రాష్ట్రంలో ప్రతిపక్ష వైసిపి సమాధి కావడానికి ఆ ముగ్గురే కారణమా ? రాష్ట్రంలో రాజకీయాలు ఫోలో అయ్యే ఎవరైనా, ఆ ముగ్గురూ ఎవరో చెప్తారు... ఇప్పుడు రాష్ట్ర మంత్రి కూడా అదే అంటున్నారు...
వైఎస్సార్ కాంగ్రెస్ పార్టీని భూస్థాపితం చేయడానికి జగన్ కు కుడి ఎడమలుగా ఉన్న కొడాలి నాని, రోజా, చెవిరెడ్డి భాస్కర్ రెడ్డి చాలునని, వీరి దెబ్బతో ఆ పార్టీ బంగాళాఖాతంలో కలవటం ఖాయమని సమాచార, పౌర సంబంధాల శాఖ మంత్రి కాలువ శ్రీనివాసులు వ్యంగ్యా స్రాలు సంధించారు.
సిఎం క్యాంప్ కార్యాలయంలో ఏర్పాటు చేసిన విలేఖరుల సమావేశంలో ఆయన మాట్లాడుతూ ముఖ్యమంత్రి చంద్రబాబు నాయుడు రాష్ట్రంలో సంక్షేమ పథకాలు అమలు చేయటానికి, ఆర్థిక ఇబ్బందుల నుంచి రాష్ట్రాన్ని బయటపడవేసేందుకు జగన్ ఆస్తులు అప్పజెప్పాలని పిలుపుని వైకాపా నాయకులు భుజాలు తడుముకుంటున్నారు.
గతంలోనూ చంద్రబాబు పై అవినీతి ఆరోపణలు చేశారని, వైఎస్ రాజశేఖరరెడ్డి, 40 మంది కాంగ్రెస్ నాయకులు దేశంలోని అన్ని కోర్టులను ఆశ్రయించి కేసులు నిరూపించలేక ఉపసంహరించుకున్నారని గుర్తుచేశారు. రాష్ట్ర వ్యాప్తంగా ప్రభుత్వం మూడేళ్లుగా అమలు చేస్తున్న సంక్షేమ, అభివృద్ధి పనులను ప్రజలకు వివరించటానికి ఇంటింటికీ తెలుగుదేశం కార్యక్రమం చేపట్టామన్నారు.