ఆంధ్రప్రదేశ్ లో ఎన్నికలకు సమయం దగ్గర పడటం తో తెలుగు దేశం పార్టీ దూకుడు పెంచుతుంది. వివిధ జిల్లాల్లో వరుస పర్యటనలతో చంద్రబాబు ముందుకు దూసుకు పోతున్నారు. ఇందులో భాగంగానే, చంద్రబాబు ఈనెల 22, 23, 24 తేదీల్లో విజయనగరం జిల్లాలో పర్యటించనున్నారు. ఇదేం ఖర్మ మన రాష్ట్రానికి అనే కార్యక్రమంలో చంద్రబాబు పాల్గొననున్నారు . 24వ తారీఖున టీడీపీ జిల్లా పార్టీ నేతలు, ఇన్‌చార్జ్ లతో చంద్రబాబు సమావేశం కానున్నారు. కర్నూల్ ,గోదావరి జిల్లాల పర్యటన సూపర్ సక్సెస్ కావడంతో, టిడిపి నేతలు మంచి జోష్ లో ఉన్నారు. అదే విదంగా విజయనగరం జిల్లాలో కూడా పర్యటన విజయవంతం చేస్తామని, జనాల్లో కూడా వైసిపి పై వ్యతిరేఖత మొదలైందని, అందుకే తమ పర్యటనలకు జనం నుంచి విశేష స్పందన వస్తుందని టిడిపి నేతలు ధీమా వ్యక్తం చేసారు.
Advertisements