చంద్రబాబు నాయుడు గత మూడు రోజులుగా విజయనగరం జిల్లాలో పర్యటన చేస్తున్న సంగతి తెలిసిందే. మొదటి రోజు రాజాం, రెండో రోజు బొబ్బిలి, ఈ రోజు విజయనగరంలో పర్యటన చేస్తున్నారు. అయితే చంద్రబాబు సభలకు ప్రజల నుంచి అనూహ్య స్పందన వచ్చింది. ఈ స్పందన తెలుగుదేశం పార్టీ కూడా ఊహించ లేదు. చంద్రబాబుని కదలనివ్వనంత ఇదిగా జనాలు వచ్చేసారు. ఆకాశానికి చిల్లు పడిందా అనే డైలాగ్ గుర్తుకు వచ్చేలా చేసారు. అయితే ఈ రోజు చంద్రబాబు విజయనగరం పర్యటన ముగించుకుని అమరావతి వెళ్ళాల్సి ఉంది. ఈ రోజు చంద్రబాబు గజపతి నగరం నుంచి విజయనగరం చేరుకోవాల్సి ఉండగా, గజపతి నగరంలో మీటింగ్ లేకపోయినా అనూహ్యంగా ప్రజలు వచ్చేయటంతో, చంద్రబాబు పర్యటన ఆలస్యం అయిపొయింది. ఇక విజయనగరంలో కూడా నిన్న బొబ్బిలికి మించి ప్రజలు ఉన్నారని సమాచారం రావటంతో, ఈ రోజుకి వెళ్ళటం కుదరదని నిర్ణయానికి వచ్చారు. దీంతో ఈ రోజు ఎంవీజీఆర్ ఇంజినీరింగ్ కాలేజీ ప్రాంగణంలో రాత్రిక చంద్రబాబు బస చేస్తారు. రేపు ఉదయం తిరిగి వెళ్లనున్నారు.