రెండు రోజుల క్రితం, మన రాష్ట్రం నుంచి మంత్రి బాలినేని స్టిక్కర్ ఉన్న కారులో, 5 కోట్లు తరలిస్తూ ఉండగా, తమిళనాడు సరిహద్దులో తమిళనాడు పోలీసులు పట్టుకున్న విషయం తెలిసిందే. అయితే ఇవి ఒంగోలులని ఒక వైసిపీ నాయాకుడువి అని, అవి బంగారం కొనటానికి వెళ్తున్నాం అని చెప్తున్నారు. అయితే 5 కోట్లు క్యాష్ అలా తీసుకువెళ్ళి, ఏది కొనుగోలు చెయ్యకుడదు అనే నిబంధన ఉండటంతో, అవన్నీ కట్టుకధలే అని అర్ధం అవుతుంది. మరో పక్క ఈ వ్యవహారంలో తమిళనాడు మీడియా మొదటి నుంచి బాలినేని పేరు ప్రస్తావిస్తూ వస్తుంది. దీంతో ప్రతిపక్ష పార్టీలు, మంత్రి బాలినేనిని టార్గెట్ చేసాయి. ఈ క్రమంలోనే, తెలుగుదేశం పార్టీకి చెందిన ఒక కార్యకర్తని టార్గెట్ చేస్తూ వైసిపీ చేస్తున్న అరాచకం పై చంద్రబాబు ఒక సంచలన వీడియో పోస్ట్ చేసారు. నన్ను చంపేస్తున్నారు కాపాడండి, అంటూ ఒక యువకుడు సేల్ఫీ వీడియో అది. వద్దేల సందీప్ అనే వ్యక్తీ సోషల్ మీడియాలో, ఈ విషయం పై బాలినేనిని, ప్రభుత్వాన్ని నిలదీశారు. దీంతో అతన్ని ఒంగోలు పోలీసులు స్టేషన్ కు తీసుకు వచ్చి హింసిస్తున్నారు.
చంద్రబాబు పోస్ట్ చేసిన వీడియోలో, ఆ యువకుడి మాటలు "బాలినేని శ్రీనివాస్ రెడ్డి గురించి సోషల్ మీడియాలో షేర్ చేసానని, పోలీసులు నిన్న మధ్యాన్నం ఒంటి గంటకు తీసుకు వచ్చి, చేతులు అన్నీ వాచిపోయేలా కొట్టారు. మన పార్టీ వాళ్ళ పేర్లు చెప్పాలి అంటూ, దౌర్జన్యంగా కొడుతున్నారు అన్నా. మధ్యాన్నం కొట్టారు. మళ్ళీ రాత్రికి కొడతాం అంటున్నారు. కొంత మంది పేర్లు చెప్పమంటున్నారు. లేకపోతె చంపేస్తాం, రౌడీ షీట్ ఓపెన్ చేస్తాం అని బెదిరిస్తున్నారు. ఒక వైసిపీ నాయకుడు వచ్చి వెళ్ళిన తరువాత, పైకి తీసుకువచ్చి, ముగ్గురు కానిస్టేబుల్ లు, సిఐ ఇష్టం వచ్చినట్టు కొట్టారు. కాలికి ఆపరేషన్ అయ్యింది, కొట్టొద్దు అని దండం పెట్టినా, ఆపరేషన్ అయిన చోట, కావాలని మళ్ళీ కొట్టారు. కాళ్ళు, చేతులు అన్నీ నొప్పులు పుడుతున్నాయి అన్నా. మీరు కాపాడాలి అన్నా. ఇక్కడ ఉంటే ఎదో ఒకటి చేస్తారు అన్న. ప్లీజ్ మీరే కాపాడాలి" అంటూ ఆ యువకడు ఆవేదనతో మాట్లాడిన మాటలు చంద్రబాబు ట్వీట్ చేసి, ప్రభుత్వం పై ధ్వజమెత్తారు.