కేంద్రం పై తీవ్ర అసంతృప్తిలో ఉన్న ఆంధ్రప్రదేశ్ ముఖ్యమంత్రి చంద్రబాబు నాయుడు, రాజకీయ నిర్ణయం తీసుకుంటాం అంటూ, సంకేతాలు ఇవ్వటంతో, ఇప్పటికే బీజేపీ - టిడిపి పొత్తు పై నేషనల్ మీడియాలో హడావిడి మొదలైంది... ఒక పక్క చంద్రబాబు, అనూహ్యంగా శివసేన అధ్యక్షుడు ఉద్దవ్ థాక్రేతో ఫోన్ లో మాట్లాడటం, చర్చనీయంసం అయ్యింది.. చంద్రబాబు ఇంత దూకుడుగా వెళ్తారని ఊహించని బీజేపీ, ఈ పరిణామంతో అవాక్కయింది... వెంటనే, బీజేపీ రాష్ట్ర అధ్యక్షుడు, అమిత్ షా రంగంలోకి దిగారు.. చంద్రబాబుని బుజ్జగించే ప్రయత్నం చేస్తున్నారు...
అమిత్ షా ఫోన్ చేసి, చంద్రబాబుతో మాట్లాడారు... తెలుగుదేశం పార్టీ పార్లమెంటరీ సమావేశంలో తీవ్రమైన నిర్ణయాలు తీసుకోవద్దని కోరారు. త్వరలోనే అన్ని విషయాలపై చర్చిద్దామని అమిత్‌షా అన్నారు... మీరు కోరినట్టే చేద్దాం అని, చర్చిద్దాం అని, తొందరపడవద్దు అంటూ, చంద్రబాబుని బుజ్జగించే ప్రయత్నం మొదలైంది... మొన్నటిదాకా ఒక రాష్ట్ర ముఖ్యమంత్రికి, అపాయింట్మెంట్ కూడా ఇవ్వని బీజేపీ నేతలు, ఇప్పుడు భూమి పైకి వచ్చి, మనల్నే బుజ్జగిస్తున్నారు... ఇదే కర్మ సిద్దాంతం అంటే...
బీజేపీతో ఇంకా కలిసుండాలా? తెగదెంపులు చేసుకోవాలా? అన్న అంశంపైనే చంద్రబాబు, ఎంపీలు, మంత్రులతో చర్చించనుండగా, చర్చల అనంతరం చంద్రబాబు ఏ నిర్ణయం తీసుకుంటారోనన్న తీవ్ర ఉత్కంఠ నెలకొంది. పేరుకు పార్లమెంట్ బడ్జెట్ సమావేశాల్లో అనుసరించాల్సిన వ్యూహంపై చర్చ సాగుతుందని చెబుతున్నా, విభజన చట్టాన్ని సక్రమంగా అమలు చేయక పోవడం, కేంద్రం ఇచ్చిన హామీలు నెరవేరక పోవడంపై ప్రజల్లో ఉన్న అసంతృప్తి, వీటి అన్నిటి పై వాడివేడిగా చర్చలు సాగుతున్నాయి...