పది రోజుల క్రితం విడుదలై, రెండు తెలుగు రాష్ట్రాల్లోనే కాకుండా, దేశ వ్యాప్తంగా కూడా మంచి పేరు తెచ్చుకున్న అఖండ సినమీ, సూపర్ హిట్ టాక్ తో దూసుకు వెళ్తుంది. అఖండ సినిమా పై ఈ రోజు తెలుగుదేశం పార్టీ అధినేత చంద్రబాబు కొన్ని ఆసక్తికర వ్యాఖ్యలు చేసారు. తాను కూడా అఖండ సినమీని చూశానని చెప్పిన చంద్రబాబు, ఏపీలో పరిస్థితులు ఎలా ఉన్నాయో, అవే అఖండ సినిమాలో కూడా చూపించారని అన్నారు. పంచ భూతాలను మింగేయటం, దేవాలయాల విధ్వంసం గురించి, చంద్రబాబు పరోక్షంగా ప్రస్తావించారు. అఖండ సినిమా చాలా బాగుందని అన్నారు. చంద్రబాబు అంతకు ముందు ప్రెస్ మీట్ లో, ఏపి విభజన హామీల పై మాట్లాడారు. ఆయన మాట్లాడుతూ "వైసీపీ అవకాశవాద రాజకీయాలు చేస్తోంది. వైసీపీ ప్రజల్లో వ్యతిరేకత వస్తోంది.. తిరుగుబాటు తప్పదు. వైసీపీ నాయకులు రాష్ట్రాన్ని భ్రష్టు పట్టించారు. పరిపాలన అనుభవం లేక రాష్ట్రాన్ని భ్రష్టు పట్టించారు. ప్రజలను అనేక రకాలుగా ఇబ్బందులకు గురిచేస్తున్నారు. జగన్ ప్రభుత్వానివి అన్నీ అబద్దాలే. ప్రత్యేక హోదా ఏపీకి సంజీవని అని జగన్ అనలేదా?. ప్రత్యేక హోదా వస్తే అందరికీ ఉద్యోగాలు వస్తాయని చెప్పారు. 25 మంది ఎంపీలను ఇస్తే కేంద్రం మెడలు వంచి హోదా తెస్తానని చెప్పారు. వైసీపీ ఎంపీలు ఎక్కడున్నారు? ఏం చేస్తున్నారు?. పార్లమెంటులో ప్రత్యేక హోదా ముగిసిన అధ్యాయమని మంత్రి చెప్పారు. ప్రత్యేక హోదాపై ఎందుకు పోరాడలేకపోయారో సమాధానం చెప్పాలి. ఆనాడు ప్రజలకు ప్రత్యేక హోదా సాధిస్తామని భరోసా ఇచ్చారు - ప్రత్యేక హోదా సాధించలేకపోతే రాజీనామా చేస్తామని చెప్పారు - హోదా కోసం రాజీనామా చేసి ఎందుకు పోరాడరు - ఏమాత్రం చిత్తశుద్ధి ఉన్నా వైసీపీ ఎంపీలు రాజీనామా చేయాలి - మేము రాజీనామా చేస్తాం.. ప్రత్యేక హోదా కోసం పోరాడదాం - మీ డైవర్షన్ పాలిటిక్స్ ఇక పనిచేయవు - హోదాపై వైసీపీ ఎంపీలు ఎందుకు పోరాడటం లేదు? - హోదా విషయంలో యూటర్న్ తీసుకున్నారు - విశాఖ ఉక్కుపై ఎన్నికల ముందు చెప్పిందేంటి?.. ఇప్పుడు చేస్తోందేంటి? - గతంలో ప్రైవేటీకరణను టీడీపీ అడ్డుకుంది
పాస్కో ప్రతినిధులతో జగన్ మాట్లాడలేదా - రైల్వే జోన్ విషయంలోనూ వైసీపీ ప్రభుత్వానికి చీమ కుట్టినట్టయినా లేదు - రాష్ట్ర హక్కులను కాపాడుకోవడంలో విఫలమయ్యారు - విశాఖపై ప్రేమ చూపిస్తున్న ఈ ప్రభుత్వం.. రైల్వే జోన్‍ను ఎందుకు పోగొట్టింది? - సమాధానం చెప్పలేని ఈ ముఖ్యమంత్రి రాష్ట్రాన్ని ఏ విధంగా పాలిస్తారు? - ముఖ్యమంత్రి మోసాలను ప్రజలు యువత అర్థం చేసుకోవాలి - పోలవరం ప్రాజెక్టు నిర్వీర్యం చేయడానికి నాడు అన్ని విధాలా ప్రయత్నం చేశారు - ఇప్పుడు ప్రాజెక్టును అధోగతి పాలు చేసే పరిస్థితికి వచ్చారు - ప్రాజెక్టు విషయంలో అప్పుడు వైఎస్ కొన్ని తప్పటడుగులు వేశారు - ఐదేళ్లలో 11,537 కోట్లు ఖర్చు పెట్టి ప్రాజెక్టును 70 శాతం పూర్తిచేశాం - ప్రాజెక్టుకు ఎక్కడా ఇబ్బంది లేకుండా ఫాస్ట్ ట్రాక్‍లో నడిపించాం -2021 పోలవరం పూర్తి చేస్తామన్నారు.. మళ్లీ 2022 అంటున్నారు.. ఇప్పుడు అది కూడా డౌటే - అవగాహన రాహిత్యం వల్ల ఇరిగేషన్‍ను భ్రష్టు పట్టించారు - కృష్ణా, గోదావరి ప్రాజెక్టులను మొత్తాన్ని కేంద్రానికి అప్పగించారు - రాష్ట్రానికి అమరావతి పోలవరం రెండు కళ్లు - ఆ రెండు కళ్లను వైసీపీ ప్రభుత్వం పొడిచేసింది - అవినీతి అన్నారు.. ఎంక్వైరీ అన్నారు.. రివర్స్ టెండర్లు అన్నారు - పేదల రక్తం తాగే ప్రభుత్వం ఇది - ప్రజలు భయపడితే పూర్తిగా నష్టపోతారు - అమరావతి రాజధానిని నాశనం చేశారు - రైతులు పాదయాత్ర చేస్తుంటే అడుగడుగునా ఆంక్షలు - రెండున్నరేళ్లలో 7 లక్షల కోట్లకు పైగా అప్పులు - పీఆర్పీ, సీపీఎస్ హామీలు ఏమయ్యాయి? - వైసీపీకి పాలించే హక్కు లేదు : టీడీపీ అధినేత చంద్రబాబు