వైఎస్ వివేకానంద‌రెడ్డి హ-త్య కేసు విచార‌ణ‌లో ఇన్నాళ్లూ సీబీఐ సాధించిన పురోగ‌తి ఒక ఎత్తు అయితే, అవినాశ్ రెడ్డి విచార‌ణ‌తో ఒక్క‌సారిగా కేసు చిక్కుముడి వీడిపోయే క్లూల‌ను సంపాదించింది. సీబీఐ ఎప్ప‌టి నుంచో అరెస్టు చేయొచ్చ‌నే అనుమానాల నేప‌థ్యంలో ఎట్ట‌కేల‌కు అవినాశ్ రెడ్డిని సీబీఐ ప్ర‌శ్నించింది. 2019లో వివేకా హ-త్య జ‌రిగితే ఏపీ పోలీసు ద‌ర్యాప్తుని ముందుకు సాగ‌నీయ‌లేదు కొన్ని శ‌క్తులు. అలాగ‌ని సీబీఐ ద‌ర్యాప్తుకి దిగితే వారిపైనే రివ‌ర్స్ కేసులు బ‌నాయించి బెదిరించారు. దీనిపై సుప్రీంకోర్టు స్ప‌ష్ట‌మైన ఆదేశాల‌తో కేసు విచార‌ణ తెలంగాణ రాష్ట్రానికి బ‌దిలీ అయ్యింది. ఇక్క‌డి నుంచి కేసు విచార‌ణ వేగం అందుకుంది. అవినాశ్ రెడ్డిని ఐదు గంట‌ల‌కు పైగానే విచారించిన సీబీఐ, కాల్ డేటాని ముందు పెట్టి ఉక్కిరి బిక్కిరి చేసింద‌ని వివిధ ప‌త్రిక‌ల్లో ప్ర‌త్యేక క‌థ‌నాలు వ‌చ్చాయి. వివేకా హ-త్య జరిగిన రోజు అవినాశ్ రెడ్డి రెండు నంబ‌ర్ల‌కు చేసిన కాల్స్ ఇప్పుడు ద‌ర్యాప్తులో కీల‌కం అయ్యాయి. ఈ రెండు నంబ‌ర్లు ఒక‌టి న‌వీన్ ద‌ని, ఇంకొక‌టి తాడేప‌ల్లి ప్యాలెస్ నంబ‌రే కావ‌డం సీబీఐ అనుమానాల‌కు బ‌లం చేకూరుతోంది. సీఎం జగన్ మోహ‌న్ రెడ్డి భార్య భారతితో మాట్లాడాలంటే న‌వీన్ నంబర్‌కే చేస్తాన‌ని అవినాశ్ రెడ్డి సీబీఐ ముందు వెల్ల‌డించాడ‌ని ఆంధ్ర‌జ్యోతి క‌థ‌నం కుమ్మేసింది. .జగన్ తో మాట్లాడాలంటే మ‌రో నంబ‌ర్ ఉప‌యోగించాన‌ని అవినాశ్ రెడ్డి చేప్ప‌డంతో ఈ కేసులో చిక్కుముడులు దాదాపు వీడిపోయిన‌ట్టేన‌ని విశ్లేష‌కులు భావిస్తున్నారు. భార‌తి జగన్ భార్య కాక‌ముందే అవినాశ్ రెడ్డి మేన‌త్త కూతురు. భార‌తి, అవినాశ్ రెడ్డి బంధుత్వం పులివెందుల ప్రాంతీయుల‌కు బాగా తెలుసు. భార‌తి తండ్రి ఈసీ గంగిరెడ్డి వైఎస్ రాజ‌శేఖర్ రెడ్డితో వియ్యం అందుకున్నాడు. వైఎస్ వివేకానంద‌రెడ్డి గుండెపోటుతో చ‌నిపోయార‌ని అవినాశ్ రెడ్డి ప్ర‌చారం చేయ‌డం, గంగిరెడ్డి వివేకా గుండెపోటుకి కుట్లు వేయ‌డం, అనంత‌రం అనుమానాస్ప‌ద మ‌ర‌ణం ఇవ్వ‌న్నీ గొలుసుక‌ట్టు అనుమానాలు ఒకేచోటుకి చేరుతున్నాయి. అవినాశ్ రెడ్డి త‌న త‌మ్ముడ‌ని, వివేకానంద‌రెడ్డి త‌న సొంత బాబాయ్ అని..ఒక క‌న్ను మ‌రోక‌న్నుని పొడుస్తుందా అని ప్ర‌శ్నించిన వైఎస్ జగన్ మోహ‌న్ రెడ్డి దంపతుల‌కు వివేకానంద‌రెడ్డి హ-త్య‌రోజు అన్ని కాల్స్ అవినాశ్ రెడ్డి ఎందుకు చేశార‌నే దానిపైనే ఇప్పుడు సీబీఐ ఫోకస్ పెట్టింది.