మచిలీపట్నం కోనేరు సెంటర్ లో, అమరావతి జేఏసీ ఆధ్వర్యంలో, జరిగిన బహిరంగ సభలో, ఆంధ్రప్రదేశ్ మాజీ ముఖ్యమంత్రి చంద్రబాబు పాల్గున్నారు. ఈ సందర్భంగా, చంద్రబాబు మాట్లాడుతూ ఉండగా, ఒక్కసారిగా విద్యుత్ సరఫరా నిలిచిపోయింది. చుట్టుపక్కల అంతా ఉన్న విద్యుత్, కోనేరు సెంటర్ బహిరంగ సభ ప్రదేశం లో మాత్రమే విద్యుత్ సరఫరా నిలిచిపోయింది. ప్రభుత్వ కుట్రే అని సీపీఐ రామకృష్ణ తప్పుపట్టారు. అయితే చంద్రబాబు మాట్లాడుతూ, ప్రభుత్వం పై విమర్శలు చేసారు. ప్రభుత్వం అన్నిటికీ భయపడి పోతుందని అన్నారు. కరెంటు తీస్తే మేము వేల్లిపోతామా అని అన్నారు. సభకు హాజరైన అందరినీ సెల్ ఫోన్లు ఆన్ చేయాలని సూచించారు. కావాలనే కరెంటు తీసారని, మీ సెల్ ఫోన్ వెలుగు చాలని అన్నారు. చంద్రబాబు మాట్లాడుతూ ఉండగా, కొంచెం సేపటికి కరెంటు వచ్చింది. అమరావతికి అందరి ఆశీస్సులు ఉన్నాయని, దాన్ని కదిలించే, శక్తి ఎవరికీ లేదని చంద్రబాబు అన్నారు. ఇప్పటికి 10 మంది రైతులు చనిపోయినా ఒక్కరు కూడా వచ్చి పరామర్శించలేదని అన్నారు.
చంద్రబాబు మాట్లాడుతూ, "అమరావతి నుంచి పాలన సాగటానికి అన్ని వసతులు ఉన్నాయి. ఇవాళ ఈనాడు దీనిపై వాస్తవాలు ప్రచురించారు. ఈనాడు ని నమ్మండి కానీ మా సాక్షి నమ్మొద్దని జగనే అసెంబ్లీలో చెప్పాడు. జగన్ వి నవరత్నాలు కాదు అవి నవ గ్రహాలు. రేపే శుక్రవారం, జగన్ ఎక్కడికి వెళ్తున్నారు. పవన్ కళ్యాణ్ ని పవన్ నాయుడు అంటున్న పేర్ని..., నాని రెడ్డి నా. ఇది మన ఉద్యమం, ప్రజా ఉద్యమం. రాజధాని అమరావతి గా కొనసాగేందుకు సాగించే ఉద్యమం. జై అమరావతి జై జై అమరావతి అంటూ గట్టిగా నినదించిన చంద్రబాబు. అమరావతి పోరాటానికి ప్రతి ఇంటి నుంచి ఒకరు రావాలి. ఇది మీ బిడ్డల కోసం చేసే పోరాటం. తమ భవిష్యత్ పోతోందని యువత గ్రహించాలి. రాజధాని మార్పు అంశంపై దమ్ము ధైర్యం ఉంటే ప్రభుత్వాన్ని రద్దు చేసి ఎన్నికలకు వెళ్ళండి. మళ్లీ మీరు గెలిస్తే మీకు నచ్చిన చోట రాజధాని ని కట్టుకోండి. ప్రజా తీర్పును నేనూ గౌరవిస్తా" అని చంద్రబాబు అన్నారు.
అంతకు ముందు చంద్రబాబు, విజయవాడ నుంచి రోడ్డు మార్గాన మచిలీపట్నం వెళ్లారు. అడుగడుగునా, చంద్రబాబుకి ఘన స్వాగతం లభించింది. రాజధాని కోసం 33 వేల ఎకరాలు ఇచ్చిన రైతుల త్యాగాలతో నిర్మించిన అమరావతి పరిరక్షణ కోసం, కష్టాల్లో వున్న ఆ రైతులు, మహిళలు, కార్మికులు,రైతుకూలీలకు అండగా ఉండేందుకు మచిలీపట్నం వీధుల్లో జోలెపట్టి విరాళాలు సేకరిస్తూ, చంద్రబాబు..జేఏసీ నాయకులు, సిపిఐ కార్యదర్శి రామకృష్ణ, ఇతర పార్టీల నేతలు, ప్రజాసంఘాల ప్రతినిధులు వీధుల్లో తిరిగారు. భారీ ఎత్తున తరలివచ్చి జేఏసీ పోరాటంలో భాగస్వాములైన అన్నివర్గాల ప్రజలు, వయోభేదం మరిచి వెన్నంటి నిలిచిన చిన్నారులు, వృద్దులు,విద్యార్థులు,మహిళలు.