మొన్నటి దాక అమరావతి అంటే భ్రమ్రావతి అని, అక్కడ ఏమి జరగటం లేదని, అన్నీ బొమ్మలే అంటూ, జగన మోహన్ రెడ్డి, సాక్షి చేసిన విష ప్రచారం చూసాం. అయితే వీరి నోర్లు ముపిస్తూ, చంద్రబాబు అద్భుతమైన నిర్ణయం తీసుకున్నారు. రాష్ట్రంలో ఉన్న అందరికీ ఉచితంగా అమరావతిలో జరుగుతున్న పనులు చూపిస్తున్నారు. దీంతో ఇప్పుడు అమరావతిలో, అమ్మో ఇంత పని జరిగిందా, ఇంత పని జరుగుతుందా, ఇంత పెద్ద బిల్డింగ్లు కడుతున్నారా అంటూ, ఇలాంటి మాటలే వినిపిస్తున్నాయి. ఇప్పుడు ఇదే హాట్ టాపిక్ అయ్యింది. రాష్ట్ర రాజధాని అమరావతిని సందర్శించాలనే ఉత్సాహంతో ఉన్న వారందరినీ తీసుకువెళ్లి, తీసుకురావడమే కాకుండా ఉచిత భోజన వసతిని కల్పించనుంది. విద్యార్థులకు సెట్‌వెల్‌ అధికారులు, రైతులకు వ్యవసాయ అధికారులు, పాత్రికేయులకు జిల్లా పౌర సంబంధ అధికారి బాధ్యత వహిస్తారు. వీరే ఎంపిక చేసి తీసుకెళతారు.
ప్రపంచ శ్రేణి రాజధానిని నిర్మించాలనేదే రాష్ట్ర ముఖ్యమంత్రి చంద్రబాబు నాయుడు సంకల్పం. దీనికి తగ్గట్టుగా ఇటీవలే రాజధాని నిర్మాణ పనులు శరవేగంగా సాగుతున్నాయి. ఇప్పటికే తాత్కాలిక భవనాలు ఉండనే ఉన్నా యి. ఇవి కాకుండా హైకోర్టు దగ్గర నుంచి సచివాలయం వరకు డిజైన్లను ఆమోదించారు. అంతర్జాతీయ ర్యాంకు కలిగిన డిజైన్లను ప్రభు త్వం ఆమోదించింది. ఇంకా కొత్త రాజధాని ఇంకెన్నాళ్ళు? ఎప్పటిలోపు పూర్తి చేస్తారు ? అనే ప్రశ్నలకు సమాధానంగా చలో అమరా వతికి ప్రభుత్వం శ్రీకారం చుట్టింది. ప్రత్యక్షంగా నిర్మాణ పనులను వీక్షిస్తే.. ఇప్పటికే ప్రతిపక్షాలు చేస్తున్న ఆరోపణలు కాస్తా తేలిపోతాయని, రాజధాని నిర్మాణం సజావుగా సాగుతుందన్న భావన ప్రజల్లో మరింతగా బలపడగలదని అంచనాకు వచ్చారు.
ఒక రోజు యాత్ర!.. అమరావతి యాత్రికులకు బస్సులు, భోజనం సమకూర్చే పనిని జిల్లా కలెక్టర్లకు అప్పగించారు. అధికారులు ప్రత్యేక శ్రద్ధ తీసుకోవాలని, యాత్రకు అవసరమైన నిధులను ఏపీసీఆర్డీయే నుంచి వెచ్చించాలని ప్రభుత్వం స్పష్టం చేసింది. యాత్ర ఒక రోజు ఉంటుంది. అత్యంత ప్రతిష్ఠాత్మకంగా చేపట్టిన ఈ ప్రాజెక్టులను త్వరగా పూర్తి చేసేందుకు పక్కా కార్యాచరణతో ముందుకెళ్తోంది. ప్రాజెక్టు పనులను రైతులు, యువత, విద్యార్థులతోపాటు అన్ని వర్గాల ప్రజలు ప్రత్యక్షంగా చూసి తెలుసుకునేలా యాత్రలు నిర్వహిస్తోంది. అన్ని జిల్లాల నుంచీ ప్రతిరోజూ బస్సులు, ఇతర వాహనాల్లో జనం అక్కడికి వెళ్తున్నారు. వారి నుంచి అనూహ్య స్పందన కనిపిస్తోంది. వేల మంది కార్మికులు, అధికారులు, నిపుణులు పడుతున్న శ్రమను, భారీ యంత్ర పరికరాలను, నిర్మాణ సామగ్రిని కళ్లారా చూసి మరిచిపోలేని అనుభూతిని చెందుతున్నారు.