విశాఖపట్నంలోని, నర్సీపట్నం ఏరియా హాస్పిటల్ లో డాక్టర్ గా పని చేస్తున్న, డాక్టర్ సుధాకర్ మాస్కు అడగటం, తరువాత మీడియా ముందు మాస్కులు ఇవ్వటం లేదు, డాక్టర్లు మాస్కులు లేవు కాని, నాయకులకు మాస్కులు ఉంటున్నాయి అంటూ, మీడియా ముందు గోడు చెప్పుకోవటంతో, డాక్టర్ సుధాకర్ పై క్రమశిక్షణ చర్యలు తీసుకుని, ఆయన్ను సస్పెండ్ చేసిన సంగతి తెలిసిందే. తరువాత ఆయన కొడుకు పై కేసు పెట్టటం, ఆ గొడవ మర్చిపోక ముందే, డాక్టర్ సుధాకర్ ని చొక్కా లేకుండా రోడ్డు మీద చేతులు కట్టేసి, కొట్టి, పోలీస్ స్టేషన్ కు తీసుకువెళ్ళటం, తరువాత ఆయనకు మెంటల్ అని చెప్పి, మెంటల్ హాస్పిటల్ లో పెట్టటం తెలిసిందే. తరువాత ఈ కేసు హైకోర్ట్ దగ్గరకు వెళ్ళటం, అలాగే హైకోర్ట్ ఈ కేసు పై ప్రభుత్వం చెప్తున్న వాదన, అలాగే న్యాయవాది ఇచ్చిన రిపోర్ట్ లో తేడా ఉండటంతో, అలాగే విశాఖ పోలీసులు పైనే అబియోగాలు ఉండటంతో, ఈ కేసు విచారణను, సిబిఐకి అప్పగిస్తూ సంచలన నిర్ణయం తీసుకుంది.
అయితే ఈ ఘటన పై అటు ప్రభుత్వం, అలాగే విశాఖ పోలీసులు కూడా ఏమి జరుగుతుందా అని చూస్తూ ఉండగా, ఇప్పుడు డాక్టర్ సుధాకర్ కు మెంటల్ అంటూ చెప్పిన డాక్టర్లకు కూడా టెన్షన్ మొదలైంది. సిబిఐ ఎంటర్ అయితే, కొన్ని ప్రశ్నలకు ఏమి సమాధానం చెప్పాలి అనే దాని పై, కొంత మంది వైద్యులు టెన్షన్ పడుతున్నారు. దానికి కారణం లేకపోలేదు. సుధాకర్ ని అరెస్ట్ చేసి, పోలీస్ స్టేషన్ కు తీసుకు వెళ్లారు. అక్కడ నుంచి హాస్పిటల్ కు తీసుకు వెళ్ళిన కొద్ది సేపటికే, ఆయనకు పిచ్చి అంటూ, డాక్టర్లు చెప్పినట్టు, వార్తలు వచ్చాయి. ఒక నోట్ కూడా మీడియాలో తిరిగింది. అయితే, కొద్ది సేపటికే, ఎలా ఆయనకు పిచ్చి ఉంది అని నిర్ధారించారు అనేది ఆశ్చర్యంగా ఉంది.
మెంటల్ హాస్పిటల్ కు తీసుకు వెళ్ళిన కొద్ది సేపటికే, ఎలా వైద్యులు నిర్ధారించారు అనేది తెలియాల్సి ఉంది. ఇలాంటి కేసుల్లో, హాస్పిటల్ లో చేర్చుకోవాలి అంటే, మెంటల్ హెల్త్‌ కేర్‌ యాక్ట్‌-2017 ప్రకారం మేజిస్ర్టేట్‌ రిసెప్షన్‌ ఆర్డర్‌ తీసుకువాల్సి ఉంటుంది. అలాగే ఏదైనా మానసిక వ్యాధి ఉంటే, అది నిర్దారించటానికి 48 గంటలు డాక్టర్ల పర్యవేక్షణలో తేల్చాలి. ఆ తరువాత మెడికల్ బోర్డు ఏర్పాటు చేసి, సమస్య ఉందని నిర్ధారించాలి. అయితే డాక్టర్ సుధాకర్ విషయంలో, ఇవేమీ పాటించుకుండా, కేవలం గంటల్లోనే చెప్పేశారు. అయితే ఇది డాక్టర్లు ఎందుకు చేసారు, ఎవరైనా ఒత్తిడి చేసారా, ఇలాంటి ప్రశ్నలు ఇప్పుడు సిబిఐ అడిగే అవకాసం ఉండటంతో, మొత్తం వ్యవహారం ఇప్పుడు సస్పెన్స్ లో పడింది.