దేశంలో ఏ అవార్డు ఇచ్చినా, ఆంధ్రప్రదేశ్ కు ఫస్ట్ ర్యాంక్ రావటం, చాలా సాధారణం అయిపొయింది. తాజాగా మరో టాప్ ర్యాంక్ కొట్టేసింది ఏపి. ఉపాధి హామీ పథకం అమలులో ఉత్తమ రాష్ట్రాలకు అవార్డులను కేంద్ర పంచాయతీ రాజ్,గ్రామీణాభివృద్ధి శాఖ ప్రకటించగా, ఆంధ్రప్రదేశ్ అత్యధికంగా 10 అవార్డులు కొల్లగొట్టింది. 7 అవార్డులతో పశ్చిమ బెంగాల్, రెండోవ స్థానం దక్కించుకుంది. ఆంధ్రప్రదేశ్ రాష్ట్రానికి, మొత్తం 9 క్యాటగిరిల్లో అవార్డులు వచ్చాయి. పాదర్శకత, జవాబుదారీతనంలో ఏపీకి మొదటి స్థానం, గ్రామాల్లో మౌలిక వసతుల కల్పనలో ఏపీకి రెండో స్థానం, గుడ్‌గవర్నెన్స్‌ అమలులో నాలుగో స్థానం దక్కింది. ఎక్కువ పనులు పూర్తి చేయడంలో మూడో స్థానం లభించింది. ఉత్తమ గ్రామంగా చిత్తూరు జిల్లాలోని కోటబైలు గ్రామం ఎంపికైంది.
ఉపాధి హామీ పథకం అమలులో ఉత్తమ ప్రతిభ కనబర్చిన కర్నూలు జిల్లాకు చెందిన రాంబాబుకు అవార్డు దక్కింది. 7 అవార్డులతో బంగాల్‌ రెండో స్థానంలో నిలించింది. సెప్టెంబర్‌ 11న ఢిల్లీ విజ్ఞాన్‌భవన్‌లో అవార్డుల ప్రదానం చేయనున్నారు. ఇటీవల దేశవ్యాప్తంగా స్వచ్ఛ సర్వేక్షణలో సత్తా చాటిన నగరాలు, మున్సిపాలిటీలకు కేంద్రం ప్రభుత్వం అవార్డులు అందజేసింది. మధ్యప్రదేశ్‌లో ఇండోర్‌లో జరిగిన ఈ కార్యక్రమంలో ప్రధాని నరేంద్ర మోదీ పాల్గొన్నారు. ఈ పోటీల్లో ఆంధ్రప్రదేశ్ సత్తా చాటింది. తొలి 300 ర్యాంకుల్లో 31 ర్యాంకులు సాధించిన విషయం తెలిసిందే. కేంద్ర పట్టణాభివృద్ధి శాఖ ప్రకటించిన స్వచ్ఛ సర్వేక్షణ్‌ ర్యాంకుల్లో లక్షకు పైబడిన జనాభా విభాగంలోని తొలి 100స్థానాల్లో ఐదు పురస్కారాలు లభించాయి.