అంబేద్కర్ ఖ్యాతిని ప్రపంచ స్థాయిలో నిలిపేలా అంబేద్కర్ స్మృతివనం నిర్మింపజేయాలని, అన్ని విధాల చర్యలు తీసుకోవడం జరుగుతోందని రాష్ట్ర సాంఘిక గిరిజన సంక్షేమ శాఖ మంత్రి నక్కా ఆరందబాబు విజయవాడ రాష్ట్ర అతిధి గ్యహంలో నిర్వహించిన విలేకరుల నమావేశంలో వెల్లడించారు.
అంబేద్కర్ 126వ జయంతి వేడుకల సందర్భంలో నవ్యాంధ్రప్రదేశ్ రాజధాని అమరావతిలో ముఖ్యమంత్రి అంబేద్కర్ స్మృతివనంకు భూమిపూజ నిర్వహించారని మంత్రి తెలిపారు. అంబేద్కర్ స్మృతివనం ప్రపంచ స్థాయి నిర్మాణాలలో ఒకటిగా నిలిపేలాగా ప్రముఖులు, ప్రజల అభిప్రాయాలను జోడించి అత్యున్నత స్థాయి నిర్మాణానికి కృషి చేస్తున్నామన్నారు.
ఇందులో భాగంగా 4 నమూనా అంబేద్కర్ స్మృతివనాలను రూపొందించడం జరిగిందన్నారు. ఆ డిజైన్ల వివరాలను వీడియో క్లిపింగ్లతో పాటు వెబ్ సైట్ ద్వారా ప్రజలకు అందుబాటులోకి తీనుకురావడం జరిగిందన్నారు. ఈ డిజైన్ లను పరిశీలించి వాటిలో అత్యుత్తమమైన వాటిని ప్రజలే ఎంపిక చేసేలాగా ఆన్లైన్ లో అందుబాటులో ఉంచామన్నారు.
http://103.210.73.30/AmbedkarSmritiVanamProject/
నాలుగు నమూనా వీడియో చిత్రాలను అందుబాటులో ఉంచామని, వాటిలో ఉత్తమమైన వాటిగా ప్రజలు గుర్తించిన దాని పై ఎంపిక చేసి అందుకు కారణాలు వ్యక్తుల వివరాలు తెలియజేసే సౌలభ్యాన్ని కలుగజేస్తున్నామన్నారు.
అంబేద్కర్ స్మృతివనం ప్రాజెక్ట్ లో భాగంగా 125 అడుగుల అమెడ్కర్ విగ్రహం, 5oo మంది కూర్చునేలాగా బుద్ధిస్ట్ జ్ఞాన కేంద్రం, 10 వేల పుస్తకాలు, చేతి వ్రాతలు, నివేదిక రూపంలో ఉన్న సిడీలు, ఆడియో కాసెట్లతో అంబేద్కర్ మొమోరియల్ లైబ్రరీని ఏర్పాటు చేస్తామన్నారు. అంబేద్కర్ మొమోరియల్ హాల్లో 500 మందితో సమావేశాలు నిర్వహించే నిర్మాణాన్ని చేపడుతున్నామన్నారు. బహుళార్ధక ఉపయోగకరంగా ఉండే 3 వేల మంది పట్టేలాగా కన్వెషన్ హాలు నిర్మిస్తున్నామన్నారు. 2 వేల మంది జనాభా పట్టేలాగా ఒపెన్ ఎయిర్ ధియేటర్ నిర్మాణం కూడా స్మృతివనంలో భాగంగా నిర్మిస్తామన్నారు.
ఈ డిజైన్ లు, మీరు చూసి ఫీడ్ బ్యాక్ ఇవ్వండి...
http://103.210.73.30/AmbedkarSmritiVanamProject/