా ఎలాంటి సమాధానం లేదు అంటూ, ఆర్కే, తనకు విరాళం ఇచ్చిన అందరికీ, వీకెండ్ కామెంట్ బై ఆర్కే లో, బహిరంగ క్షమాపణ చెప్పారు. ఇది ఒక్క ఆర్కే సమస్య కూడా కాదు, విరాళాలు ఇచ్చిన అందరికీ, ఇప్పటి ప్రభుత్వం సమాధానం చెప్పాల్సి ఉంటుంది కూడా.