దేశ వ్యాప్తంగా 40 వేల మంది దగ్గర డబ్బులు కొట్టేసి, 300 కోట్ల స్వాహా చేసిన, మోసగాడి కోసం ఢిల్లీ పోలీసులు వెతుకుతున్న అతనితో, ఆంధ్రప్రదేశ్ ప్రతి పక్ష నేత వైఎస్ జగన్ తో పాటు, వైఎస్ఆర్ కాంగ్రెస్ ముఖ్య నాయకులు అందరితో, తాను ఇదివరకు చనువుగా ఉన్న ఫోటోలు బయట పడటం సంచలనం అయ్యింది... వివరాల లోకి వెళితే రూ. 300 కోట్ల భారీ కుంభకోణంలో ప్రకాశం జిల్లాకి చెందినా వైకాపా నేత సైకం రామకృష్ణ రెడ్డి పోలీసులకు చిక్కాడు. ఈయన వైసీపీ తమిళనాడు విభాగం సేవాదళ్‌కు అధికార ప్రతినిధిగా కూడా చేశారు, ఇప్పుడు కనిగిరి ఎమ్మల్యే అభ్యర్ధిని అని చెప్పుకుని తిరుగుతున్నారు..
తొలుత ప్రకాశం జిల్లా కనిగిరిలోనే తన దుకాణం తెరిచాడు. అయితే ఆంధ్రప్రదేశ్ పోలీసులు ఆర్‌బీఐ అనుమతులు చూపాల్సిందిగా నిలదీయడంతో వెనక్కు తగ్గి అనంతరం హైదరాబాద్ టీ హబ్ లో దుకాణం తెరిచాడు.. పోలీసులు తెలిపిన వివారాల ప్రకారం ఆంధ్రప్రదేశ్, తెలంగాణ, తమిళనాడుతో పాటు…ఢిల్లీ వరకూ 28 వేల మంది నుంచి రూ.200 కోట్లు వసూలు చేశాడు. కాని ఇప్పుడు ఆ లెక్క 40 వేల మంది అని, దాదాపు ౩౦౦ కోట్ల స్కాం అని తేలింది... కొద్ది రోజుల నుంచి తప్పించుకుని తిరుగుతున్నాడు. భాధితుల ఫిర్యాదు మేరకు, ఫలితంగా బరిలోకి దిగిన ఢిల్లీ పోలీసులు తెలుగు రాష్ట్రాల డీజీపీలకు ఫిర్యాదు చేశారు.
మన దేశంలో బిట్‌ కాయిన్‌ పద్దతి లేదు. కానీ వారిని నమ్మించి పెట్టుబడులు రాబట్టాడు. పెట్టుబడి పెట్టిన వారు ఆరా తీస్తే అసలు విషయాలు వెలుగులోకి వచ్చాయి. ఆదాయపు పన్ను శాఖ దాడులు చేస్తోందని అందుకే కొన్నాళ్లు ఆగాలని అబద్దం చెప్పాడు. కొన్ని రోజుల తర్వాత ఆ ఫోన్‌ నెంబర్లు ఆఫ్‌ చేశాడు. ఫలితంగా నోయిడాకు చెందిన సుమిత్‌ అతని స్నేహితులు ఢిల్లీ సైబర్‌ పోలీసులకు ఫిర్యాదు చేశారు. అయితే ఈ విషయం తెలిసిన వైఎస్ఆర్ పార్టీ, అతనికి, పార్టీకి సంబంధం లేదు అని చెప్పింది... కాని, ఇప్పుడు బయటకు వస్తున్నా ఫోటోలు ఆశ్చర్యానికి గురి చేస్తున్నాయి... జగన్ పక్కన ఒక రూమ్ లో కూర్చుని వన్ టు వన్ మాట్లాడుతున్నాడు అంటే, ఇతను జగన్ కు ఎంత చనువుగా ఉండే వాడో అర్ధమవుతుంది. అంతే కాదు, రోజా, చెవి రెడ్డి, వైవి సుబ్బా రెడ్డి (ఇతనే ఆ కంపెనీ ఓపెనింగ్ కి వచ్చారు అనే వార్తలు కూడా ఉన్నాయి), విజయసాయి రెడ్డి, ఇలా అందరి నాయకులతో చనువుగా ఉంటున్నా, వైఎస్ఆర్ పార్టీ మాత్రం, ఈ స్కాం బయట పడగానే, మాకు సంభందం లేదు అంటుంది... ఈ కంపనీతో, వైఎస్ఆర్ పార్టీ బడా నేతల హస్తం కూడా ఉంది అని వార్తలు వస్తున్నాయి... పోలీసులు ముందు ఈ సైకం రామకృష్ణ రెడ్డి కోసం వెతుకుతున్నారు... ఈయన దొరికితే, ఆ బడా నేతలు ఎవరు అనేది బయట పడనుంది...