వైఎస్ఆర్ కాంగ్రెస్ పార్టీ ఎమ్మెల్సీ అనంతబాబుకు ఎట్టకేలకు సుప్రీం కోర్టు డీఫాల్ట్ బెయిల్ మంజూరు చేసింది. డ్రైవర్ సుబ్రహ్మణ్యం హ-త్య కేసులో అనంతబాబు నిందితుడిగా ఉన్న సంగతి తెలిసిందే. అనంతబాబు డీఫాల్ట్ బెయిల్ పిటీషన్ పై, ఈ రోజు సుప్రీం కోర్టులో వాదనలు జరిగాయి. వదనలు విన్న అనంతరం సుప్రీం కోర్ట్ బెయిల్ ఇచ్చింది. ఈ ఏడాది మే 23న పోలీసులు అనంతబాబును అరెస్ట్ చేసారు. అప్పటి నుంచి అతను రాజమండ్రి జైలులో ఉన్నారు. కింద కోర్ట్ బెయిల్ ని నాలుగు సార్లు తిరస్కరించింది. ఆ తరువాత హైకోర్టు కూడా తిరస్కరించింది. దీని పైన ఆయన సుప్రీం కోర్టులో సవాల్ చేయగా, ఎట్టకేలకు సుప్రీంలో బెయిల్ వచ్చింది. అయితే ఈ కేసులో మొదట అనంతబాబు పై కేసు పెట్టలేదు. ఆందోళనలు తరువాతే కేసు పెట్టారు. అయితే పోలీసులు కూడా ఈ కేసులో సరిగ్గా చార్జ్ షీట్ వేయలేదు అనే విమర్శలు వచ్చాయి. దాదపుగా ఆరు నెలలు అనంతబాబు జైల్లో ఉన్నారు. అయితే ఈ తీర్పు ఇస్తూ, రాష్ట్ర ప్రభుత్వం చార్జిషీట్ పదే పదే ఉపసంహరించుకోవడంపై సుప్రీం కోర్టు తీవ్ర ఆగ్రహం వ్యక్తం చేసింది. దీంతో ఏపి ప్రభుత్వం ఖంగుతింది. అనంతబాబుని రక్షిస్తున్నారు అంటూ, ప్రతిపక్షాలు చేస్తున్న ఆరోపణలు, సుప్రీం వ్యాఖ్యలతో నిజం అయ్యాయి...