ఇప్పటికే మన రాష్ట్రం పై, పక్క రాష్ట్ర ముఖ్యమంత్రి కేసీఆర్, అతని బ్యాచ్ ఎలాంటి దాడి చేస్తున్నారో చూస్తున్నాం. జగన్ మోహన్ రెడ్డిని అడ్డు పెట్టుకుని, మన రాష్ట్రం పై ఆధిపత్యానికి, చంద్రబాబుని దెబ్బ కొడుతూ, రిటర్న్ గిఫ్ట్ డ్రామా ఆడుతున్నారు. మరో పక్క హైదరాబాద్ సినీ బ్యాచ్ అయిన పోసాని, మోహన్ బాబు, లాంటి వాళ్ళు మన రాష్ట్రం పై ఎలాంటి దాడి చేస్తున్నారో చూస్తూనే ఉన్నాం. ఇప్పుడు వచ్చిన మరో కొత్త ఐటెం చిన్ని కృష్ణా అనే మరో హైదరాబాద్ సినీ వ్యక్తి. కేసీఆర్ కు గులాం లు కొట్టే వీళ్ళు, మన రాష్ట్రం పై దండ యాత్రకు వస్తున్నారు. కేసీఆర్ డైరెక్ట్ గా మాట్లాడితే, ఎక్కడ జగన్ కు ఇబ్బంది అవుతుందో అని, ఇలాంటి వాళ్ళ చేత మాట్లడనిస్తున్నారు.
పవన్ కళ్యాణ్ కేసీఆర్ అని విమర్శలు చేస్తున్నారని, పొడుచుకు వచ్చిన ఈ సినీ బ్యాచ్, రోజుకి ఒకళ్ళు వచ్చి, విరుచుకు పడుతున్నారు. పవన్ కళ్యాణ్ విమర్శలకు సమాధానం ఇస్తూ, ఎగువ రాష్ట్రాలకు దిగువ రాష్ట్రాలు తలొగ్గి ఉండాలని చిన్నికృష్ణ వ్యాఖ్యానించారు. ఎన్నికల తర్వాత నేను నోరు తెరిస్తే నవరంధ్రాలు మూసుకోవాల్సి వస్తుంది అని పవన్ కల్యాణ్‌ను చిన్నికృష్ణ హెచ్చరించాడు.చిరంజీవి ఫ్యామిలీ సినీ పరిశ్రమకు చేసింది ఏమీ లేదని, ఓట్ల కోసం ప్రజలను మెగా ఫ్యామిలీ మభ్య పెడుతోందని ఆరోపించారు. తెలంగాణ పోలీసులపై నమ్మకం లేదని చంద్రబాబు, ఇంకో వ్యవస్థపై నమ్మకం లేదని పవన్ కల్యాణ్ అనడం తప్పు. అని చిన్ని కృష్ణ తీవ్రంగా స్పందించారు.
అయితే, ఇక్కడ పవన్ ను విమర్శలు చెయ్యొచ్చు, కేసీఆర్ కు భజన చేసుకోవచ్చు, ఎవరికీ ఇబ్బంది ఉండదు. కాని, ఎగువ రాష్ట్రాలకు దిగువ రాష్ట్రాలు తలొగ్గి ఉండాలని చెప్పటం ఎంత ఖండ కావరం ? తెలంగాణాకి క్రింద రాష్ట్రమైన ఏపీ తెలంగాణాకి తలొగ్గి ఉండాలా! ఎగువరాష్ట్రం క్రింద దిగువరాష్ట్రం తలొగ్గి ఉండాల్సిందేనని చెప్తున్నాడు! చిన్నికృష్ణ, సినీరచయిత అంట! నీకు తెలంగాణాలో నాలుగు ఆస్తులు ఉండగానే, కేసీఆర్ భజన చెయ్యాలా ? అయిదు కోట్ల మంది ప్రజల్ని బానిసగా బ్రతకమంటావా! వందల కోట్లు ఆస్తులున్నోళ్లే కెసిఆర్ కి బెదరక ఎదురు తిరిగారు... నువ్వెంత.. నువ్వు ఎవరివి మమ్మల్ని తలొగ్గి బ్రతకమని చెప్పటానికి!