ఆంధ్రప్రదేశ్ ముఖ్యమంత్రి చంద్రబాబు నాయుడు ఏదన్నా పట్టు పట్టరంటే, అది ఎదో ఒక లాజికల్ కంక్లుజన్ వచ్చే దాకా వదిలిపెట్టారు. ప్రస్తుతం ఆయన చేస్తున్న ఈవీఎంల పోరాటంతో, అటు కేసీఆర్, ఇటు మోడీ వణికిపోతున్నారు. ముందుగా కేసీఆర్ విషయానికి వస్తే, ఆయన మొన్న జరిగిన అసెంబ్లీ ఎన్నికల్లో ఈవీఎంలను మ్యానేజ్ చేసారనే అభిప్రాయం అందరికీ ఉంది. అయితే ఆ విషయం పై పోరాడటానికి అటు కాంగ్రెస్ కాని, మిగతా విపక్షాలు కూడా ధైర్యం చెయ్యలేక పోయాయి. అయితే చంద్రబాబు మాత్రం, ఈ విషయం పై ఫోకస్ పెట్టారు. తెలంగాణాలో జరిగిన అవకతవకల పై దృష్టి పెట్టారు. దీంతో కేసీఆర్, కేటీఆర్ లకు గుబులు మొదలైంది. తమ గుట్టు అంతా ఎక్కడ బయట పడుతుందో అని, కంగారు పడుతున్నారు. అందుకే కేటీఆర్ బుజాలు తడుముకుంటూ దొరికిపోయాడు.
ఇక మరో పక్క మోడీ గుట్టు అంతా బయట పడే ప్రమాదం కూడా లేకపోలేదు. మోదటి ఫేజ్ లో ఆంధ్రప్రదేశ్ ఎన్నికలు జరిగిన తీరుతో, ఈవీఎంలతో మోడీ ఎలాంటి ఆటలు ఆడుతున్నారో చంద్రబాబు కనిపెట్టి, ఇప్పుడు అలాంటి పరిస్థితులు మిగతా విడతల్లో జరిగే అవకాసం లేకుండా, మోడీకి చెక్ పెట్టే పని చంద్రబాబు చేస్తున్నారు. మరో పక్క, చంద్రబాబు నాయుడు గ్యాప్ లేకుండా తిరుగుతున్నారు. ఢిల్లీ నుంచీ తమిళనాడు వరకూ ఆయన పర్యటనలు సాగుతున్నాయి. ఎన్నికల ఫలితాలకు 40 రోజుల టైమ్ ఉండటంతో ఇప్పటికే ఢిల్లీ వెళ్లి... సీఈసీకి కంప్లైంట్ ఇవ్వడంతోపాటూ... కాంగ్రెస్ నేతలనూ కలిసిన చంద్రబాబు... ఆ తర్వాత రెండో దశ ఎన్నికలు జరగబోతున్న కర్ణాటక వెళ్లి... జేడీఎస్ నేతల్ని కలిశారు. మాండ్యాలో జేడీఎస్ తరపున ఎన్నికల ప్రచారంలో పాల్గొన్నారు.
తాజాగా ఆయన తమిళనాడు వెళ్లి... డీఎంకే నేతలను కలిశారు. ఇలా చంద్రబాబు... జాతీయ స్థాయిలో తన మార్క్ చెదిరిపోకుండా చూసుకుంటున్నారు. రేపు ఫలితాలు వచ్చాక... ఛాన్స్ దొరికితే... మళ్లీ... జాతీయ స్థాయిలో చక్రం తిప్పుతూ... కేంద్ర ప్రభుత్వంలో భాగస్వామ్యం కావచ్చని ఆయన ప్రణాళికలు వేసుకుంటున్నట్లు తెలిసింది. లోక్ సభ ఎన్నికలు పూర్తయ్యే నాటికి దేశంలోని వివిధ రాష్ట్రాల్లో పర్యటించి బీజేపీకి వ్యతిరేకంగా ప్రచారం చేయడంతో పాటు కమలనాథులకు వ్యతిరేకంగా ఉన్న పార్టీలను ఏకం చేయడంలో చంద్రబాబు కీలక భూమిక పోషించే అవకాశం ఉందని పలువురు విశ్లేషిస్తున్నారు. ఈ మొత్తం వ్యవహారాన్ని నిశితంగా గమనిస్తున్న పలువురు రాజకీయ పరిశీలకులు మాత్రం చంద్రబాబునాయుడు ఎన్టీఆర్ బాటలో జాతీయ రాజకీయాల్లో చక్రం తిప్పేందుకు యోచిస్తున్నారని అభిప్రాయపడుతున్నారు.