40 ఏళ్ళ రాజకీయ జీవితంలో, చంద్రబాబు 14 ఏళ్ళు అధికారంలో ఉన్నారు... పరిపాలనలో టెక్నాలజీ వాడకం మొదలు పెట్టారు... పరిపాలనలో ఎన్నో సంస్కరణలు తెచ్చారు... తాను అధికారంలో ఉన్నప్పుడు ఎన్నో విజయాలు సాధించారు... ప్రజల జీవితాల్లో ఎన్నో మార్పులు వచ్చాయి... ఇంజనీరింగ్ కాలేజీలు, ఐటి ఉద్యోగాలు, లాంటివి ప్రతి మధ్య తరగతి కుటుంబాన్ని తాకాయి... అభివృద్ధిలో అయితే చెప్పనవసరం లేదు... రైతు బాజార్లు, డ్వాక్రా, నీరు మీరు, జన్మభూమి, ఇలా అనేక కార్యక్రమాలు ప్రజల జీవితాల్లో మార్పు తెచ్చాయి... అయితే, చంద్రబాబు అతి పెద్ద విజయం ఏంటి అంటే, అందరూ చెప్పేది హై టెక్ సిటీ...
విజ్ఞాన ఆధారిత కంపెనీలు తెస్తేనే ఉద్యోగాలు, అభివృద్ధి వస్తాయని నిర్ధారణకు వచ్చి, చంద్రబాబు ఐటి వైపు అడుగులు వేసారు... మైక్రోసాఫ్ట్‌ వచ్చిన తర్వాత ఒరాకిల్‌, TCS, Deloitte, Cognizant, ఇన్ఫోసిస్‌... ఇలా వరుసగా అనేక కంపెనీలు ఇక్కడకు తరలి వచ్చాయి. ఇందుకోసం న్యూయార్కులో 18 రోజులుండి ఫైళ్లు మోసుకుంటూ తిరిగారు చంద్రబాబు. తరువాత జరిగింది చరిత్ర... అమలాపురం నుంచి, ఆదిలాబాద్ దాకా, ఆ రోజుల్లో డిగ్రీ పూర్తి చేసుకుని, చేతిలో సర్టిఫికేట్ లు పట్టుకుని, హైదరాబాద్ లో గౌరవంగా ఉద్యోగాలు చేసిన వారని అడిగితే చెప్తారు... ఈ విజయానికి మించిన విజయం, నవ్యాంధ్రలో చంద్రబాబు సాధించారు.. ఆశ్చర్యంగా ఉందా ? అవును సాధించారు...
ఆ విజయం పేరే పట్టిసీమ... ఈ నాలుగేళ్ళలో ఆంధ్రప్రదేశ్ ని కాపాడింది ఈ పట్టిసీమే... పట్టిసీమ లేకపోతే, నవ్యాంధ్ర ముఖ చిత్రం వేరేగా ఉండేది... చుక్క నీరు ఉండేది కాదు, కృష్ణా డెల్టా, రాయలసీమ ఎండిపోయేది... రైతులలో అశాంతి ఉండేది, తాగు నీరు లేక ప్రజలు విలవిలలాడేవారు... నీరు లేక కియా లాంటి పరిశ్రమలు వచ్చేవి కాదు... ఒక్కటేమిటి, పట్టిసీమ అనేది లేకపోతే, మన రాష్ట్రం ఎలా ఉండేదో ఊహకే అందని విషయం... అందుకే చంద్రబాబుని విజనరీ అనేది... అధికారంలోకి రాగానే, నీటి కష్టాలు ముందే ఊహించి, వెంటనే పట్టిసీమ మొదలు పెట్టారు... రాష్ట్రంలో దాదాపు 75% ఈ రోజు నిశ్చింతంగా ఉంది అంటే, అది పట్టిసీమ చలువే... అందుకే, హై టెక్ సిటీ కంటే, పట్టిసీమే పెద్ద విజయం అంటున్నారు ప్రజలు... వీటికి మించిన విజయాలు, అమరావతి నిర్మాణం, పోలవరం కూడా చంద్రబాబు గారే పూర్తి చెయ్యాలి, చేస్తారు... ఇదే 5 కోట్ల ఆంధ్రుల మాట... జయహో పట్టిసీమ.... జై ఆంధ్రప్రదేశ్....