వైసీపీ అధ్యక్షుడు వైఎస్‌ జగన్మోహన్‌రెడ్డి నిన్న సతీసమేతంగా తాడేపల్లిలో నూతన గృహ ప్రవేశం చేసిన సంగతి తెలిసిందే. బుధవారం ఉదయం 8.19 గంటలకు సర్వమత ప్రార్థనలతో జగన్, భారతి దంపతులు కొత్త ఇంట్లో అడుగుపెట్టారు. కార్యక్రమంలో జగన్ తల్లి విజయలక్ష్మి, చెల్లెలు షర్మిల, ఆమె భర్త బ్రదర్‌ అనిల్‌, వైసీపీ రాజ్యసభ సభ్యుడు వి.విజయసాయిరెడ్డి, పార్టీ నేతలు మేకపాటి రాజమోహన్‌రెడ్డి, పెద్దిరెడ్డి రామచంద్రారెడ్డి, మిథున్‌రెడ్డి, తలశిల రఘురాం, ఎమ్మెల్యే రోజా, ఎమ్మెల్సీ ఉమ్మారెడ్డి వెంకటేశ్వర్లు తదితరులు పాల్గొన్నారు. అనంతరం పార్టీ కేంద్ర కార్యాలయాన్ని జగన్ అట్టహాసంగా ప్రారంభించారు. ప్రాంగణంలో వైసీపీ జెండాను ఆవిష్కరించారు.
అయితే ఈ సందర్భంలో, జరిగిన ఒక సంఘటన కలకలం రేపింది. కులం తక్కువ దానివి.. జగన్ గృహప్రవేశానికి రావాలా? అంటూ వెంకటరమణి అనే మహిళ తెలిపింది. ఈ అవమానం కారణంగానే తాను నిద్రమాత్రలు మింగి ఆత్మహత్యాయత్నం చేశానని తెలిపింది. వైసీపీ అధినేత జగన్ గృహ ప్రవేశ కార్యక్రమం వద్ద గుంటూరు నగరానికి చెందిన మహిళా కార్యకర్తల మధ్య వాగ్వాదం నెలకొంది. తనను అసభ్య పదజాలం, కులంపేరుతో ధూషించారని వెంకట రమణి అనే మహిళ వాపోయింది. ప్రమీల అనే మహిళ తనపై దాడికి ప్రయత్నించిందని.. కులం తక్కువ దానివి జగన్ గృహప్రవేశానికి రావాలా? అంటూ అవమినించిందని వాపోయింది. తనను ప్రమీల జగన్ ఇంటి వద్ద దారుణంగా అవమానించిందని.. అందుకే తాను నిద్రమాత్రలు మింగానని తెలిపింది. అయితే ఈ విషయం పై, వైసీపీ నుంచి మాట్లాడటానికి ఎవరూ ముందుకు రాలేదు. ఒక పక్క చింతమనేని పై ఫేక్ వీడియో ఒకటి వదిలి దళిత వ్యతిరేకి అనే ముద్ర వెయ్యటానికి ట్రై చేసి, ఇప్పుడు వాళ్ళే ఇలా బుక్ అవ్వటంతో, ఈ విషయం పై మాట్లాడటానికి ఎవరూ ముందుకు రావటం లేదు.