చంద్రబాబు షాకింగ్ డెసిషన్ తీసుకోనున్నారా ? దేశంలోనే ఇప్పటి వరకు ఎవరూ తీసుకోని సాహసోపేతమైన నిర్ణయం తీసుకోనున్నారా ? ఈ డెసిషన్ తీసుకుంటే, ప్రజా ప్రతినిధులు ఊరుకుంటారా ? ఇంతకీ ఆ సాహసోపేతమైన నిర్ణయం ఏంటి అనుకుంటున్నారా ? ఇది సాక్షాత్తు మంత్రి భూమా అఖిల ప్రియ చెప్పిన విషయం... మంత్రులు, ఎమ్మెల్యేలు, ఎమ్మెల్సీల పిల్లలు గవర్నమెంట్ స్కూల్లోనే చదవాలని చట్టం తెస్తున్నామన్నారు ఆంధ్రప్రదేశ్ మంత్రి భూమా అఖిలప్రియ. కేబినెట్‌ భేటీలో ముఖ్యమంత్రి చంద్రబాబాబు కూడా దీనిపై చర్చించారని ఆమె చెప్పారు. ఇందులో భాగంగానే ప్రభుత్వ పాఠశాలలను డిజిటలైజ్‌ చేస్తున్నామని ఆమె పేర్కొన్నారు.
మంత్రి, అఖిల ప్రియ ఈ విషయం బహిరంగ సమావేశంలో చెప్పి నిజంగానే సంచలనం సృష్టించారు అని చెప్పాలి. ముఖ్యమంత్రి చంద్రబాబు నాయుడు జి.ఒ.ను విడుదల చేయబోతున్నారని, ప్రజా ప్రతినిధులు తమ పిల్లలు చదువు కోసం ఇక ప్రభుత్వ పాఠశాలకు పంపించాలనే నిబంధన తీసుకువస్తున్నాం అని చెప్పారు... నిజానికి ఇది కనుక అమలు చేస్తే, ఇది సంచలనాత్మక నిర్ణయం అవుతుంది. రాష్ట్రంలోనే కాదు, దేశంలోనే ఒక సెన్సేషన్ అవుతుంది... ప్రభుత్వ స్కూల్స్ అంటే, పేదలు చదువుకునే స్కూల్ మాత్రమే అనే భావన ప్రజల్లో ఉంది... పేదలు కూడా గవర్నమెంట్ స్కూల్స్ కాకుండా, ప్రైవేటు స్కూల్స్ లో చదివిస్తున్న పరిస్థితి..
అయితే ఈ నిర్ణయం పై ప్రజా ప్రతినిధులు ఎలా స్పందిస్తారు అనే విషయం ఇప్పుడు చర్చనీయాంసం అయ్యింది.... తమ పిల్లలను ప్రభుత్వ స్కూల్స్ కి పంపించటానికి, వీరు ఒప్పుకుంటారా ? చంద్రబాబు మీద ఒత్తిడి తెచ్చి ఈ నిర్ణయం అమలు కాకుండా చేస్తారా ? లేక చంద్రబాబు అనుకున్నది చేస్తారా ? ఇలా అమలు అయితే చంద్రబాబు సొంత మనవడు కూడా ఇలాగే గవర్నమెంట్ స్కూల్స్ కి వెళ్ళాల్సిన పరిస్థితి ఉంటుంది... ఇప్పుడు ప్రైవేటు స్కూల్స్ కి ధీటుగా ప్రభుత్వ స్కూల్స్ తయారు చేస్తున్నారు...