వెంకయ్య నాయుడు, మొన్నటి వరకు కేంద్రంలో రాష్ట్రానికి కావాల్సిన సహాయం చేసిన కేంద్ర మంత్రి... తన సొంత శాఖలోనే కాక, మిగతా శాఖల్లో రాష్ట్రానికి సంబంధించిన పనులు చూసుకునే వారు... ఆయన ప్రాతినిధ్యం వహించిన పట్టణాభివృద్ధి శాఖలో చేతనైన సహాయం చేశారు... రాష్ట్రానికి ఇళ్ళ కేటాయింపు, అండర్గ్రౌండ్ డ్రైనేజికి నిధులు, అమరావతికి స్మార్ట్ సిటీ హోదా... ఇలా ఎన్నో పనులు చూసుకునే వారు...
ఇప్పుడు ఉప-రాష్ట్రపతిగా వెళ్ళిపోయిన తరువాత, కేంద్రంలో పనులు అనుకున్నంత స్పీడ్ గా జరగటం లేదు అని, రాష్ట్రంలోని అధికారులు, మంత్రులు అంటున్నారు... మంత్రి నారాయణ, నిన్న నెల్లూరులో మాట్లాడుతూ, కేంద్ర కేబినెట్‌లో వెంకయ్యనాయుడు లేని లోటు స్పష్టంగా కనిపిస్తోందని చెప్పారు..
కేంద్ర పట్టణాభివృద్ధి శాఖమంత్రిగా వెంకయ్యనాయుడు ఉన్నప్పుడు పనుల నిమిత్తం ఢిల్లీ వస్తున్నానని ఆయనకు ఫోన్‌ చేస్తే... ‘సమయం వృథా ఎందుకు? ఆ పని నేను చేయిస్తాలే’ అనేవారని గుర్తు చేసుకున్నారు. ఇప్పుడు ప్రతి పనికీ ఢిల్లీకి వెళ్లాల్సి వస్తోందన్నారు...