నారా భువనేశ్వరిపై అనుచిత వ్యాఖ్యల వ్యాఖ్యలు చేస్తూ, చంద్రబాబుని మానసికంగా దెబ్బ తీసే వ్యూహం పన్నిన వైసీపీ, చంద్రబాబుని మానసికంగా ఇబ్బంది పెట్టే విషయంలో సక్సస్ అయ్యింది కానీ, దేశ వ్యాప్తంగా మాత్రం, వైసీపీ చేసిన పని పై విమర్శలు ఎదురుఅవుతున్నాయి. చంద్రబాబుని అలా చూసిన అనేక మంది, ఆయనకు ఫోన్లు చేసి పరామర్శిస్తున్నారు. తాజాగా ప్రముఖ సినీ నటుడు, రియల్ హీరో సోనూసూద్, చంద్రబాబుకు ఫోన్ చేసారు. మీడియా ద్వారా విషయం తెలుసుకున్న సోనూసూద్, చంద్రబాబుకు ఫోన్ హస్సి పరామర్శించారు. శాసనసభలో జరిగిన విషయం పై విచారం వ్యక్తం చేసారు. ప్రజా సమస్యలు పరిష్కారం అవ్వాల్సిన శాసనసభలో, ఇలాంటి ఘటనలు జరగటం శోచనీయం అని అన్నారు. ప్రజలకు ఉపయోగపడే, నిర్మాణాత్మక విషయాలు చర్చించాల్సిన, శాసనసభలో, పవిత్ర దేవాలయంలో, ఇలాంటి విధ్వంస ధోరణి మంచిది కాదని అన్నారు. చంద్రబాబుని ఓదార్చిన సోనూ సూద్, హైదరాబాద్ వచినప్పుడు, మిమ్మల్ని వచ్చి కలుస్తానని, మునుపటి లాగే ప్రజా సేవ కొనసాగించి, తమ లాంటి వారికి ఆదర్శంగా ఉండాలని అన్నారు.