ప్రముఖ వ్యాపారవేత్త, ఈనాడు సంస్థల అధినేత రామోజీ రావు మనవరాలు వివాహం హైదరాబాద్‌లో ఘనంగా జరిగింది. ఈ వివాహానికి ప్రముఖ వ్యాపారవేత్తలు, రాజకీయ నేతలు, సినీ నటులు పెద్ద ఎత్తున హాజరయ్యారు. అలాగే.. ఏపీ సీఎం చంద్రబాబు, జనసేన పార్టీ అధ్యక్షుడు పవన్ కళ్యాణ్ కూడా హాజరయ్యారు. ఇరువురూ ఒకేసారి ఎదురుపడడంతో చిరునవ్వులతో పలకరించుకున్నారు. వధూవరులను ఆశీర్వదించి, తిరుమల శ్రీవారి ప్రసాదాలను బహుమతిగా అందించిన చంద్రబాబు, వేదిక దిగగానే పవన్ కల్యాణ్ ఎదురు పడ్డారు. ఇరువురూ నమస్కార, ప్రతినమస్కారాలు చేసుకుంటూ మాట్లాడుకున్నారు. అయితే.. గత సంవత్సరంలో అమరావతిలో ఓ ఆలయ విగ్రహ ప్రతిష్టలో కలుసుకున్న వీరిద్దరూ మళ్లీ ఎదురెదురుగా తారసపడటం ఇదే తొలిసారి.
భారత ఉపరాష్ట్రపతి వెంకయ్యనాయుడు, గవర్నర్‌ నరసింహన్‌, ఏపీ ముఖ్యమంత్రి చంద్రబాబు దంపతులు, తెలంగాణ ముఖ్యమంత్రి కేసీఆర్‌, సుప్రీం కోర్టు విశ్రాంత న్యాయమూర్తి జస్టిస్‌ జాస్తి చలమేశ్వర్‌, సుప్రీం కోర్టు న్యాయమూర్తి జస్టిస్‌ ఎన్వీ రమణ, మాజీ క్రికెటర్‌ కపిల్‌ దేవ్‌, సీవీసీ కేవీ చౌదరి, మహారాష్ట్ర గవర్నర్‌ విద్యాసాగర్‌ రావు, జనసేన అధినేత పవన్ కల్యాణ్, లోకేశ్‌ దంపతులు, ఏపీ డీజీపీ ఆర్పీ ఠాకూర్‌ తదితర ప్రముఖులు విచ్చేశారు. ఏపీ సభాపతి కోడెల శివప్రసాదరావు, తెలంగాణ సభాపతి పోచారం శ్రీనివాసరెడ్డి, విజయ సాయిరెడ్డి, హరీశ్‌రావు, టీపీసీసీ అధ్యక్షుడు ఉత్తమ్‌ కుమార్‌రెడ్డి, మంత్రి నారాయణ, సీబీఐ మాజీ జేడీ లక్ష్మీ నారాయణ, కేశినేని నాని, ఎల్‌ రమణ, మహమూద్‌ అలీ, సుబ్బరామిరెడ్డి, తుమ్మల నాగేశ్వరరావు, దేవినేని ఉమ, గంటా శ్రీనివాసరావు, మండలి బుద్ధ ప్రసాద్‌, జయ ప్రకాశ్‌ నారాయణ, దగ్గుబాటి వెంకటేశ్వరరావు, పురందేశ్వరి, ఎర్రబెల్లి దయాకర్‌ రావు, జగదీశ్‌రెడ్డి, జి.వివేక్‌, కొండ్రు మురళి, తలసాని శ్రీనివాస్‌ యాదవ్‌, పరిటాల సునీత, కొనకళ్ల నారాయణ తదితరులు తరలివచ్చారు.
సినీ ప్రముఖులు.. చిరంజీవి దంపతులు, వెంకటేశ్‌, రాఘవేంద్రరావు, కృష్ణ, కృష్ణం రాజు దంపతులు, అల్లు అరవింద్‌, త్రివిక్రమ్‌ శ్రీనివాస్‌, నరేశ్‌, దగ్గుబాటి సురేశ్‌, శ్యాంప్రసాద్‌ రెడ్డి, అక్కినేని అమల, రాజేంద్ర ప్రసాద్‌, ఎస్వీ కృష్ణారెడ్డి, బ్రహ్మానందం, బోయపాటి శ్రీనివాస్‌, ఎం.ఎం. కీరవాణి, అచ్చిరెడ్డి, చలపతిరావు, ఆర్‌.నారాయణమూర్తి, శోభు యార్లగడ్డ, బీవీఎస్‌ఎన్‌ ప్రసాద్‌, సునీల్‌, శ్రీను వైట్ల, సుశాంత్‌, కోటి, కోట శ్రీనివాసరావు, వందేమాతరం శ్రీనివాస్‌, చంద్రబోస్‌ తదితరులు హాజరయ్యారు. పారిశ్రామిక వేత్తలు.. జూపల్లి రామేశ్వరరావు, గ్రంథి మల్లికార్జునరావు, గీతం విద్యా సంస్థల అధినేత శ్రీభరత్‌, ఆంధ్రజ్యోతి ఎండీ రాధాకృష్ణ, పొట్లూరి వర ప్రసాద్‌, ప్రముఖ వైద్యులు పావులూరి కృష్ణ చౌదరి, ఆప్కాబ్‌ ఛైర్మన్‌ పిన్నమనేని వెంకటేశ్వరరావు తదితరులు ప్రముఖులు వేడుకకు హాజరయ్యారు.